L-Erbgħa 27 ta’ Ġunju, 2012, ġie organizzat Business Breakfast bit-tema ‘L-Etika u l-Media’, imtella’ mis-Segretarjat għall-Mezzi tal-Komunikazzjoni Soċjali tal-Knisja f’Malta.

Il-Business Breakfast, li sar fil-lukanda Excelsior tmexxa mis-Sinjura Josianne Camilleri, u għalih attendew esponenti tal-Media Maltija, fosthom edituri, deputy editors u diriġenti tal-organizzazzjonijiet tal-media.

Il-laqgħa bdiet b’diskors qasir mid-delegat tal-Arċisqof responsabbli mill-media, Fr Charles Tabone O.P, li tkellem fuq il-ħtieġa ta’ rapport aħjar bejn il-Knisja, il-ġurnalisti u dawk kollha nvoluti f’dan il-qasam… Kompli aqra »

Pope with Grand Master of Malta

Fil-Vatikan, il-Papa Benedittu XVI ilbieraħ iltaqa’ mal-Gran Mastru tal-Ordni ta’ Malta, Fra Matthew Festing, li kien akkumpanjat mill-Kunsill Sovran tal-Ordni. L-udjenza tradizzjonali saret fl-okkażjoni tal-Festa tat-twelid ta’ San Ġwann il-Battista, padrun tal-Ordni.

Ix-xogħol ewlieni tal-Ordni ta’ San Ġwann f’Malta jinvolvi għajnuna umanitarja u attivitajiet soċjali u ta’ natura medika. F’ħafna pajjiżi, korpi volontarji ta’ dan l-Ordni jipprovdu servizzi soċjali kif ukoll servizzi tal-ewwel għajnuna u servizzi mediċi ta’ emerġenza… Kompli aqra »

Is-Segretarjat għall-Mezzi tal-Komunikazzjoni Soċjali ser iniedi l-ewwel mobile phone application bl-informazzjoni kollha dwar il-ħinijiet u l-postijiet fejn jiġi ċċelebrat l-quddies fid-Djoċesi ta’ Malta. L-application ‘Malta Mass’ tagħmilha faċli għall-pubbliku biex isib il-quddies fl-eqreb knejjes skont il-ħin, kemm fil-ġranet ta’ matul il-ġimgħa kif ukoll fil-Ħdud u l-festi. ‘Malta Mass’ hija application għal iPhone, iPad u iPod Touch u fi żmien qasir ser tkun disponibbli wkoll fuq Google Play għal Android 2.3 u verzjonijiet aktar riċenti… Kompli aqra »

John the Baptist

Il-Papa Benedittu XVI fakkar il-festa tat-twelid ta’ San Ġwann il-Battista u qal li kien hu li ħejja t-triq għall-Mulej. Ġwanni qal li kien vuċi, l-għajta fid-deżert, is-sejħa lill-poplu t’Alla għall-indiema. “Ejja nisimgħu l-vuċi tiegħu llum, u nagħmlu post għall-Mulej fil-qalb tagħna”.

Il-Kap tal-Knisja Kattolika qal li l-konċepiment ta’ Ġwanni għal Eliżabetta, qariba ta’ Marija, hu sinjal “li għal Alla ma hemm xejn li ma jistax isir”… Kompli aqra »

Fr Federico Lombardi sj, Papal spokesman.

l-Papa Benedittu XVI iltaqa’ mal-mexxejja tad-diversi dekasteri tal-Kurja ta’ Ruma u anki xi membri mill-Kulleġġ tal-Kardinali sabiex jevalwa ideat u jieħu pariri dwar il-mod kif għandha tiġi trattata l-kwistjoni ta’ dokumenti kunfidenzjali tal-Papa li spiċċaw f’idejn il-media.

Il-kelliem għall-Uffiċċju Stampa, Patri Federico Lombardi, qal fi stqarrija uffiċjali li l-Papa approfondixxa r-riflessjoni tiegħu permezz ta’ djalogu kontinwu ma’ dawk li jġorru miegħu l-piż u r-responsabbilta tat-tmexxija tal-Knisja… Kompli aqra »