Il-Kelma tal-Arċisqof

Nitlob lil San Publiju li l-mexxejja tagħna jkunu mexxejja li jiddefendu d-dinjità tal-bniedem, hu min hu – L-Arċisqof

Quddiesa fil-festa ta' San Publiju

23/04/2023   Il-Knisja Arċipretali ta' San Publiju, il-Furjana

“Jiddi d-dawl tiegħek fid-dlam. Id-dlam tiegħek ikun bħal nofsinhar. Il-Mulej imexxik dejjem”. Dan il-kliem tal-profeta Iżaija li smajna fl-ewwel qari hu indirizzat ukoll illum lill-qaddis San Publiju. Ismu kien wieħed mill-iżjed ismijiet popolari fid-dinja Rumana. L-istudjużi jgħidulna li l-isem Publius kien x’aktarx il-ħames isem popolari fl-Imperu Ruman u l-għerq tiegħu kien propju riferiment għall-poplu. Mill-istess għerq ta’ Publiju għandna l-poplu stess, repubblika – dawn kollha ġejjin mill-istess għerq li jagħtina l-isem ukoll, il-prenome kif kienu jgħidulu l-Latini: publius… Kompli aqra »

Jurini l-pjagi tiegħu u nemmen li Hu – L-Arċisqof

15/04/2023   Il-Katidral ta’ San Pawl, l-Imdina

L-omelija tal-Arċisqof Charles Jude Scicluna

Din is-silta mill-Evanġelju ta’ San Ġwann li għadna kemm smajna, titkellem dwar laqgħa ta’ Ġesù mad-dixxipli tiegħu f’żewġt ijiem partikolari. L-Evanġelju jibda bir-riferiment għal dakinhar tal-Irxoxt ta’ Ġesù: “Dakinhar filgħaxija, fl-ewwel jum tal-ġimgħa” (Ġw 20:19); imbagħad it-tieni laqgħa ta’ Ġesù ssir “Tmint ijiem wara” (Ġw 20:26). Huwa sinjal għalina li nixtieq li napprezzaw ħafna, waqt li  napprezzaw ukoll il-laqgħat tagħna li jiċċelebraw il-Qawmien ta’ Ġesù mill-Imwiet, proprju mis-Sibt filgħaxija sal-Ħadd filgħaxija… Kompli aqra »

Jalla jkollna s-safa tal-qalb, tal-qalb li tifhem, tagħraf, li tħoss u tagħder – L-Arċisqof

Quddiesa f'Ħadd il-Għid

09/04/2023   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

“Nagħmlu festa, mhux bil-ħmira l-qadima, anqas bil-ħmira tal-qerq u tal-ħażen, imma bil-ħobż bla ħmira tas-safa u tas-sewwa” (1 Kor 5:8). Din hija l-istedina li għamlilna l-Appostlu Missierna San Pawl, lilna f’dan il-Jum Qaddis tal-Għid. Hija l-istedina li l-ewwel nett, li nifirħu u li nagħmlu festa, li niċċelebraw il-Qawmien tal-Mulej Ġesù, ir-rebħa tiegħu fuq il-mewt u d-dnub. Hu jgħidilna kif, l-ewwel juża tixbiha fin-negattiv: “Mhux bil-ħmira l-qadima”… Kompli aqra »

Il-Vġili tal-Għid hu stedina biex aħna nibdew mill-ġdid – L-Arċisqof

08/04/2023   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

“Maż-żerniq tal-ewwel jum tal-ġimgħa” (Mt 28:1) – hekk jibda r-rakkont mill-kapitlu 28 ta’ San Mattew li għadna kemm smajna. U din is-sahra tal-lejl, dan il-lejl qaddis trid twassalna biex “maż-żerniq tal-ewwel jum tal-ġimgħa”, tal-Ħadd, aħna niskopru mhux biss jum ġdid imma wkoll ħolqien ġdid.

Il-liturġija li qegħdin niċċelebraw illum bit-tberik tan-nar, bit-tberik tal-ilma, bil-kelma ta’ Alla li tkellimna fuq ir-rakkont tal-ħolqien imma wkoll ir-rakkont tas-salvazzjoni tal-poplu Lhudi mill-iskjavitù, imbagħad ix-xandira tas-salvazzjoni li ġabilna Ġesù, hija propju il-liturġija tal-ħolqien ġdid mhux biss tal-kreazzjoni imma tar-rikreazzjoni… Kompli aqra »

Il-ħobż tal-ħajja – L-Arċisqof

09/04/2023

Il-messaġġ tal-Arċisqof Charles Jude Scicluna

The Easter narrative we celebrate today is intrinsically linked to the Biblical Exodus, that passage of the people of Israel from slavery in Egypt to the pilgrimage of freedom and the Promised Land. 

In preparation for this sacred night of freedom, the people of God were invited by Moses to make unleavened bread for their journey to the Promised Land – just using flour and water – because there was no time for the yeast to take effect: they had to get out of Egypt immediately. 

This flight from slavery was motivated by a deep yearning for freedom… Kompli aqra »

Il-Passjoni ta’ Ġesù għadha magħna meta l-kefrija tal-bniedem tirbaħ – L-Arċisqof

L-Azzjoni Liturġika tal-Passjoni u l-Mewt tal-Mulej fil-Ġimgħa l-Kbira

07/04/2023   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

Aħna u nisimgħu r-rakkont tal-passjoni ta’ Ġesù, fil-qalb tagħna jkollna ħafna emozzjonijiet. Jiena nixtieq li llum aħna u niftakru fil-passjoni ta’ Sidna Ġesù Kristu nifhmu li dan il-mument traġiku fl-istorja tal-umanità, f’ħafna modi għadu magħna, għadu magħna kull meta l-innoċenti jbatu bla ħtija, għadu magħna fil-vittmi tal-inġustizzja, għadu magħna fil-qtil tal-innoċenti – kemm nisa u kemm irġiel, għadu magħna meta l-kefrija tal-bniedem donnha tirbaħ… Kompli aqra »

L-imħabba trid tkun il-kejl ta’ dak kollu li naħsbu, ngħidu u nagħmlu – L-Arċisqof

It-Tifkira Solenni tal-Ikla tal Mulej

06/04/2023   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

“Jiena tajtkom eżempju, biex kif għamilt jien magħkom, hekk tagħmlu intom ukoll” (Ġw 13:15). Dan il-kliem għażiż ta’ Ġesù li bih nibdew dawn it-tlett ijiem qaddisa tal-Għid, jiġbru il-qofol ta’ dak li aħna qegħdin nagħmlu f’dawn il-jiem. Qegħdin niftakru fl-eżempju li tana Ġesù: “Jien tajtkom eżempju” (Ġw 13:15). Ejjew allura llum, Ħamis ix-Xirka, niftakruh jaħsel riġlejn id-dixxipli tiegħu. Għada ningħaqdu miegħu fil-passjoni ħarxa li minnha għadda: fl-umiltà, fil-paċenzja tiegħu… Kompli aqra »

Ejjew nissieħbu f’din l-għotja kbira ta’ ħelsien u ta’ grazzja – L-Arċisqof

Il-Quddiesa taż-Żjut f'Ħamis ix-Xirka

06/04/2023   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

“L-ispirtu tal-Mulej fuqi, għax hu kkonsagrani. Bagħatni nħabbar il-ħelsien… inxandar is-sena tal-grazzja tal-Mulej.”

Għeżież ħuti saċerdoti, għeżież membri lajċi tal-poplu ta’ Alla. Aħna llum nifirħu b’din il-liturġija solenni tat-tberik taż-żjut. B’dan id-don kbir li l-Mulej tana li nissieħbu fih. Il-qawwa tal-ispirtu s-santu li ssawbet fuqu biex ikun għajn ta’ ħelsien u ta’ grazzja.

L-ewwel mistoqsija li rridu nagħmlu lilna nfusna hi: Din l-għajn ta’ ħelsien u ta’ grazzja nħossha miftuħa għalija? … Kompli aqra »

Ejjew nissieħbu ma’ Ġesù fl-umiltà, fis-sabar u fl-għotja tiegħu – L-Arċisqof

02/04/2023   Il-Konkatidral ta’ San Ġwann, Il-Belt Valletta

L-omelija tal-Arċisqof Charles Jude Scicluna

It-talba li l-Knisja titlob f’dan il-jum għażiż u solenni f’Ħadd il-Palm u l-passjoni tal-Mulej hija talba ispirata mill-eżempju ta’ Ġesù u ssemmi żewġ attributi tal-eżempju ta’ Ġesù: l-eżempju tal-umiltà u s-sabar tiegħu.

Ejjew nitolbu f’ġieħ il-passjoni ħarxa ta’ Ġesù d-don kbir tal-umiltà, li aħna nipperswadu ruħna li ma nistgħux insalvaw lilna nfusna, imma li għandna bżonn radikali ta’ Alla, li għandna bżonn salvatur, li meta mingħalina niddeċiedu aħna xi jfisser progress mingħajr ma nifhmu xi jrid jgħidilna Alla, naqgħu fid-dagħbien, mhux tal-progress, imma tal-qerda tagħna nfusna. 

L-umiltà mhijiex it-tkasbir tad-dinjità tagħna, imma lezzjoni profonda li tagħtina ħelsien kbir li aħna niddependu minn Alla… Kompli aqra »