Arkivji mensili: Awwissu 2022

L-Evanġelju tal-jum: 16 ta’ Awwissu

16/08/2022

Qari tal-jum

L-Ewwel Qari: Eżek 28:1-10
Salm: Dewt 32:26-27ab.27ċd-28.30.35ċd-36ab

L-Evanġelju: Mt 19:23-30

F’dak iż-żmien, Ġesù qal lid-dixxipli tiegħu: “Tassew ngħidilkom li l-għani se jsibha iebsa biex jidħol fis-Saltna tas-Smewwiet! Iva, nerġa’ ngħidilkom, eħfef li ġemel jgħaddi minn għajn ta’ labra milli wieħed għani jidħol fis-Saltna tas-Smewwiet.”

Id-dixxipli stagħġbu ħafna meta semgħu dan, u qalu: “Mela min jista’ jsalva?” Ġesù ħares lejhom u qalilhom: “Għall-bnedmin dan ma jistax ikun; għal Alla kollox jista’ jkun.”

Imbagħad qabeż Pietru u qallu: “Tajjeb! … Kompli aqra »

“Marija turina biċ-ċar li timxi magħna u tħarisna” – L-Arċisqof f’Santa Marija

Quddiesa fis-solennità ta' Marija mtellgħa s-sema

15/08/2022   Il-Bażilika Minuri ta’ Santa Marija, il-Mosta

L-omelija tal-Arċisqof Charles Jude Scicluna

L-Evanġelju li għadna kemm smajna jibda bi vjaġġ ta’ Marija. L-Anġlu Gabrijel għadu kemm ħabbrilha li kellha ssir Omm Alla, u hi, tfajla rżina u żagħżugħa, marbuta mal-imħabba kbira għall-poplu Lhudi, tgħid lill-qaddej ta’ Alla l-Anġlu Gabrijel: “Ara, jiena l-qaddejja tal-Mulej: ħa jsir minni skont kelmtek!”

Il-vjaġġ lejn Għajn Karem

Mimlija bil-ferħ li ġej mill-ispirtu qaddis ta’ Alla, mimlija bl-imħabba magħmul bniedem fil-ġuf tagħha, imtaqqla bl-għajdut tan-nies bis-suspett ta’ Ġużeppi, li mnebbaħ mill-qaddej anġlu ta’ Alla jilqagħha, mimlija b’dawn l-esperjenzi kollha, Sidtna Marija tilqa’ s-sinjal li ngħatalha, jiġifieri li għal Alla m’hemm xejn li ma jistax ikun, u “tħaffef lejn il-għoljiet, f’belt tal-Lhudija” (Lq 1:39) biex tiltaqa’ ma’ Eliżabetta, il-qariba tagħha li kienet diġà fis-sitt xahar tat-tqala tagħha… Kompli aqra »

Fly high – L-Isqof Galea-Curmi

Quddiesa fis-Solennità tal-Assunta

15/08/2022   Il-Knisja Parrokkjali tal-Lunzjata, Ħal Balzan

OLYMPUS DIGITAL CAMERA L-omelija tal-Isqof Joseph Galea-Curmi

Waħda mill-espressjonijiet komuni fuq il-media soċjali meta jmut xi ħadd hi ‘Fly high!’. Taraha kemm-il darba, speċjalment meta xi ħadd ikun ħabib jew ħabiba ta’ min miet u jikteb din l-espressjoni. Mhuwiex dejjem ċar min jiktibha xi jkun qed jifhem biha, jidher li hi espressjoni li turi xi ħaġa lil hemm minn din il-ħajja; imma naħseb li l-festa li qed niċċelebraw illum tagħti l-isbaħ u l-aħjar tifsira għal din l-espressjoni ‘fly high’… Kompli aqra »

Il-Papa fl-Angelus: Il-ħniena hi t-triq tas-salvazzjoni għad-dinja kollha

14/08/2022   Pjazza San Pietru, il-Vatikan

Għeżież ħuti, il-jum it-tajjeb!

Fl-Evanġelju tal-Liturġija tal-lum hemm espressjoni ta’ Ġesù li tolqotna u ġġagħalna naħsbu. Waqt li miexi mad-dixxipli tiegħu, hu jgħid: “Nar ġejt inqiegħed fuq l-art, u kemm nixtieq li diġà qabad!” (Lq 12:49). Dwar liema nar qed jitkellem? U xi jfisser dal-kliem għalina llum, dan-nar li qed iġib Ġesù?

Kif nafu, Ġesù ġie biex iġib l-Evanġelju fid-dinja, jiġifieri l-Bxara t-Tajba tal-imħabba t’Alla għal kull wieħed u waħda minna… Kompli aqra »

Quddiesa fil-festa ta’ Santa Marija – 15 t’Awwissu 2022, 9:15am

15/08/2022   ll-Bażilika tal-Mosta

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 15 ta’ Awwissu

15/08/2022

L-Imqaddsa Marija Mtellgħa s-Sema – Solennita’
Qari tal-jum

L-Ewwel Qari: Apok 11:19a; 12: 1-6a,10ab
Salm: 44:10bc,11-12ab,16
It-Tieni Qari: 1 Kor 15:20-26

L-Evanġelju: Lq 1:39-56

F’dawk il-ġranet Marija qamet u marret tħaffef lejn il-għoljiet, f’belt tal-Lhudija. Daħlet għand Żakkarija u sellmet lil Eliżabetta. Malli Eliżabetta semgħet ’il Marija ssellmilha, it-tarbija qabżet fi ħdanha, u Eliżabetta mtliet bl-Ispirtu s-Santu; u nfexxet f’għajta kbira u qalet: “Imbierka inti fost in-nisa, u mbierek il-frott tal-ġuf tiegħek! … Kompli aqra »

Iva għall-ħajja – L-Isqof Galea-Curmi

Quddiesa f'Jum id-Don tal-Ħajja u preżentazzjoni tat-trabi f'Ħad-Dingli

14/08/2022   Il-Knisja Parrokkjali ta’ Santa Marija, Ħad-Dingli

L-omelija tal-Isqof Joseph Galea-Curmi

“Imbierek il-frott tal-ġuf tiegħek!” (Lq 1:42) Dan hu l-kliem li smajna fl-Evanġelju llum, il-kliem li Eliżabetta qalet lil Marija. Hu l-kliem li nixtieq ngħid b’mod speċjali lill-ommijiet li qegħdin hawn, flimkien mal-missirijiet, għal din il-quddiesa – dawk li kellhom tarbija din is-sena li għaddiet, kif ukoll dawk li qed jistennew it-twelid tat-tarbija.

Post it-tfal iż-żgħar fil-knisja

Kemm hu sabiħ li bi tħejjija għall-festa ta’ Santa Marija f’din il-parroċċa għażiża ta’ Ħad-Dingli qegħdin miġburin flimkien għal din il-quddiesa llum biex niċċelebraw id-don tal-ħajja… Kompli aqra »

X’inhu n-nar li ġab Ġesù? – Jistaqsi l-Arċisqof

Quddiesa fl-20 Ħadd taż-żmien ta' matul is-sena

14/08/2022   ll-Kappella ta' San Xmun Appostlu, fil-Wardija

L-omelija tal-Arċisqof Charles Jude Scicluna

Nistgħu ngħidu li Ġesù, biex jispjega min hu u l-preżenza tiegħu fostna u anke fil-familja li waqqaf, juża l-elementi tan-natura: l-ilma, “min jemmen fija għajn ta’ ilma ġieri toħroġ mill-qalb tiegħu”, in-nifs u l-arja bħala sinjal tal-ispirtu. Jagħtina ħafna tixbihat tas-saltna biż-żrieragħ, bis-siġar u bix-xtieli. Huwa juża l-element tal-art.

Illum ikellmna fuq in-nar, element ieħor importanti u li kull kultura kienet tirrealizza l-qawwa tiegħu… Kompli aqra »

Quddiesa tal-Ħadd – 14 t’Awwissu 2022, 9:30am

14/08/2022   ll-Kappella ta' San Xmun Appostlu, fil-Wardija

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 14 ta’ Awwissu

14/08/2022

L-Għoxrin Ħadd taż-Żmien ta’ Matul is-Sena
Qari tal-jum

L-Ewwel Qari: Ġer 38:4-6,8-10 3
Salm: 39(40):2,3,4,18
It-Tieni Qari: Lhud 12:1-4

L-Evanġelju: Lq 12:49-53

F’dak iż-żmien, Ġesù qal lid-dixxipli tiegħu: “Nar ġejt inqiegħed fuq l-art, u kemm nixtieq li diġà qabad! Iżda hemm magħmudija li biha għandi nitgħammed, u x’diqa għandi sa ma dan iseħħ! Taħsbu intom li jien ġejt inġib il-paċi fid-dinja? … Kompli aqra »