Arkivji mensili: Jannar 2011

ANNIVERSARJU TAL-ORDINAZZJONI EPISKOPALI TAL-ARĊISQOF PAWLU CREMONA

24/01/2011

L-Arċisqof Pawlu Cremona O.P. se jiċċelebra r-raba’ anniversarju tal-ordinazzjoni episkopali tiegħu b’Quddiesa Konċelebrata ta’ Radd il-Ħajr fil-Konkatidral ta’ San Ġwann, Valletta, nhar il-Ħadd, 30 ta’ Jannar 2011, fil-5.30 p.m. Is-saċerdoti kollha huma mistiedna jikkonċelebraw u kulħadd huwa mistieden jattendi.

Nhar it-Tlieta 25 ta’ Jannar, l-Arċisqof jiċċelebra għeluq il-65 sena tiegħu. Mons. Cremona twieled fl-1946. Hu ġie ordnat Isqof fis-26 ta’ Jannar 2007. Dakinhar huwa beda wkoll il-missjoni pastorali tiegħu bħala Arċisqof ta’ Malta… Kompli aqra »

AĠĠORNAMENT FIR-REGOLAMENTI GĦAD-DĦUL FL-ISKEJJEL TAL-KNISJA

24/01/2011

The regulations for entry into Church schools have been updated since they were first published in December 2010.

Recently a decision to re-organise some of the Church’s Kindergarten schools was taken by Church School officials and the Heads of the Church Kindergarten schools.  This has resulted in 32 boys and 33 girls less vacancies in Kindergarten 1 and 31 boys and 32 girls more vacancies in Kindergarten 2… Kompli aqra »

INKONSISTENZA

24/01/2011

Il-kontorni tad-dibattitu nazzjonali dwar jekk f’Malta għandhiex tiddaħħal leġiżlazzjoni li tippermetti lill-koppji miżżewġin biex jiddivorzjaw, kulma jmur qed jiffurmaw irwieħhom.

Fl-aħħar ħmistax rajna l-ewwel it-twaqqif tal-moviment ‘Żwieġ bla Divorzju’, moviment li jsostni li d-dħul tad-divorzju mhix għażla għaqlija hekk kif dan ibiddel in-natura taż-żwieġ. Sussegwentement, il-‘Moviment Iva Għad-Divorzju’ nieda l-logo tiegħu li jġib il-kliem: ‘Iva għad-Divorzju, Iva għaż-Żwieġ’.

Irridu nistqarru li l-logo magħżul mill-moviment favur id-dħul tad-divorzju f’Malta għalina jqajjem għadd ta’ mistoqsijiet li jitolbu tweġiba, primarjament dwar il-konsistenza bejn iż-żewġ frażijiet li jikkomponu dan l-istess logo… Kompli aqra »

ĊENTRU ISLAMIKU JIFFRIŻA D-DJALOGU MAL-VATIKAN TALLI DDEFENDA LILL-INSARA FL-EĠITTU

24/01/2011

Il-Kunsill Islamiku ta’ Riċerka fl-Universita ta’ al-Azhar, l-ogħla awtorita tas-Sunni Islam, iffriża d-djalogumal-Vatikan bi protesta għad-difiża tal-insara fl-Eġittu mill-Papa Benedittu XVI. Dan hu l-aħħar minn sensiela ta’ żviluppi fir-relazzjonijiet bejn l-Eġittu u l-Vatikan, liema relazzjonijiet qatgħu lura wara l-attakk fuq il-Knisja Nisranija Kopta f’Alessandria fl-1 ta’ Jannar 2011. Dan l-attakk kien ħalla iktar minn 20 persuna mejta.

Wara li fl-aħħar ħmistax, il-Papa rrefera mill-ġdid għall-attakk ta’ ftuħ dis-sena, il-ġimgħa li għaddiet l-Eġittu fakkret lill-Ambaxxatriċi tagħha għas-Santa Sede, Lamia Aly Hamada Mekhemar… Kompli aqra »

Il-Vanġelu tal-Jum – 24 ta’ Jannar

24/01/2011

Mark 3,22-30

Il-kittieba li kienu niżlu minn Ġerusalemm bdew jgħidu: “Dan għandu fih lil Begħelżebul,” u wkoll, “Dan bis-saħħa tal-Prinċep tax-xjaten qiegħed ikeċċihom ix-xjaten.” Hu sejjħilhom lejh u beda jkellimhom bil-parabboli: “Kif jista’ x-Xitan ikeċċi x-Xitan? Jekk saltna tinqasam fiha nfisha, dik is-saltna ma tistax iżżomm wieqfa. U jekk familja tinqasam fiha nfisha, dik il-familja ma tistax iżżomm wieqfa… Kompli aqra »

24 – 30 ta’ Jannar

23/01/2011

It-Tnejn

9.00 a.m. L-Arċisqof jiltaqa’ mal-E.T. Arcisqof Bekhomious, l-ewwel Assistent tal-Qdusija Tiegħu l-Papa Shenouda III, Papa ta’ Alessandrija u Patrijarka tal-Knisja Ortodossa Kopta.

9.30 a.m. L-Arċisqof jippresiedi laqgħa tal-uffiċċjali prinċipali tal-Kurja.

4.30 p.m. L-Arċisqof iżur is-sorijiet f’Dar San Ġuzepp, Żabbar.

6.00 p.m. L-Arċisqof jiltaqa’ man-nies tal-parroċċa ta’ Żabbar, bħala parti miż-żjara pastorali tiegħu f’din il-parroċċa.

7.30 p.m… Kompli aqra »

Il-Vanġelu tal-Jum – 23 ta’ Jannar2nd

23/01/2011

Matthew 4,12-23

Meta Ġesù sama’ li kienu arrestaw lil Ġwanni, warrab lejn il-Galilija. Telaq minn Nazaret u mar joqgħod Kafarnahum, qrib il-baħar, fl-inħawi ta’ Żebulun u Naftali,  biex hekk iseħħ dak li kien ingħad permezz tal-profeta Isaija, meta qal, ‘Art ta’ Żebulun, u art ta’ Naftali, It-triq tal-baħar, art ‘il hemm mill-Ġordan, Galilija tal-ġnus! Il-poplu li kien qiegħed fid-dlam ra dawl kbir; dawk li kienu f’art u dell il-mewt idda dawl għalihom.’ Minn dak iż-żmien Ġesù beda jxandar u jgħid: “Indmu għax is-Saltna tas-Smewwiet waslet.” Huwa u jdur ma’ xatt il-baħar tal-Galilija lemaħ żewġt aħwa, Xmun jgħidulu Pietru, u ħuh Indrì, qegħdin jixħtu x-xbiek fil-baħar, għax kienu sajjieda… Kompli aqra »

IL-PAPA JAPPELLA GĦAL EŻEMPJU MORALMENT TAJJEB MILL-UFFIĊJALI PUBBLIĊI

22/01/2011

Pope Benedict XVI

Il-Papa Benedittu XVI qal li l-uffiċjali pubbliċi għandhom ikunu ta’ eżempju morali qawwi. Hu mifhum li dan hu l-ewwel kumment uffiċjali tal-Papa wara li fl-Italja xterdet l-aħbar marbuta mal-allegat skandlu sesswali li jinvolvi l-Prim Ministru Taljan Silvio Berlusconi.

Minkejja li isem Berlusconi ma ssemmiex mill-Kap tal-Knisja Kattolika, dawn il-kummenti kienu diġa espressi mid-Direttur tal-Uffiċċju Stampa tal-Vatikan, il-Kardinal Tarcisio Bertone li wera tħassib għall-kwistjoni… Kompli aqra »

Il-Vanġelu tal-Jum – 22 ta’ Jannar

22/01/2011


Mattew 25,31-40

“Meta jiġi Bin il-bniedem fil-glorja tiegħu u bl-anġli kollha miegħu, mbagħad joqgħod fuq it-tron glorjuż tiegħu.  U quddiemu jinġabru l-ġnus kollha, u hu jifridhom minn xulxin, bħalma r-ragħaj jifred in-nagħaġ mill-mogħoż: in-nagħaġ iqegħedhom fuq il-lemin tiegħu u l-mogħoż fuq ix-xellug. Mbagħad is-Sultan jgħid lil dawk ta’ fuq il-lemin tiegħu, ‘Ejjew, mberkin minn Missieri, ħudu b’wirt tagħkom is-Saltna li tħejjiet għalikom sa  mill-ħolqien tad-dinja… Kompli aqra »