Arkivji mensili: Frar 2022

Mulej, eħlisna mill-mibegħda – L-Isqof Galea-Curmi

04/02/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Saret tobogħdu”. Din hi l-kelma li smajna fl-Evanġelju skont San Mark fuq Erodja, li kienet miżżewġa lil Filippu imma mbagħad telqitu biex tmur toqgħod ma’ ħuh, ma’ Erodi. Lilu, lil Erodi, Ġwanni l-Battista kien jgħidlu: “Ma tistax iżżommha int il-mara ta’ ħuk”. Minħabba f’hekk, Erodja saret tobogħdu, u bdiet taħseb b’liema mod tista’ teliminah. Imbagħad wasal il-jum meta Erodi għalaq żmienu, u għamel ikla, u t-tifla tagħha żifnet quddiem Erodi u dan tant ħa gost li qalilha: ‘Nagħtik kulma titlobni’… Kompli aqra »

Kor tal-Arċidjoċesi ta’ Malta

04/02/2022

L‑Arċidjoċesi ta’ Malta se twaqqaf kor sabiex janima quddies waqt diversi attivitajiet djoċesani. Il‑kor se jkun iffurmat minn tfal u adulti. Dawk kollha minn 9 snin ’il fuq jistgħu japplikaw. Għalkemm mhuwiex neċessarju, tagħrif bażiku fil‑qari tal‑mużika jitqies ta’ vantaġġ.

Il‑kor se jkun taħt it‑tmexxija tal‑Mro Christopher Muscat, maestro di cappella tal‑Katidral Metropolitan u direttur mużikali tal‑Arċidjoċesi ta’ Malta.

Agħfas hawn biex tapplika… Kompli aqra »

Riċerka bil-għan li tipprevjeni milli ż-żgħażagħ jirrikorru għad-droga

Iffirmat ftehim bejn Caritas Malta u l-Università ta’ Malta

04/02/2022

Fit-2 ta’ Frar Caritas Malta u l-Università ta’ Malta ffirmaw ftehim ta’ kollaborazzjoni biex jingħata bidu għal riċerka li biha jkunu jistgħu jaraw kif jistgħu jgħinu liż-żgħażagħ ma jirrikorrux għad-droga, u jaffaċċjaw l-isfidi ta’ kuljum. Ir-riċerka se tkun qed issir mill-Università ta’ Malta.

Waqt il-konferenza, id-Direttur ta’ Caritas Malta Anthony Gatt, qal li dan il-ftehim se jsir minħabba li Caritas intalbet mill-awtoritajiet tas-saħħa biex tagħti rakkomandazzjonijiet li jgħinu biex jipprevjenu l-użu tad-droga… Kompli aqra »

Quddiesa u Rużarju – 4 ta’ Frar 2022, 9:30am

04/02/2022   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 4 ta’ Frar

04/02/2022

Qari tal-jum

L-Ewwel Qari: Sirak 47:2-11
Salm: 17 (18):31,47 u 50,51

L-Evanġelju: Mk 6:14-29

F’dak iż-żmien, is-sultan Erodi sama’ b’Ġesù, għax ismu kien sar magħruf, u xi wħud bdew jgħidu: “Ġwanni l-Battista qam mill-imwiet; minħabba f’hekk li s-setgħat tal-mirakli qegħdin jaħdmu fih”. Imma oħrajn bdew jgħidu: “Dan Elija”. U oħrajn: “Profeta, bħal wieħed mill-profeti l-oħra”. Iżda Erodi, meta sama’ bih, qal: “Ġwanni l-Battista, li jien qtajtlu rasu, hu qam mill-mewt!”… Kompli aqra »

Il-Papa fl-Udjenza: Il-Knisja hi l-komunità tal-midinbin mifdija

02/02/2022   Il-Vatikan

Għeżież ħuti, l-għodwa t-tajba!

F’dawn il-ġimgħat stajna ninżlu iżjed fil-fond tal-figura ta’ San Ġużepp billi ħallejna jdawluna l-ftit tagħrif importanti li jagħtuna l-Vanġeli, u anki l-aspetti tal-personalità tiegħu li l-Knisja mal-medda tas-sekli wrietna permezz tat-talb u d-devozzjoni. Ibda proprju minn dan is-“sentiment komuni” li fl-istorja tal-Knisja sieħeb dejjem il-figura ta’ San Ġużepp, illum nixtieq nieqaf fuq artiklu importanti tal-fidi li jista’ jagħni l-ħajja Nisranija tagħna u jista’ wkoll jorjenta bl-aħjar mod ir-relazzjoni tagħna mal-qaddisin u ma’ ħutna l-mejtin: qed nitkellem fuq ix-xirka tal-qaddisin… Kompli aqra »

Kunsill ġdid tal-Kappillani 2022-2024

03/02/2022

(xellug) Dun Louis Suban, Dun Andew Schembri, Dun Mario Mangion, l-Isqof Awżiljarju Joseph Galea-Curmi, Dun Bastjan Caruana, Dun Reuben Micallef u Patri Renald Lofreda

Il-Kulleġġ tal-Kappillani tal-Knisja f’Malta ħatar Kunsill ġdid għas-snin 2022 – 2024 fil-laqgħa tal-Kulleġġ tat-2 ta’ Frar 2022. Il-Kunsill tal-Kappillani hu magħmul minn seba’ membri tal-Kulleġġ tal-Kappillani. Il-Kulleġġ hu magħmul mis-70 kappillan tal-parroċċi f’Malta.

Il-membri tal-Kunsill il-ġdid huma: Dun Mario Mangion, l-Arċipriet ta’ San Ġorġ, Ħal Qormi, li reġa’ nħatar President; Dun Reuben Micallef, il-Kappillan ta’ Pembroke; Dun Bastjan Caruana, l-Arċipriet tal-Mosta; Louis Suban, il-Prespostu ta’ Birkirkara; Dun Andrew Schembri, il-Kappillan ta’ Ħal Għaxaq; Dun George Schembri, il-Kappillan tal-Imġarr; u Patri Renald Lofreda O.Carm, il-Kappillan tal-Balluta… Kompli aqra »

Id-dilka tal-morda ġġib ħafna barka u fejqan spiritwali – L-Arċisqof

03/02/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Ġesù jagħti l-istruzzjonijiet missjunarji. Qed jibgħat lit-Tnax, l-ewwel grupp u l-iżjed grupp viċin tiegħu, jibgħathom tnejn tnejn biex ikunu ta’ sapport għal xulxin u jagħtihom setgħa speċjali, setgħa fuq l-ispirti ħżiena.

Iwissihom imma biex ma jagħmlux l-iżball li jiddependu fuq l-affarijiet li għandhom magħhom. Il-Mulej se jieħu ħsiebhom. Allura għandhom bżonn il-ħatar għat-triq, l-għasluġ li jwennes is-saqajn għajjiena, ir-riġlejn li jegħjew imma mbagħad iridu jitgħallmu jilqgħu dak li jagħtuhom il-familji li jilqgħuhom għandhom… Kompli aqra »

Quddiesa u Rużarju – 3 ta’ Frar 2022, 9:30am

03/02/2022   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 3 ta’ Frar

03/02/2022

Qari tal-jum

L-Ewwel Qari: 1 Slaten 2:1-4,10-12
Salm: 1 Kron 29:10,11ab,11d-12a,12bċd

L-Evanġelju: Mk 6:7-13

F’dak iż-żmien, Ġesù sejjaħ it-Tnax, u beda jibgħathom tnejn tnejn, filwaqt li tahom is-setgħa fuq l-ispirti ħżiena. U wissiehom biex ma jieħdu xejn magħhom għat-triq ħlief ħatar: la ħobż, la ħorġa, lanqas flus fi ħżiemhom; imma li jilbsu l-qrieq u ma jxiddux żewġ ilbiesi. Qalilhom: “Fejn tidħlu f‘xi dar, ibqgħu fiha sa ma titilqu minn hemmhekk… Kompli aqra »