Fr Cyril Axelrod (it-tieni mix-xellug) flimkien ma’ Dun Anġ Seychell (It-tielet mix-xellug). Nota ta’ apprezzament minn Dun Martin Micallef

Dun Anġ Seychell kien saċerdot intelliġenti, eżemplari u b’kuxjenza soċjali kbira li dehret l‑aktar meta għażel li jiftaħ id‑dar tiegħu stess biex jospita persuni b’diżabilità. Hu xtaq joffri lil dawn il‑persuni l‑opportunità li jgħixu f’dar fil‑komunità fejn jistgħu jgħixu ħajja indipendenti li tirrispetta d‑drittijiet u d‑dinjità tagħhom. Dun Anġ irnexxielu li minn dar waħda jiftaħ erbat idjar f’raħal twelidu fiż‑Żejtun… Kompli aqra »

Lejlet il-45 Vjaġġ Appostoliku internazzjonali tiegħu, il-Papa Franġisku aktar kmieni llum żar il-Bażilika ta’ Santa Maria Maggiore f’Ruma biex jitlob quddiem l-ikona tal-Verġni  Marija, Salus Populi Romani, fejn fada f’idejha l-vjaġġ tiegħu fl-Indoneżja, Papua New Guinea, Timore Leste, u Singapore.

Dan il-vjaġġ ta’ Franġisku fi tliet pajjiżi Asjatiċi u wieħed fl-Oċeanja, bejn għada 2 u t-13 ta’ Settembru, se jkun l-itwal wieħed fil-pontifikat tiegħu… Kompli aqra »

Minn studju intensiv ta’ Caritas Malta rriżulta li l-ispiża tal-ikel minn Lulju 2020 sa Marzu 2024, għal familja ta’ żewġ adulti u żewġt itfal żdiedet b’49.9% fuq l-istess prodotti.

Caritas Malta nediet ir-raba’ edizzjoni tal-Minimum Essential Budget for a Decent Living (MEBDL) 2024; studju intensiv li sar għall-ewwel darba fl-2012 bil-għan li jeradika l-faqar, jippromwovi l-iżvilupp uman, u jinkoraġġixxi l-ġustizzja soċjali.

F’dan l-istudju ġie ppreżentat ukoll basket ta’ prodotti biex familja tgħix ħajja bażika iżda diċenti… Kompli aqra »

Il-ġimgħa li għaddiet, ACTS Teens, organizazzjoni taż-żgħażagħ li tagħmel parti mill-Youth Fellowship, ġabret madwar 180 parteċipant għal-live-in annwali, li jissejjaħ Boot Camp fil-Kulleġġ Missjunarju ta’ San Pawl fir-Rabat.

It-tim ta’ madwar 60 youth leaders preparaw erbat ijiem ta’ pjaċir flimkien kif ukoll żvilupp spiritwali. L-attivitajiet inkludew lejla b’ħuġġieġa, ħin il-baħar, logħob, BBQ, karaoke, u logħba oriġinali – Human Cluedo… Kompli aqra »

Dun Anton D’Amato, id-Direttur għall-Kummissjoni Migranti

Il‑persuni mill‑Etjopja li qed jinżammu u jiffaċċjaw deportazzjoni wara li ilhom is‑snin jgħixu u jaħdmu legalment f’Malta għandhom jinħelsu minnufih. Dan qaluh il‑Kummissjoni Migranti, il‑Kummissjoni Ġustizzja u Paċi u JRS Malta lill‑awtoritajiet.

Iż‑żewġ kummissjonijiet, li huma parti mill‑Arċidjoċesi ta’ Malta, u JRS Malta jikkundannaw bis‑sħiħ l‑arrest riċenti ta’ diversi Etjopjani, li bħalissa jinsabu miżmuma u ġew mgħarrfa li se jintbagħtu lura l‑Etjopja… Kompli aqra »

Żewġ Kandidati mill-Qasam ta’ Poznań (il-Polonja), Marcel u Antoni, bdew żjara ta’ ġimagħtejn f’Malta il-Ħadd 25 t’Awwissu 2024. Huma se jkunu qed jiltaqgħu mal-Membri u l-Kandidati Maltin filwaqt li żjuru id-Dar Ġenerali u diversi Oqsma fid-Delegazzjoni ta’ Malta. Jalla din iż-żjara tgħinnhom jikbru aktar fl-għarfien u l-imħabba tagħhom lejn il-vokazzjoni Museumina!

Sors: Is-Soċjetà tad-Duttrina Nisranija – sdcmuseum.org  Kompli aqra »

…

Keyne Mascari u Elise Caligari qed iqattgħu ħafna mill-ħin tagħhom ma’ persuni li jinsabu waħedhom, jew jeħtieġu xi forma ta’ għajnuna, fosthom dawk li m’għandhomx saqaf fuq rashom u għaldaqstant jorqdu barra.

Elise qalet li matul is-sajf tas-sena li għaddiet kellha l-opportunità biex tgħin social worker li tagħmel parti mit-tim tad-Djakonija. Djakonija hija inizjattiva tal-Knisja f’Malta li fi kliem Keyne, “tgħin familji fil-bżonn u jkunu komunità.”

Il-mument li rat realtajiet li ħafna ma jarawx, Elise ġiet konxja mill-bżonn ta’ iktar persuni li jiddedikaw il-ħin tagħhom għall-oħrajn… Kompli aqra »