Yearly Archives: 2011

WIRJIET MARBUTIN MAL-ĠIMGĦA MQADDSA

16/04/2011

Balluta

L-Għaqda tal-Armar Madonna tal-Karmnu se ttella’ wirja bit-tema Kif Għamilt Jien għamlu intom ukoll fil-maħżen tal-armar, maġenb il-Knisja parrokkjali mis-Sibt 9 ta’ April. L-esebizzjoni tkun miftuħa hekk: matul il-ġimgħa mill-5pm sad-ppm; Sibtijiet u Ħdud mit-8am sas-1pm u mill-5pm sad-9pm; Ħamis ix-Xirka (21 t’April) mill-5pm sa 12am; Ġimgħa l-Kbira (22 t’ April) mid-9am sas-1pm. Dħul b’xejn.

Balzan

Il-Każin tal-Banda San Gabriel se jtella’ wirja tal-Ġimgħa Mqaddsa bit-tema mill-Aħħar Ċena sal-Qawmien li tinkludi minjatura tat-triq tas-Salib bi statwi mdaqqsin tal-ġrajja tal-Passjoni, xogħol artistiku maħdum mill-ismid, għaġin u ross, sett ta’ vari żgħar eċċIl-wirja se tinfetaħ mill-Arċisqof Pawlu Cremona OP nhar it-Tlieta 12 ta’ April fis-7.30pm b’tifkira għall-mibki isqof Malti ta’ Sandhurst (fl-Awstralja) Joe A… Kompli aqra »

IL-KALENDARJU TAL-PAPA FIL-ĠIMGĦA MQADDSA

15/04/2011

Pope in Easter Celebrations

L-Uffiċċju taċ-Ċelebrazzjonijiet Liturġiċi tal-Papa ippubblikat il-kalendarji ta’ ċerimonji li se jkunu preseduti mill-Papa Benedittu XVI tul il-Ġimgħa Mqaddsa.

Il-Ħadd 17 t’April il-Papa jippresiedi ċ-ċelebrazzjoni ta’ Ħadd il-Palm li se taħbat mas-26 Jum Dinji taż-Żgħażagħ bit-tema – ‘Rooted and built up in Jesus Christ, Firm in the Faith’. Iċ-ċerimonja tibda fid-9.30am bit-tberik tal-Palm fi Pjazza San Pietru fil-Vatikan. Issegwi purċissoni u quddiesa… Kompli aqra »

ŻJARA TAL-ARĊISQOF LIL-FORENSIC UNIT, MOUNT CARMEL

14/04/2011

Il-Ħamis 7 t’April, 2011,  l-Arċisqof Pawlu Ċremona OP, żar lill-priġunieri li jinsabu fil-Forensic Unit fl-isptar Monte Carmeli. Mal-wasla tiegħu intlaqa’ mill-uffiċċjali u nfermiera li jaħdmu f’din is-sezzjoni. Iż-żjara bdiet fid-9.30am b’quddiesa li fiha l-Arċisqof ikkonċelebra flimkien ma P.Franco Fenech Franġiskan Kapuċċin li huwa l-kappillan tal-Faċilita’ Korrettiva ta’ Kordin, u ma P.Charles Buġelli Franġiskan Kapuċċin li huwa l-kappillan tal-isptar Monte Carmeli… Kompli aqra »

Jum Iż-Żgħażagħ

14/04/2011

F’Ħadd il-Palm, 17 ta’ April, 2011, id-djoċesijiet madwar id-dinja ser ikunu qiegħdin ifakkru Jum iż-Żgħażagħ. Hekk ukoll il-Knisja f’Malta, li ilha tiċċelebra dan il-Jum sa minn mindu kien imwaqqaf minn Papa Ġwanni Pawlu II fl-1984.

Din is-sena, iċ-ċelebrazzjonijiet qed ikunu organiżżati mill-Parroċċa ta’ San Ġwann. L-attività tibda bit-tberik tradizzjonali tal-Palm fil-Kappella ta’ Santa Margerita, 5:40pm. Iż-żgħażagħ, imbagħad, se jimxu proċessjonalment sal-Knisja Parrokkjali fejn tiġi ċċelebrata quddiesa flimkien mal-Arċisqof Pawl Cremona O.P… Kompli aqra »

LAQGĦAT TA’ TALB GĦALL-FAMILJI

14/04/2011

Is-Segretarjat tal-Parroċċi flimkien mas-Segretarjat għal-Lajċi qed jorganizza Laqgħat ta’ Talb għall-Familji li għalihom l-insara Maltin kollha huma mistiedna jattendu sabiex ilkoll flimkien, kemm lajċi, kemm saċerdoti kif ukoll reliġjużi rġiel u nisa, jiltaqgħu f’mumenti ta’ talb għall-familji kollha ta’ pajjiżna. F’dawn il-laqgħat tintalab it-Talba tar-Rużarju tal-Familja u Adorazzjoni Ewkaristika.

L-ewwel laqgħa saret fil-Parroċċa ta’ Marsascala nhar it-Tlieta 15 t’April 2011 u oħra nhar it-Tlieta 12 t’April 2011 fil-Parroċċa ta’ San Sebastjan , Qormi saret Laqgħa ta’ Talb għall-Familji li għaliha attendew numru sabiħ ta’ nies mill-Parroċċi ta’:

Unità 4 : Attard, Iklin, Lija

Unità 5 : Dingli, Mdina, Mtarfa, Rabat

Unità 6 : Qormi San Sebastjan, Qormi San Ġorġ, Siġġiewi, Żebbuġ

Laqgħa oħra bħal din ser issir nhar it-Tlieta 19 t’April fis-7.30pm fil-Knisja Parrokkjali ta’ San Pawl il-Baħar bis-sehem tal-Parroċċi ta’:

Unità 7 : Għargħur, Mġarr, Mosta, Naxxar

Unità 8 : Burmarrad, Manikata, Mellieħa, San Pawl il-Baħar, Qawra

Kompli aqra »

…

EŻERĊIZZI FUQ RADJU RTK

14/04/2011

Fr Ray Francalanza, Kappillan tal-parroċċa ta’ Santu Wistin, il-Belt, se jkun jagħmel ir-Riflessjonijiet għall-Ġimgħa Mqaddsa ta’ din is-sena fuq Radju RTK.

Dawn se jsiru mit-Tnejn 18, sal-Ġimgħa, 22 ta’ April, fis-7.25pm b’ripetizzjoni fl-10.25pm.

Agħfas hawn biex tkompli taqra dan l-artiklu mis-sit www.il-gensillum.com Kompli aqra »

…

MESSAĠĠ TAL-ARĊISQOF GĦALL-ĦAMSIN ANNIVERSARJU MILL-KONSAGRAZZJONI TAL-KAPPELLA FL’ISTITUT SAN ĠUŻEPP

14/04/2011

14 ta’ April, 2011

Ħuti,

Fl-ewwel lezzjoni għandna lil Salamun li għadu kemm bena t-tempju tal-Mulej u jistagħġeb u jgħidlu, mhux bl-istess kliem tiegħu: “Mulej, imma kemm inti umli biex kapaċi tkun preżenza fit-tempju li aħna nibnulek bil-ġebla, il-ġebla umli”.

Is-Salm Responsorjali kien it-tweġiba ta’ wieħed minn dawk li mbagħad kienu jmorru t-tempju u t-tweġiba tiegħu kienet ta’ ħerqa kbira għaliex: “qalbi tixxennaq għat-tempju tiegħek, għal preżenza fit-tempju tiegħek”.  … Kompli aqra »

IL-PAPA JAPPELLA LILL-KROAZJA BIEX TIVVALUTA L-GĦERUQ INSARA TAGĦHA FL-EWROPA

13/04/2011

Croatia's EU membership

Il-Papa Benedittu XVI appella lill-Kroazja  sabiex tonora u tipproteġi l-wirt nisrani tagħha issa li qed toqrob lejn is-sħubija tagħha fl-Unjoni Ewropea. Il-Papa qal li l-Kroati jistgħu jaċċertaw irwieħhom mill-appoġġ tal-Knisja fl-isforzi ta’ pajjiżhom għal tiġdid politiku, ekonomiku u reliġjuż, 20 sena wara d-dikjarazzjoni tal-Indipendenza mill-ex Yugoslavia. Il-Kap tal-Knisja Kattolika għadda l-kummenti tiegħu fl-okkażjoni tal-preżentazzjoni tal-ittri tal-kredenzjali ta’ Filip Vucak bħala l-Ambaxxatur il-ġdid tal-Kroazja għall-Vatikan… Kompli aqra »

IL-VATIKAN QUDDIEM IL-KRIŻI TAL-IMMIGRAZZJONI IRREGOLARI

12/04/2011

Irregular Immigration

Il-Kelliem għall-Vatikan, Patri Federico Lombardi, poġġa fit-talb tiegħu lil mijiet ta’ nies li riċentament mietu fil-baħar Mediterran waqt li kienu qed jaħarbu mill-kunflitt ta’ pajjiżhom fl-Afrika ta’ Fuq. Biss biss, minħabba s-sitwazzjoni mill-iktar instabbli u l-kunflitti f’diversi pajjiżi tal-Afrika ta’ Fuq, mat-22,000 immigrant, fil-maġġorparti tagħhom Tuneżini, skont il-Ministeru tal-Intern Taljan,waslu f’Lampedusa. Dan minbarra n-numru ta’ dawk li waslu jew li kienu salvati u nġiebu f’Malta… Kompli aqra »