Skejjel tal-Knisja

APPLIKAZZJONIJIET SKONT L-EWWEL KRITERJI: MAINSTREAM U KAŻIJIET SERJI

Applikazzjonijiet skont il-Kriterji ta’ Tfal minn Djar tal-Knisja
Tfal tal-Impjegati fl-istess skola
Aħwa
Transfers
Tfal li ngħatatilhom eżenzjoni mill-attendenza
Tfal minn Skola tal-Knisja bla Kontinwita’
Tfal tal-impjegati fi skola oħra
Każijiet Soċjali ta’ tfal b’Ordni ta’ Ħarsien li jgħixu fl-istess dar u xi ħadd minnhom jattendi skola tal-knisja (Paragrafu 1a-1ġ & 1i) isiru:

• onlajn fuq https://church.mt/applications

mit-Tlieta 21 ta’ Novembru sal-Ħamis 30 ta’ Novembru 2023

• Min għandu bżonn l-għajnuna sabiex jagħmel l-applikazzjoni onlajn għandu jċempel fuq 7999 0224 mid-9:00 a.m sas-2:00 p.m fil-ġranet tal-applikazzjoni.

• Il- formoli tal-applikazzjonijiet ma jitniżżlux minn fuq is-sit elettroniku.

APPLIKAZZJONIJIET TARD – MAINSTREAM U KAŻIJIET SERJI

Applikazzjoniet tard tal- Ewwel Kriterju (Paragrafu 1a-1ġ & 1i):

• onlajn fuq is-sit https://church.mt/applications
• mill-Ħamis  7 ta’ Diċembru sal-Ħamis 14 ta’ Diċembru, 2023

• F’każ ta’ diffikulta’ fil-mili tal-applikazzjoni onlajn wieħed jista’ jċempel fuq 7999 0224 bejn id-9:00 a.m u s-2:00 p.m fil-ġranet tal-applikazzjoni.

 INFORMAZZJONI U DOKUMENTI MEĦTIEĠA GĦALL-APPLIKAZZJONI

Waqt l-applikazzjoni onlajn ikun hemm bżonn li tagħti din l-informazzjoni:

Isem u Kunjom tat-tifel / tifla, Nru tal-Karta tal-Identità tat-tifel / tifla, Data ta’ Twelid tat-tifel / tifla, Ġeneru tat-tifel / tifla, Indirizz, Lokalità, u Kodiċi Postali, Numru tat-telefown tad-dar, Isem u Kunjom l-omm, Nru tal-Karta tal-Identità tal‑Omm, Mowbajl tal-omm, Isem u Kunjom il-missier, Numru tal-Karta tal-Identità tal-Missier, Mowbajl tal-missier, Imejl tal-omm jew tal-missier.

Waqt l-applikazzjoni onlajn ikun hemm bżonn li ttella’ dawn id-dokumenti.

a. Il-Kattoliċi u Nsara oħra jippreżentaw Ċertifikat tal-Magħmudija.

b. Estratt taċ-Ċertifikat tat-Twelid (tal-Insinwa) tat-tifel / tifla.

ċ. Barranin li ma għandhomx karta tal-identita Maltija huma miltlub li flok in-numru tal-karta tal-identità jiktbu in-numru tal-passaport u jtellgħu ritratt tal- numru passaport.

d. Ritratt tat-tifel/ tifla.

e. Waqt l-applikazzjoni il-ġenituri jiġu mitluba juru l-kunsens tagħhom mad- Dikjarazzjoni dwar il-Protezzjoni u l-Privatezza tad-Data.  Din id-Dikjarazzjoni tista’ taraha u / jew tniżżilha minn hawn. Il-ġenituri jiġu mitluba jindikaw jekk iridux li jiġu notifikati jekk l-Uffiċċju tad-Dħul ikollu bżonn jikkuntatja lill-iskola tat-tfal tagħhom.

f. Dikjarazzjoni tal-Programm Edukattiv mill-Kap tal-Iskola li fiha jiġi ndikat jekk l-istudent/a ssegwix program ta’ Edukazzjoni mainstream, għandux / għandix bżonn xi għajnuna (access arrangements), jew jekk għandux / għandix bżonn l-għajnuna ta’ L.S.E. jew beda l-proċess għal-istatementing.
Din id-Dikjarazzjoni tista’ tniżżilha minn hawn

F’ċertu ċirkustanzi d-Dikjarazzjoni tal-Programm Edukattiv tista’ tintbagħat aktar tard.  F’dan il-każ, l-applikant irid jindika jekk l-istudent / a ssegwix programm t’edukazzjoni mainstream, għandu / ha arranġament għal waqt l-eżamijiet jew mgħejun / a minn LSE. jew beda l-proċess għal-istatementing. Jekk ikun hemm diskrepanza bejn id-dikjarazzjoni tal-ġenitur u l-kap tal-iskola, il-Bord tad-Dħul iqis valida l-indikazzjoni skont il-kap tal-iskola u hemm possibilita’ li l-għażla li jkunu għamlu l-ġenituri ma tibqax tgħodd.

Sabiex l-applikazzjoni tkun valida, d-Dikjarazzjoni tal-Programm Edukattiv, iffirmata mil-kap tal-iskola, ma tistgħax tintbagħat aktar tard minn ġimgħa wara r-Reġistrazzjoni ta’ Skola.  Jekk dan ma jsirx ir-reġistrazzjoni tkun invalida.

ġ. L-applikazzjoni minn ġenitur wieħed, jew minn rappreżentant tal-ġenituri,  tindika li hemm qbil bejn il-ġenituri li ssir din l-applikazzjoni.

g.  F’każ ta’ ġenituri separati fejn il-Qorti ddeċidiet li l-kustodja u / jew l-edukazzjoni tal-ulied hija konġunta,  hemm bżonn il‑kunsens taż-żewġ ġenituri u kopja tal-aħħar dokument tal-Qorti, fejn jindika l-kustodja u r-responsabiltà għall‑edukazzjoni tat-tifel / tifla.  Jekk xi ħadd mill-ġenituri ma jaqbilx ma’ din l-applikazzjoni jew mhux infurmat bl-applikazzjoni, u ma tahx il-kunsens tiegħu / tagħha, din l-applikazzjoni tirriżulta invalida.

Dokumenti Oħra meħtieġa skont il-kriterju li wieħed qed japplika.

għ. Jekk qed tapplika skont il-Kriterju ta’ Tfal minn Djar tal-Knisja (1a) jew il-Kriterju Każijiet Soċjali ta’ tfal b’Ordni ta’ Ħarsien (1i):

Dikjarazzjoni fuq formola apposta, mimlija u ffirmata mid-Direttur tad-Dar tal-Knisja / Dar Residenzjali li turi lit-tifel/ tifla huwa/ hija residenti fid-Dar tal-Knisja / Dar Residenzjali. Din id-Dikjarazzjoni għandha ssir dakinhar tal-applikazzjoni. Għandha tiġi ndikata wkoll l iskola li għandu jinkiteb fiha t-tifel / tifla.

Id-Dikjarazzjoni tista’ tniżżilha minn hawn.

h. Jekk qed tapplika skont il-Kriterju tal-Aħwa:

i.      Ċertifikat tat-twelid tar-Reġistru Pubbliku (tal-Insinwa) tal-aħwa l-oħra;

ii.      Fotokopja tal-Karta tal-Identità taż-żewġ ġenituri;

iii.     F’każ ta’  tfal adottati jew li qegħdin f’foster families, hemm bżonn ukoll ċertifikat mill-Aġenzija li jindika li t-tifel/tifla huma adottati, jew hemm ftehim ta’ fostering.

iv.      F’każ ta’ applikazzjonijiet skont paragrafi 1ċ ii, iii u iv hemm bżonn ukoll id-dokumenti tal-kustodja U d-dikjarazzjoni ġuramentata quddiem nutar (ara paragrafu 1ċ tar-regolamenti)  

ħ. Mal-applikazzjoni wieħed għandu jehmeż id-dokumenti msemmija skont il-każ:

i.     Ittra bi spjegazzjoni tar-raġunijiet serji

ii.    Ċertifikati rilevanti nkluż riżultat tal-eżamijiet tal-Ħames u s-Sitt sena fejn hemm

iii.    L-iStatement of Needs maħruġ mill-istatementing moderating panel u l- IEP

iv.    Meta l-każ għadu mhux konkluż mal-istatementing moderating panel tad-Dipartiment tal-Edukazzjoni, tiġi ppreżentata kopja tal-applikazzjoni  għand l-istatementing board jew l-aħħar rapport dwar il-bżonnijiet tat-tifel/ tifla mingħand psikologu edukattiv

v.    Min ikun għadu ma ġiex statemented huwa obbligat li jippreżenta l-iStatement of Needs meta dan jingħata.

vi.    L-applikazzjoni għat-talba għat-tneħħija tas-sapport tal-L.S.E. li tkun ġietppreżentata lil iStatementing Moderating Panel sal-31 ta’ Ottubru 2023

vii.   Applikanti li għandhom Statement of Needs li jgħid “Learner’s needs are to be met by Class Teacher” għandhom jippreżentaw li iStatement of Needs u l-aħħar rapport mill-psikologu edukattiv.

viii.  Każijiet Soċjali ta’tfal b’Ordni ta’ Ħarsien li jgħixu fl-istess dar jippreżentaw id-Dikjarazzjoni ffirmata mid-Direttur tad-Dar Residenzjali.

i. Applikanti li għandhom xi allerġiji u / jew jista jkun hemm bżonn li tintuża l-Epi-Pen għandhom jippreżentaw l-aħħar rapporti mediċi għar-rigward.

j. Dokumenti li ma jiġux sottomessi waqt l-applikazzjoni għandhom jiġu sottomessi onlajn permezz ta’ din il-ħolqa : https://knisja.mt/forms/csm-missing-documents/

Sakemm mhux indikat mod ieħor, id-dokumenti kollha tal-applikazzjonijiet tal-Ewwel  Kriterju għandhom jiġu sottomessi sal-31 ta’ Jannar 2024 u d-dokumenti kollha tal-applikazzjonijiet tat-Tielet Kriterju għandhom jiġu sottomessi sal-31 ta’ Marzu 2024. F’każ li dan ma jsirx, l- applikazzjoni tkun invalida.