Il-Papa Franġisku

Ippubblikat bil-Malti d-dokument Laudate Deum tal-Papa Franġisku

03/03/2024

Id-Dar Editriċi tal-Franġiskani Konventwali, Reliġjon u Ħajja (RuĦ), għadha kif ippubblikat id-dokument Laudate Deum tal-Papa Franġisku bil-Malti. It-traduzzjoni saret minn Francesco Pio Attard, il-ktejjeb hu ta’ 48 paġna u bl-istess format tal-Enċiklika Laudato Si’ li kienet ppubblikata fl-2015. Il-ktieb bl-Enċiklika Laudato Si’ bil-Malti kien ġie eżawrit u RuĦ ħarġet edizzjoni ġdida tiegħu flimkien mad-dokument Laudate Deum… Kompli aqra »

Il-Papa fl-Udjenza – L-għira, jekk ma tiġix ikkontrollata, twassal għall-mibegħda

28/02/2024   Awla Pawlu VI, Il-Vatikan

Għeżież ħuti, l-għodwa t-tajba!

Illum se nħarsu lejn żewġ vizzji li nsibuhom fil-listi l-kbar li t-tradizzjoni spiritwali ħallitilna: l-għira u l-vanaglorja.

Ħa nibdew mill-għira. Jekk naqraw l-Iskrittura Mqaddsa (ara Ġen 4), din tidher quddiemna bħala wieħed mill-eqdem vizzji: il-mibegħda ta’ Kajjin għal Abel toħroġ kollha meta jintebaħ li s-sagrifiċċji ta’ ħuh huma mogħġuba quddiem Alla… Kompli aqra »

Il-Papa fl-Anġelus – Qatt ma nwarrbu lil Ġesù minn quddiem għajnejna

25/02/2024   Pjazza San Pietru, il-Vatikan

Għeżież ħuti, il-jum it-tajjeb!

L-Evanġelju tal-lum, it-tieni Ħadd tar-Randan, jippreżentalna l-episodju tat-Trasfigurazzjoni ta’ Ġesù (cfr Mk 9,2-10).

Wara li ħabbar il-Passjoni tiegħu lid-dixxipli, Ġesù jieħu miegħu lil Pietru lil Ġakbu u ‘l Ġwanni, jitla’ fuq l-għolja u hemm juri ruħu fiżikament fid-dawl kollu tiegħu. B’hekk jurihom is-sens ta’ dak li kienu għexu flimkien sa dak il-waqt. Il-predikazzjoni tas-Saltna, il-maħfra tad-dnubiet, il-fejqan u s-sinjali li saru, infatti, kienu xrar ta’ dawl ferm akbar: id-dawl ta’ Ġesu, id-dawl li hu Ġesù.  … Kompli aqra »

Il-Papa fl-Anġelus – Ir-Randan hu żmien ta’ silenzju u talb

18/02/2024   Pjazza San Pietru, il-Vatikan

Għeżież ħuti, il-jum it-tajjeb!

Illum, l-ewwel Ħadd tar-Randan, l-Evanġelju jippreżentalna lil Ġesù waqt it-tentazzjonijiet fid-deżert (cfr Mk 1,12-15.  It-test jgħidilna: “U baqa’ fid-deżert erbgħin jum, jiġġarrab mix-Xitan”.  Fir-Randan aħna wkoll mistednin “nidħlu fid-deżert”, jiġifieri fis-silenzju, fid-dinja interjuri tagħna, biex nisimgħu lil qalbna, f’kuntatt mal-verità.  L-Evanġelju jżid li Kristu “Kien jgħix mal-bhejjem selvaġġi u kienu jaqduh l-anġli” (v. 13).  Bhejjem selvaġġi u anġli kienu l-kumpanija tiegħu.  Iżda f’sens simboliku huma wkoll kumpanija għalina: meta nidħlu fid-deżert interjuri, infatti, hemmhekk nistgħu niltaqgħu ma’ bhejjem selvaġġi u mal-anġli… Kompli aqra »

Il-Papa fl-Udjenza – Hemm bżonn ikolli l-kuraġġ li nilqa’ l-preżenza ta’ Alla

14/02/2024   Awla Pawlu VI, Il-Vatikan

Għeżież ħuti, l-għodwa t-tajba!

Fost il-vizzji kapitali kollha hemm wieħed li spiss ma tantx hu nnutat, forsi minħabba ismu li ftit li xejn hemm min jifhmu: qed nitkellem fuq l-aċċidja. Għalhekk, fil-lista tal-vizzji, it-terminu aċċidja spiss jinbidel ma’ ieħor li jintuża aktar: it-telqa jew l-għażż. Fir-realtà, l-għażż aktar hu effett milli kawża. Meta persuna tintelaq u ma tagħmel xejn, tinħakem mill-apatija, aħna ngħidu li hi għażżiena… Kompli aqra »

Il-messaġġ tal-Papa għar-Randan 2024

14/02/2024

Għeżież ħuti!

Meta Alla tagħna jirrivela lilu nnifsu, b’libertà sħiħa jgħidilna: “Jiena hu l-Mulej, Alla tiegħek, li ħriġtek mill-art tal-Eġittu, minn dar il-jasar” (Eż 20:2). Hekk jiftaħ id-Dekalogu mogħti lil Mosè fuq il-muntanja Sinaj. Il-poplu jaf sew xi ħruġ qed jitkellem fuqu Alla: l-esperjenza tal-jasar għadha mmarkata f’laħmu. Jirċievi l-għaxar kelmiet fid-deżert bħala triq ta’ ħelsien. Aħna nsejħulhom “kmandamenti”, b’enfasi fuq il-qawwa tal-imħabba li biha Alla jeduka lill-poplu tiegħu… Kompli aqra »

Il-Papa jikkanonizza l-ewwel mara Arġentina

13/02/2024

Pope Francis canonises María Antonia de San José, describing her as a “wayfarer of the spirit” and “a model of apostolic fervour and audacity”.

‘Mama Antula’ is Argentina’s first female saint.

She was canonised by Pope Francis – himself Argentinian– on Sunday morning, in a Mass in St Peter’s Basilica.

María Antonia de San José de Paz y Figueroa, known in her own country, and by millions of faithful around the world, as “Mama Antula”, lived in Argentina in the 18th century… Kompli aqra »

Il-Papa fl-Anġelus: L-imħabba teħtieġ il-konkretezza, l-imħabba titlob il-preżenza

11/02/2024   Pjazza San Pietru, il-Vatikan

Għeżież ħuti, il-jum it-tajjeb!

L-Evanġelju tal-lum jippreżentalna l-fejqan ta’ raġel marid bil-lebbra (cfr Mk 1, 40-45).  Lill-marid li talbu bil-ħniena Ġesù jwieġbu: “Irrid, kun imfejjaq!” (v. 41).  Jgħid sentenza sempliċi għall-aħħar, u mill-ewwel tidħol fis-seħħ. Infatti l-lebbra “marritlu minnufih u hu fieq” (v. 42).  Dan hu l-istil ta’ Ġesù ma min isofri: ftit kliem u fatti konkreti.

Bosta drabi fl-Evanġelju naraw din l-imġieba fih fil-preżenza ta’ min ikun qed ibati: torox u muti (cf Mk 7,31-37), paralitiċi (cfr Mk 2,1-12) u tant oħrajn fil-bżonn (cfr Mk 5). Dejjem hekk iġib ruħu: jitkellem ftit u mal-kelma minnufih iseħħ l-azzjoni: imil, jaqbad l-idejn, ifejjaq. Ma joqgħodx jintilef f’dikorsi jew mistoqsijiet, anqas u anqas fi pjetiżmi u sentimentaliżmi.  Pjuttost juri l-pudur delikat ta’ min jisma’ b’attenzjoni u jaġixxi bla telf ta’ ħin, preferibbilment bla ma jagħti fil-għajn… Kompli aqra »

Mhux sewwa li l-bniedem jibqa’ waħdu – Il-Papa fil-jum iddedikat għall-morda

11/02/2024

“Mhux sewwa li l-bniedem jibqa’ waħdu” (ara Ġen 2:18). Mill-bidu, Alla, li hu imħabba, ħalaqna għall-komunjoni u żejjinna b’ħila li hemm f’kull wieħed u waħda minna li nidħlu f’relazzjoni mal-oħrajn. Ħajjitna, li hija xbieha tat-Trinità, hija maħsuba biex titwettaq b’mod sħiħ permezz ta’ relazzjonijiet, ħbiberiji u mħabba reċiproka. Aħna konna maħluqa biex inkunu flimkien, u mhux waħedna. Propju għax dan il-pjan ta’ komunjoni għandu l-għeruq tiegħu fil-fond tal-qalb ta’ kull bniedem, l-esperjenza ta’ meta nħossuna abbandunati jew meta nħossuna waħedna narawha bħala xi ħaġa tal-biża’, li tweġġagħna, għax hi xi ħaġa diżumana… Kompli aqra »

Il-Papa fl-Udjenza – Hemm xi ħaġa fil-passat ta’ kulħadd li għandha bżonn tal-fejqan

07/02/2024   Awla Pawlu VI, Il-Vatikan

Għeżież ħuti, l-għodwa t-tajba!

Fil-mixja tagħna ta’ katekeżi fuq il-vizzji u l-virtujiet, illum nieqfu fuq vizzju pjuttost ikrah, id-diqa, jiġifieri t-taqtigħ ta’ qalb, li spiss iħabbat lill-bniedem u jżommu milli jġarrab il-ferħ tal-ħajja.

Qabelxejn irridu ninnutaw li, dwar id-diqa, il-Missirijiet tal-Knisja kienu elaboraw distinzjoni importanti. Fil-fatt hemm diqa li għandha postha fil-ħajja Nisranija u li bil-grazzja ta’ Alla tinbidel f’ferħ: din, ovvjament, ma għandniex niċħduha u tagħmel parti mill-mixja ta’ konverżjoni… Kompli aqra »