Il-Belt Valletta (San Duminku)

  • Il-Knisja tad-Dumnikani fil-Belt Valletta saret “il-Parroċċa ewlenija u matriċi tal-Belt il-ġdida kollha kemm hi” mill-Papa San Piju V b’Bolla Apostolika Ex Debito Pastoralis tat-2 ta’ Lulju 1571. Fil-25 ta’ Mejju 1816, il-knisja tgħolliet għad-dinjità ta’ Bażilika Minuri. Il-knisja oriġinali, mibnija minn Ġlormu Cassar kellha tinħatt madwar mitejn sena wara, minħabba l-ħafna ħsarat li kienet ġarrbet bit-terremot tal-1693. Il-knisja ġdida ġiet konsagrata fil-15 ta’ Ottubru 1889.

    Numru ta’ Parruċċani: 3,000

    Numru ta’ Familji: 900

  • Knisja Parrokkjali tal-Madonna tal-Portu Salvu

    Data tad-Dedikazzjoni 15 ta’ Ottubru 1889

  • Kappillan

    Patri Michael Camilleri O.P.

  • Uffiċċju Parrokkjali

    Triq San Duminku

    Il-Belt Valletta

    VLT 1603

  • Ħinijiet tal-Uffiċċju

    L-Erbgħa u s-Sibt:

    9.30 – 11.00am

  • Website

    www.sanduminku.com

  • E-mail

    parrocca.valletta.sd@maltadiocese.org

  • Telefon

    2124 7535

    2123 4079

  • Presbiterju Parrokkjali

    Patri Michael Camilleri O.P., Kappillan u Pirjol

    Patri Henry Abela O.P.

    Patri Joe Ellul O.P.

    Fra Mark Sciberras O.P.

    Patri Justin Schembri O.P.

    Patri Paul Gatt O.P.

    Patri François Mifsud O.P.

    Kunsill Pastorali Parrokkjali

    President: Patri Michael Camilleri O.P., Kappillan

    Moderatur: Sur Tony Polidano

    Segretarja: Ms Marlene Buttigieg

  • Quddies

    Ħdud u Festi: 7.00; 8.30; 10.00; 11.30am u 5.15pm

    Sibtijiet Filgħaxija: 6.15pm

    Ġranet Ferjali: 7.00; 8.30; 6.15pm

  • Knejjes Oħra

  • Santwarju Bażilika tal-Madonna tal-Karmnu

    Il-Knisja inbniet fl-1570 u għal tlettax-il sena serviet bħala waħda mill-knejjes parrokkjali tal-Belt Valletta sakemm inbniet il-Knisja ta’ San Pawl. Il-kwadru tal-Madonna ġie inkurunat fl- 1881 u l-Knisja ġiet dikjarata bħala Bażilika Minuri fl-1895. Fl-1958 beda l-bini tal-Bażilika l-ġdida u tlesta fl-1981.

  • Rettur

    Patri Alex Scerri O. Carm.

  • Indirizz

    Kunvent tal-Karmnu

    Triq il-Punent

    Il-Belt

    VLT 1535

  • Telefon

    2123 3808

  • Quddies

    Ħdud u Festi: 7.00, 8.00, 10.00, 11.00am and 6.30pm

    Sibtijiet Filgħaxija: 6.30pm

    Ġranet Ferjali: 7.00, 8.00, 10.00am; 6.30pm

  • Knisja dedikata lill-Madonna tal-Vitorja

    Din kienet l-ewwel knisja li nbniet fil-Belt Valletta u l-ewwel ġebla tagħha tqiegħdet fit-28 ta’ Marzu 1566. Xi tibdiliet ċkejknin saru fl-1752, u fl-1837 kienet tintuża mis-suldati kattoliċi ingliżi stazzjonati f’Malta. Fil-knsija wieħed jista’ jara l-monument ta’ l-Ammirall Venezjan Angelo Emo, li miet fl-1792. Il-kwadru titulari tal-knisja jirrapreżenta t-Twelid tal-Verġni Marija.

  • Rettur

    Mons. Victor Zammit McKeon

  • Telefon

    2124 5680

  • Quddies

    Sibtijiet Filgħaxija: 7.00 pm

    Mit-Tnejn sal-Ġimgħa: 8.15 am

    Adorazzjoni Ewkaristika kull nhar ta’ Tlieta sa 11.45 a.m.

  • Knisja u Kunvent tal- Franġiskani Konventwali

    Indirizz

    Triq ir-Repubblika,

    Valletta VLT 1110

    Telefon

    2123 4019

    2124 8623

    E-mail

    sanfrangiskvalletta@onvol.net

    Website

    www.sanfrangisk.com

    Quddies

    Ħdud u Festi: 7.30, 8.30, 9.30, 10.30am

    Sibtijiet: 7.00, 8.00, 10.00am, 5.15pm, 6.30pm (xitwa); 5.30pm (sajf)

    Ġranet Ferjali: 7.00, 7.25, 8.00, 10.00am; 5.30pm

  • Knisja ddedikata lil Santa Katerina d’Italia

    Il-Knisja inbniet fl-1576 mill-Kavallieri Taljani ta’ l-Ordni ta’ San Ġwann. Illum din il-knisja hija l-knisja parrokkjali tal-komunità taljana f’Malta.

  • Rettur

    Dun Gino Gauci

  • Quddies

    Ħdud u Festi: 10.30 am (Taljan)

    Ferjali: 7.15 am (Malti)

  • Knisja dedikata lil Santa Barbara

    Is-sagrestija tal-Knisja hija parti mill-knisja ewlenija li nbniet fl-1573. Il-knisja, mbagħad, inbniet mill-ġdid fl-1739. Fi żmien l-Ordni ta’ San Ġwann, din kienet il-knisja tal-bumbardieri u fil-fatt ħafna minnhom jinsabu midfuna fil-kripta tal-knisja. Fl-1904 tqiegħdet statwa tal-Verġni Marija fil-faċċata tal-Knisja biex tfakkar il-ħamsin anniversarju mid-definizzjoni tad-Domma tal-Fidi dwar it-Tnissil Bla Tebgħa tal-Verġni Marija (id-domma ta’ l-Immakulata Kunċizzjoni). Illum din il-knisja hija l-Knisja Parrokkjali ta’ l-Ingliżi, Franċiżi u Ġermaniżi li joqogħdu f’Malta.

  • Rettur

    Dun Charles Carabott

  • E mail

    frcharles@bell.net.mt

  • Telefon

    2165 1057

  • Quddies

    Ħdud u Festi: 10.00 am (Franċiż); 11.00 am (Ġermaniż); 12.00 (Ingliż) u fil- 5.30 pm (Tegalo-Ingliż)

    Ġranet Ferjali: 11.00 am (Malti)

  • Knisja dedikata lil San Ġakbu

    Din il-Knisja kienet il-Knisja Nazzjonali tal-Kavallieri ta’ Kastilja, ta’ Leon u tal-Portugall. Inbniet fl-1710. Qabel l-aħħar gwerra, għal snin twal kienet isservi bħala sede għall-Istitut għat-tagħlim tad-duttrina għat-tfal tas-sinjuri tal-Belt u kienet magħrufa sew għall-Gara Kateketika li kienet issir ta’ kull sena fil-Belt. Ġiet restawrata u miftuħa mill-ġdid għall-pubbliku fl-1998.

  • Rettur

    Mons. Joseph Pace

  • Knisja tas-Sagramentini

    Din il-Knisja kienet tas-Sorijiet Adoratriċi. Meta dawn telqu minn Malta, il-knisja bdew jieħdu ħsiebha s-Sorijiet Franġiskani tal-Qalb ta’ Ġesù. Dawn komplew l-Espożizzjoni Ewkaristika ta’ kuljum bejn is-7.00 am u l-4.00 pm. Fil-kunvent għandhom is-sede tagħhom id-Dame di San Vincenzo u l-Opera dei Tabernacoli.

  • Quddies

    Kuljum: 6.30 am

  • Knisja dedikata lill-Madonna ta’ Damaxxena

    Din il-Knisja nbniet bejn l-1576 u l-1587 min-Nobbli Rhodita Giovanni Kalamias fuq art mogħtija mill-Gran Mastru Pietro del Monte (1565 – 1572). Fi żmien it-Tieni Gwerra Dinjija, propju nhar l-24 ta’ Marzu 1942, il-knisja ġġarrfet għal kollox. Reġgħet inbniet u ġiet konsagrata fil-15 ta’ Awissu 1951 mill-E.T. Mons. George Kalavassy, Isqof Kattoliku tar-Rit Grieg. It-teżori ta’ din il-Knisja huma żewġ Ikoni miġjuba mill-Griegi li ġew mal-Kavallieri ta’ l-Ordni ta’ San Ġwann, wara li fl-1522 telqu minn Rhodi. Dawn l-Ikoni huma tal-Madonna ta’ Damaxxena, li kienet inkurunata fl-1931 fl-okkażjoni tal-ħmistax-il Ċentinarju tal-Konċilju ta’ Efesu (A.D. 431), u l-oħra tal-Verġni Marija ta’ Eleimonitria. Fi żmien it-Tieni Gwerra, iżjed minn tletin Ikona ta’ kobor differenti intilfu fit-tiġrif tal-Knisja. Flokhom saru tletin Ikona ġdida, ħafna minnhom huma xogħol ta’ l-Artist Russu Gregorio Malzteff (1881 – 1952). Iżda wieħed sal-lum jista’ jammira l-Ikona Prezzjuża ta’ l-Inżul minn fuq is-Salib, u oħra ta’ Ġesu Kurċifiss magħmula mill-artist Malti Anton Inglott. Wieħed jista’ jammira wkoll l-Ikona tat-Twelid tal-Verġni Marija magħmula minn Giovenali, artist kontemporanju mill-Ukranja.

  • Rettur

    Mons. George Mifsud Montanaro

  • Indirizz

    Knisja Griega Kattolika

    132 A, Triq l-Arċisqof

    il-Belt Valletta

    VLT 1444

  • Telefon

    2123 7872

    Quddies

    Ħdud u Festi: 9.00 am

    Ferjali: 7.30 am

  • Knisja u Monasteru ta’ Santa Katerina

  • Rettur

    Patri Noah Schiavone O.S.A.

  • Quddiesa

    Kuljum: 7.30 am

  • Kappella tal-Adorazzjoni

    Knisja tas-Sagramentini

    Indirizz:

    Triq San Kristofru, Valletta

    Ħinijiet tal-Ftuħ:

    Kuljum 7.00am – 4.00pm