Arkivji mensili: Awwissu 2021

Naċċettaw ir-rieda ta’ Alla bla tgergir – L-Arċisqof

05/08/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Rari naqraw din is-silta b’mod sħiħ. Ħafna drabi nieqfu fil-kelma sabiħa ta’ Ġesù lil Pietru li jirrikonoxxi l-kelma tal-missier permezz tal-appostlu u jgħidlu: “Int tkellimt hekk għax imnebbaħ minn missieri li hu fis-smewwiet. “Mhux bniedem tad-demm u l-laħam uriek dan, imma missieri li hu fis-smewwiet” (Mt 16:17). Imma Pietru ma tlumux li jibqa’ jirraġuna ta’ bniedem li hu.

Meta Ġesù jibda jitkellem dwar il-ħtieġa li jbati, li jkun miċħud, li joqtluh u li jqum fit-tielet jum… Kompli aqra »

Rapport Finanzjarju 2020: Tnaqqis drastiku mill-ġbir fil-knejjes b’effett tal-pandemija

05/08/2021

Fl‑2020, l‑Arċidjoċesi ta’ Malta, li tiġbor fiha iktar minn 100 entità u timpjega iktar minn 1,300 persuna, irreġistrat tnaqqis drastiku fis‑surplus minn €3.5 miljun fis‑sena 2019 għal €1.2 miljun fis‑sena 2020. Iż‑żewġ fatturi ewlenin li kkontribwixxew għas‑surplus kienu d‑dħul ta’ darba f’ishma li rċeviet Fondazzjoni Sebħ, kif ukoll wirtijiet li rċevew id‑Dar tal‑Providenza u d‑Dar tal‑Kleru.

Dan tħabbar mis‑Segretarju Amministrattiv tal‑Arċidjoċesi ta’ Malta, Michael Pace Ross, waqt konferenza tal‑aħbarijiet fil‑Kurja tal‑Arċisqof fejn qal li l‑pandemija ġabet magħha sfidi finanzjarji kbar… Kompli aqra »

Quddiesa u Rużarju – 5 ta’ Awwissu, 9:30am

05/08/2021   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 5 ta’ Awwissu

05/08/2021

Qari tal-jum

L-Ewwel Qari: Num 20, 1-13
Salm: 94 (95), 1-2.6-7.8-9

L-Evanġelju: Mt 16, 13-23

F’dak iż-żmien, Ġesù wasal fl-inħawi ta’ Ċesarija ta’ Filippu, u staqsa lid-dixxipli tiegħu u qalilhom: “Min jgħidu n-nies li hu Bin il-bniedem?”. U huma weġbuh: “Xi wħud, Ġwanni l-Battista; oħrajn, Elija; u oħrajn, Ġeremija jew wieħed mill-profeti”. “Imma intom min tgħidu li jien?”, staqsiehom. U qabeż Xmun Pietru u qallu: “Inti l-Messija, Bin Alla l-ħaj”… Kompli aqra »

Il-Papa Franġisku fl-Udjenza Ġenerali: l-Evanġelju hu wieħed biss

04/08/2021   Il-Vatikan

Għeżież ħuti, l-għodwa t-tajba!

Meta jitkellem fuq l-Evanġelju u l-missjoni tal-evanġelizzazzjoni, Pawlu jitħeġġeġ, joħroġ minnu nnifsu. Donnu ma jkun jara xejn iżjed ħlief din il-missjoni li fdalu l-Mulej. Kollox fih huwa mogħti għal din it-tħabbira, u ma għandux interess ieħor ħlief l-Evanġelju. Din hi l-imħabba ta’ Pawlu, l-interess ta’ Pawlu, il-mestier ta’ Pawlu: li jħabbar. Jasal saħansitra biex jgħid: “Kristu ma bagħatnix biex ngħammed iżda biex inxandar l-Evanġelju” (1 Kor 1:17)… Kompli aqra »

Fidi u rieda soda – L-Isqof Joseph Galea-Curmi

04/08/2021   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Fl-Evanġelju tolqtok kif kultant nies li ma tistennihomx li se jagħrfu min hu Ġesù jkunu l-ewwel li jifhmu min hu. Hawnhekk għandna l-mara Kananeja, li ma kinitx parti mill-poplu Lhudi, li turina li għarfet tassew min hu Ġesù.

Hawnhekk Ġesù jitlaq lejn Tir u Sidon, fid-distrett fis-Sirja, tul il-kosta tal-Mediterran, qisu biex jevita l-folol. Imma hemmhekk toħroġ dil-mara li riedet li Ġesù jfejjaq lil bintha li kellha spirtu ħażin fiha… Kompli aqra »

Quddiesa u Rużarju – 4 ta’ Awwissu, 9:30am

04/08/2021   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

Ħatriet ġodda f’diversi parroċċi f’Malta

04/08/2021

Kappillan ġdid għall-parroċċa ta’ Santa Luċija

L‑Arċisqof Charles Jude Scicluna ħatar lil Dun Ronnie Zammit bħala kappillan tal‑parroċċa ta’ San Piju X, Santa Luċija.

Dun Ronnie Zammit twieled fid‑9 ta’ Marzu 1982. Huwa rċieva l‑formazzjoni għas‑saċerdozju fis‑Seminarju tal‑Arċisqof f’Tal‑Virtù, ir‑Rabat, u segwa l‑istudji fil‑Fakultà tat‑Teoloġija fl‑Università ta’ Malta. Ġie ordnat saċerdot fit‑3 ta’ Lulju 2009.

Dun Ronnie serva fil‑parroċċa ta’ Sant’Elena f’Birkirkara, u kien viċi kappillan tal‑parroċċa ta’ Ħal Tarxien… Kompli aqra »

L-Evanġelju tal-jum: 4 ta’ Awwissu

04/08/2021

Qari tal-jum

L-Ewwel Qari: Num 13, 1-3a.25 -14, 1.26-30.34-35
Salm: 105 (106), 6-7a.13-14.21-22.23

L-Evanġelju: Mt 15, 21-28

F’dak iż-żmien, Ġesù ħareġ minn hemm u telaq lejn Tir u Sidon. U ħarġet waħda mara Kangħanija minn dawk l-inħawi, u qabdet tgħajjat u tgħid: “Ħenn għalija, Mulej, Bin David! Binti għandha fiha xitan, u magħdura ħafna”. Iżda hu ma weġibhiex kelma.

Resqu lejh id-dixxipli tiegħu, jitolbuh u jgħidulu: “Eħles minnha, għax ġejja tgħajjat warajna”… Kompli aqra »

Ktieb ġdid dwar ir-restawr li sar fil-Konkatidral ta’ San Ġwann

03/08/2021

Il-Fondazzjoni tal-Konkatidral ta’ San Ġwann għalqet 20 sena mit-twaqqif tagħha fil-31 ta’ Lulju 2021. Għall-okkażjoni nediet il-pubblikazzjoni The St John’s Co-Cathedral: Looking After a Cultural Gem – 20 Years of Restoration and Conservation.

Fl-indirizz tal-ftuħ, il-President tal-Fondazzjoni Prof. Mons. Emmanuel Agius, qal li “l-għan tal-pubblikazzjoni li nedejna hu li juri u jiddokumenta l-legat tal-programm estensiv u kompensiv ta’ restawr u konservazzjoni li wettqet il-Fondazzjoni matul dawn l-aħħar 20 sena… Kompli aqra »