Il-Pjan Pastorali 1986-91 ried li jkun hemm Segretarjat għal-Liturġija biex jieħu ħsieb li f’kull parroċċa jkun hemm Kummissjoni Liturġika u jara li l-abbatini, il-letturi u l-animaturi l-oħra tal-liturġija jkollhom formazzjoni tajba. Is-Segretarjat twaqqaf b’digriet tat-3 ta’ Diċembru 1986, imbagħad b’digriet ieħor, fis-26 ta’ Marzu 1988, ta direttivi dwar l-istruttura u l-kompetenzi tas-Segretarjat. B’digriet maħruġ fis-16 ta’ Diċembru 2002, ma’ dan is-Segretarjat ġew affiljati diversi Kummissjonijiet.
B’digriet maħruġ fit-8 ta’ Awwissu 2023, l-Arċisqof Charles Scicluna ħatar lil Mons. Jesmond Manicaro bħala l-ewwel Vigarju Episkopali għal-Liturġija.
Vigarjat Episkopali għal-Liturġija
Vigarju Episkopali
Mons. Jesmond Manicaro
Telefon
2590 6215
Imejl
Membri
Kan. Stephen Attard
Mons. Michael Bugeja (ex-officio)
Kummissjoni Arti Sagra
L-għanijiet tal-Kummissjoni huma li ġġib ’il quddiem l-Arti Sagra u l-apprezzament tagħha u l-edukazzjoni fiha. Tara wkoll li opri ġodda fil-knejjes isiru biss fejn meħtieġa jew pastoralment utli, u li jkunu ta’ livell artistiku xieraq. Il-laqgħat tal-Kummissjoni jitmexxew mill-Arċisqof Charles Scicluna u jsiru erba’ darbiet f’sena.
Membri
Mons. Jesmond Manicaro, Chairperson
Dun Charles Bugeja, Segretarju
Mons. Claude Portelli
Perit Andrew Ellul
Perit Andrew Scicluna
Sa Agatha Grima
Sur Hilary Spiteri
Monsinjur Louis Suban (rappreżentant tal-Kulleġġ tal-Kappillani)
Kummissjoni għat-Traduzzjoni tat-Testi Liturġiċi
L-għan tal-Kummissjoni hu li tħejji u tippubblika t-traduzzjoni tal-Kotba Liturġiċi u tħejji testi liturġiċi oħra għad-djoċesijiet ta’ Malta u Għawdex. Bħalissa din il-Kummissjoni qed titmexxa mill-Arċisqof Emeritu Mons. George Frendo, OP u tiltaqa’ darba fil-ġimgħa.
Membri
Kan. Stephen Attard
Dun Nazju Borg (Djoċesi ta’ Għawdex)
Mons. Michael Bugeja
Mons. Jesmond Manicaro
Mons. Paul C. Vella
Kummissjoni għall-Formazzjoni Permanenti tal-Kleru u l-Lajċi
L-għanijiet tal-Kummissjoni huma li
- b’kollaborazzjoni mas-Segretarjat għall-Kleru torganizza minn żmien għal żmien kors ta’ aġġornament liturġiku għall-kleru djoċesan u reliġjuż,
- li b’kollaborazzjoni mal-Istitut ta’ Formazzjoni Pastorali torganizza korsijiet ta’ formazzjoni liturġika, b’mod speċjali għal-lajċi, fuq bażi djoċesana u parrokkjali.
Responsabbli
Kan. Stephen Attard
Uffiċċju taċ-Ċelebrazzjonijiet tal-Arċisqof
L-għanijiet tal-Uffiċċju huma li jħejji ċ-ċelebrazzjonijiet liturġiċi u para-liturġiċi li fihom jippresiedi jew jassisti l-Arċisqof, kif ukoll ċelebrazzjonijiet djoċesani. Jieħu ħsieb ukoll il-pubblikazzjoni tal-kotba meħtieġa kemm għall-użu miċ-ċelebrant u mill-ġemgħa liturġika.
Responsabbli
Mons. Michael Bugeja, Ċerimonjier Djoċesan u oħrajn li jkunu involuti f’ċelebrazzjonijiet partikolari, f’postijiet u f’okkażjonijiet differenti minn żmien għal żmien.
Kummissjoni għall-Mużika Sagra
L-għanijiet tal-Kummissjoni huma:
- li ġġib ’il quddiem il-mużika sagra fl-Arċidjoċesi, b’mod li l-komunità nisranija jkollha repertorju varjat għaċ-ċelebrazzjonijiet liturġiċi differenti u tara li jkunu esegwiti b’mod xieraq;
- li tipproponi repertorju djoċesan ta’ mużika u innijiet sagri għad-djoċesi ta’ Malta;
- li tgħin biex jimxu ’l quddiem il-korijiet parrokkjali, l-aktar billi tħarreġ id-diretturi tal-korijiet u tara wkoll kif tingħata formazzjoni liturġika ġenwina lill-mużiċisti u lill-kanturi.
- flimkien maċ-ċerimonjier tagħżel u tħejji l-kant xieraq għaċ-ċelebrazzjonijiet liturġiċi fil-katidrali u f’ċelebrazzjonijiet liturġiċi jew para-liturġiċi djoċesani.
Responsabbli
Mro Christopher Muscat