L-omelija tal-Arċisqof Charles Jude Scicluna

L-għaxart irġiel morda bil-lebbra fil-komunità Lhudija ta’ 2000 sena ilu kienu kkundannati biex jgħixu ’l barra mill-komunità. Il-lebbra kienet pjaga kbira li teskludi lil dak li jkun minn kull kuntatt mill-għeżież tiegħu, mid-dinja tax-xogħol, mid-dinja soċjali.

Il-miraklu ta’ Ġesù mhuwiex biss fejqan fiżiku imma wkoll riintegrazzjoni ta’ dawn l-għaxar persuni fil-komunità. Tahom, biex ngħidu hekk il-kapaċita tat-tgħanniqa lill-maħbubin tagħhom, tat-tislima lill-ħbieb tagħhom, tad-dinjita tax-xogħol, tar-rwol tagħhom fis-soċjetà… Kompli aqra »

L-omelija tal-Arċisqof Charles Jude Scicluna

Meta nirrabjaw jew ilumna xi ħadd, ħafna drabi nikkwotaw dan l-inċident ta’ Ġesù. Qabżet lil Ġesù, ma taqbiżx lili? Ma taqbiżlix iċ-ċinga xi darba? U din tiġri ’l kulħadd.

Nifhmu għaliex Ġesù rrabja ħafna għax inti ma tagħmilx sawt bil-ħbula jekk m’intix irrabjat ħafna u taqleb l-imwejjed u tkeċċi l-ħamiem u l-barrin u n-nagħaġ. “Tagħmlux it-tempju tiegħi, id-dar ta’ Alla, suq” (Ġw 2:16)… Kompli aqra »

L-omelija tal-Arċisqof Charles Jude Scicluna

“Din hi l-kelma tal-Mulej Alla ta’ Iżrael: il-ġarra tad-dqiq ma tintemm qatt u l-kus taż-żejt ma jitbattalx sa dakinhar li l-Mulej jibgħat ix-xita fil-pajjiż” (1 Slat 17:14). Dan il-kliem il-Mulej jgħidhom f’sitwazzjoni ta’ emerġenza, f’sitwazzjoni ta’ karistija, f’sitwazzjoni ta’ nuqqas ta’ xita. In-nuqqas tax-xita kien ifisser nuqqas ta’ ikel, nuqqas ta’ frott fir-raba’.

Elija jmur f’belt, f’ambjent ostili għall-bniedem għax m’għadux jagħti frott u jasal quddiem waħda armla tiġbor il-ħatab, il-ħuxlief niexef li baqa’ mill-ambjent li m’għadux jagħti frott għax m’hemmx xita, allura m’hemmx ilma… Kompli aqra »

L-omelija tal-Arċisqof Charles Jude Scicluna

Fi żmien il-profeta Elija s-sinjal tal-grazzja t’Alla kienet ix-xita, u nistgħu ngħidu li l-Mulej berikna wkoll. Qed niftakar meta sar qaddis San Ġorġ Preca; iżjed ma tlabna biex tieqaf ix-xita, iżjed għamlet.

Illum Ġesù jinnota mara armla li meta naqra dan l-Evanġelju, dejjem nikkomwovi ruħi għax nifhem li meta raha, meta nnutaha, Ġesù ħaseb f’ommu li dak iż-żmien kienet armla… Kompli aqra »

Homily by Archbishop Charles Jude Scicluna

Fra John, Honourable delegate, dear Francis, distinguished and most honorable guests, members of the Order of Malta,

The tax collectors and the sinners were all seeking the company of Jesus. I hope and pray, that we are amongst them. That we realise our indebtedness to Our Lord Jesus Christ, and his glorious passion and resurrection… Kompli aqra »

L-omelija tal-Arċisqof Charles Jude Scicluna

Surmast, staff ta’ din l-iskola għażiża, studenti, mistednin, saċerdoti, jiena m’għandix ħafna xi nżid ma’ l-ewwel att ta’ dan id-dramm sabiħ imma nixtieq nirriflettu ftit fuq tagħlima importanti li jagħtuna s-Sur Tonin jew is-Sur Agius u sħabu: li l-ħajja tkun sabiħa jekk tagħmel minnha għanja ta’ ġid skont kif isejjaħlek Alla.

Staqsi lilek innifsek, inti li inti żgħażugħ: jien kif nista’ f’ħajti minn issa nagħmel il-ġid? … Kompli aqra »

L-omelija tal-Arċisqof Charles Jude Scicluna

L-għaref tal-liġi jixtieq ikun jaf liema hi l-liġi li hi l-pedament ta’ kollox. “Liema wieħed fost il-kmandamenti”, fost il-liġijiet li għandna, “huwa l-ewwel?” (Mk 12:28). Ir-risposta ta’ Ġesù tinġabar f’kelma waħda li jirrepeti darbtejn: “Ħobb lill-Mulej, ħobb lil għajrek” (Mk 12:29,31).

Ġesù fl-ewwel parti ta’ din ir-risposta qed jislet silta mill-qari li smajna fil-bidu mill-ktieb tad-Dewteronomju, li kien il-ktieb tal-liġi għażiż għall-poplu ta’ Alla li għal diversi drabi jistieden lill-poplu, lil Iżrael biex jisma’: “Isma’, Iżrael” (Dewt 6:3)… Kompli aqra »