F’għeluq ix-xahar mit-terremot li laqat iċ-ċentru tal-Italja, is-somma miġbura s’issa mill-Knisja f’Malta b’risq il-persuni midruba u dawk li tilfu djarhom hi ta’ 190,880 Ewro. Id-donazzjonijiet inġabru mill-parroċċi f’Malta u jinkludu wkoll donazzjonijiet li ġew depożitati direttament
fil-‘Caritas Malta Emergency Fund’.  

Din l-inizjattiva, li tħabbret l-għada tat-terremot, saret fuq talba tal-Arċisqof Charles J. Scicluna. Il-ġbir f’ħafna mill-knejjes sar is-Sibt 27 ta’ Awwissu filgħaxija u l-Ħadd 28 ta’ Awwissu 2016. 

L-Arċisqof jirringrazzja lill-Insara Maltin li bil-ġenerozità tagħhom urew kif, fuq il-passi ta’ Sidna Ġesù Kristu, il-Knisja f’Malta trid tkompli tilħaq lil dawk il-persuni li l-aktar qed ibatu, inkluż dawk lilhinn minn xtutna li tilfu l-għeżież tagħhom u anke djarhom fit-terremot tal-24 ta’ Awwissu li għadda…

Nhar l-Erbgħa 21 ta’ Settembru 2016, l‑Arċisqof mexxa pellegrinaġġ lejn is‑Santwarju Nazzjonali tal‑Madonna tal‑Mellieħa u wara ċċelebra Quddiesa biswit is-Santwarju.

Omelija tal-Arċisqof Charles J. Scicluna

Santwarju Nazzjonali tal-Madonna tal-Mellieħa

21 ta’ Settembru 2016

Il-Qari li għanda kemm smajna huwa meħud mill-Quddiesa votiva bit-titlu sabiħ: Il-Verġni Mqaddsa Marija Għajnuna tal-Insara…

Mons. Carmel Zammit, l-Isqof il-ġdid ta’ Ġibiltà, se jingħata l-ħatra f’Ingress Solenni, għada, l-24 ta’ Settembru 2016, f’nofsinhar. L-Arċisqof Charles J. Scicluna se jkun wieħed mill-Isqof Konċelebranti fiċ-Ċelebrazzjoni tal-Quddiesa. Il-kleru se jitlaq bil-mixi f’purċissjoni minn John Mackintosh Square għas-servizz fil-Katidral ta’ Santa Marija Inkurunata. 

Mons. Carmel Zammit kien ordnat Isqof fil-Katidral tal-Imdina iktar kmieni dan ix-xahar, imma se jieħu l-kariga bħala l-Isqof tad-Djoċesi ta’ Ġibiltà, għada.  

L-Ingress Solenni se tkun imxandra ‘live’ fuq l-istazzjon GBC u r-Radju Gibraltar Plus minn nofsinhar…

Pope Francis on Thursday met with the Italian National Council of the Order of Journalists, telling them that truth, professionalism and respect for human dignity were essential elements in their work.

Meeting with the assembled Italian journalists in the Vatican’s Clementine Hall on Thursday, Pope Francis told them that there were few professions that have “so much influence on society like that of journalism.” He noted that they are usually the ones who are there to record what he called,  the “first draft of history”, “the building of the news agenda and introducing people to the interpretation of events.”

He also noted that the journalistic profession was one that was continually adapting to changes in the way people digest news through new forms of media…

It‑Tnejn 12 ta’ Settembru 2016, l-Arċisqof Charles J. Scicluna ċċelebra Quddiesa fil‑Knisja tas‑Samra, il‑Ħamrun. Il-Knisja tas-Samra fil-Ħamrun ġiet elevata għal Santwarju u aggregata affiljata mal-Bażilika Rjali Minuri ta’ Atocia fi Spanja, minn fejn inġiebet ix-xbieha mirakuluża fl-1603.

Il-Knisja ġiet elevata għal Santwarju b’digriet tal-Arċisqof Charles J. Scicluna wara rikors tal-Kappillan tal-Paroċċa San Gejtanu Dun Walter Cauchi fuq suġġeriment ta’  Dun Andrew Borg, ir-Rettur preżenti tal-Knisja…

Meditazzjoni mill-Q.T. il-Papa Franġisku
Bażilika Minuri ta’ San Franġisk, Assisi
It-Tlieta 20 ta’ Settembru 2016

Quddiem Ġesù mislub jidwi għalina wkoll il-kliem tiegħu: “Għandi l-għatx” (Ġw 19:28). L-għatx, iżjed mill-ġuħ, hu l-ikbar bżonn tal-bniedem, imma hu wkoll l-ikbar miżerja tiegħu. Hekk nikkontemplaw il-misteru ta’ Alla l-Għoli, li fil-ħniena tiegħu sar fqir fost il-bnedmin.

Għal xiex hu għatxan il-Mulej? …