Arkivji mensili: Frar 2025

L-Evanġelju tal-jum: 11 ta’ Frar

11/02/2025

L-Imqaddsa Verġni Marija ta’ Lourdes
Qari tal-jum

L-Ewwel Qari: Ġen 1:20 – 2:4a
Salm: 8:4-5,6-7,8-9

L-Evanġelju: Mk 7:1-13

F’dak iż-żmien, 1il-Fariżej u xi wħud mill-kittieba li ġew minn Ġerusalemm inġabru ħdejn Ġesù, u raw li xi wħud mid-dixxipli tiegħu kienu qegħdin jieklu b’idejhom mhumiex indaf, jiġifieri mhumiex maħsulin. Għax il-Fariżej, u l-Lhud kollha, biex iħarsu t-tradizzjoni ta’ missirijiethom, ma jmissux ikel qabel ma jkunu ħaslu jdejhom sewwa; hekk ukoll wara li jerġgħu lura mis-suq, ma jiklux jekk ma jinħaslux; u għandhom bosta drawwiet oħra li baqgħu marbutin magħhom minn żmien għal ieħor, bħalma huma l-ħasil tat-tazzi u tal-buqari u tal-ktieli tal-bronż… Kompli aqra »

Nawfraġju b’ħafna tama – L‑Isqof Galea‑Curmi

Quddiesa f'lejlet is-Solennità ta’ San Pawl Missierna

09/02/2025   Il-Kolleġġjata ta' San Pawl Nawfragu, il-Belt Valletta

Ritratt: Carl Farrugia L-omelija tal-Isqof Joseph Galea-Curmi

“Tlifna kull tama li nsalvaw”. Tul ir-rakkont twil tat-tempesta rrakkuntata fl-Atti tal-Appostlitempesta li wasslet għan-Nawfraġju ta’ San Pawl f’Malta – hemm din is-sentenza li tolqtok għax tesprimi kemm kienet kerha s-sitwazzjoni fuq il-ġifen: “it-tempesta li qabditna ma kinetx ħafifa, hekk li fl-aħħar tlifna kull tama li nsalvaw” (Atti 27:20).

Illum nistedinkom biex nirriflettu fuq din il-ġrajja hekk importanti għal pajjiżna, għalina lkoll, u nagħmlu dan l-aktar billi nħarsu lejn it-tama f’din il-ġrajja… Kompli aqra »

It-tama tagħtik id-direzzjoni – L-Arċisqof

Quddiesa fis-solennità tal-Appostlu Missierna San Pawl

10/02/2025   Il-Kolleġġjata ta’ San Pawl Nawfragu, il-Belt Valletta

L-omelija tal-Arċisqof Charles Jude Scicluna

“Nifirħu fit-tama” (Rum 12:12). Hija l-kelma tal-Appostlu Missierna lir-Rumani li l-Pawlini għeżież għażlu għal din is-sena u kienet għażla tassew xierqa. Qegħdin niċċelebraw il-Ġublew tas-sena 2025, li l-Qdusija Tiegħu l-Papa Franġisku xtaq li jkun iddedikat lit-tama. Illum l-10 ta’ Frar qegħdin hawn f’din is-sena ġubilari, f’din il-knisja ġubilari, sabiex minn idejn il-knisja nilqgħu l-grazzja tal-indulġenza plenarja, tal-ħelsien mit-tpattija kollha ta’ dnubietna… Kompli aqra »

Pontifikal fil-festa ta’ San Pawl – 10 ta’ Frar 2025, 9:30am

10/02/2025   Il-Kolleġġjata ta’ San Pawl Nawfragu, il-Belt Valletta

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 10 ta’ Frar

10/02/2025

L-Appostlu Missierna San Pawl, Patrun ta’ Malta – Solennità
Qari tal-jum

L-Ewwel Qari: Għerf 14:3-7
Salm: 106:21-31
It-Tieni Qari: Atti 27, 16 – 28, 10 jew 2 Kor 11:18,24-31

L-Evanġelju: Mk 16:15-20

F’dak iż-żmien, Ġesù qal lill-Ħdax : “Morru fid-dinja kollha, xandru l-Evanġelju lill-ħolqien kollu. Min jemmen u jitgħammed, isalva; iżda min ma jemminx, ikun ikkundannat. U dawn huma s-sinjali li jsieħbu lil dawk li jemmnu: f’ismi jkeċċu x-xjaten, jitkellmu b’ilsna ġodda, jaqbdu s-sriep b’idejhom, u jekk jixorbu xi xorb li jġib il-mewt ma jagħmlilhomx ħsara; iqiegħdu idejhom fuq il-morda u dawn ifiqu.”

U hekk il-Mulej Ġesù, wara li kellimhom, kien imtella’ fis-sema u qagħad in-naħa tal-lemin ta’ Alla… Kompli aqra »

Il-lingwaġġ ta’ kull missjoni mill-Mulej: nitilqu kollox, nagħtu ħajjitna, nafdawh u nħalluh jaħdem – L-Arċisqof

09/02/2025   Il-Knisja Parrokkjali ta' San Ġiljan, San Ġiljan

L-omelija tal-Arċisqof Charles Jude Scicluna

Il-Kelma ta’ Alla llum, tkellimna dwar il-misteru tas-sejħa. Ilkoll nirċievu mingħand Ġesù, mingħand il-Mulej f’ħajjitna. Kemm il-Profeta fil-bidu tal-vokazzjoni tiegħu, l-Profeta Iżaija jħoss li mhuwiex dehen; hekk jiġrilu Pietru; hekk jikkonferma Pawlu. Dawn it-tliet personaġġi li l-Kelma ta’ Alla tlaqna magħhom illum: il-Profeta Iżaija, l-Appostlu Missierna, li mil-lejla nibdew niċċelebraw il-festa patronali tiegħu, u Pietru. Fil-laqgħa tagħhom mal-Mulej iħossu li huma midinbin, iħossu n-nuqqasijiet tagħhom; it-tagħbija tal-passat tagħhom… Kompli aqra »

Quddiesa tal-Ħadd – 9 ta’ Frar 2025, 9:30am

09/02/2025   Il-Parroċċa ta' San Ġiljan

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-Ħadd: 9 ta’ Frar

09/02/2025

Il-Ħames Ħadd taż-Żmien ta’ Matul is-Sena
Qari tal-jum

L-Ewwel Qari: Iż 6:1-2a,3-8
Salm: Salm 137(138):1-2a,2bċ-3,4-5,7ċ-8
It-Tieni Qari: 1 Kor 15:1-11

L-Evanġelju: Lq 5:1-11

Darba l-kotra bdiet tross fuq Ġesù biex tisma’ l-kelma ta’ Alla. Hu kien qiegħed f’xatt l-għadira ta’ Ġennesaret. U ra żewġ dgħajjes qegħdin max-xatt; is-sajjieda kienu niżlu minn fuqhom u kienu qegħdin jaħslu x-xbiek. Tela’ fuq waħda minnhom, li kienet ta’ Xmun, u talbu jaqla’ kemmxejn ’il barra mill-art; imbagħad qagħad bilqiegħda u beda jgħallem lin-nies mid-dgħajsa… Kompli aqra »

Vuċi ta’ ħabib… għajnejn li jagħtu kalma u serenità – L-Arċisqof dwar Mons. Victor Grech

Quddiesa b'suffraġju għal Mons. Victor Grech

08/02/2025   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

“Lilu narah b’ħabib tiegħi, dak li jilmħu b’għajnejja ma jkunx barrani” (Ġob 19:27). Dan il-kliem joqgħod tajjeb fuq fomm Dun Victor, hu u jagħmel il-pass tremend tal-mewt, u jgħaddi għall-ħajja ta’ dejjem. Fuq min qed jitkellem Dun Victor meta jgħid: “Lilu narah b’ħabib tiegħi” (Ġob 19:27)? Qed jitkellem fuq Alla. Għax il-ktieb ta’ Ġob, li minnu qrajna l-ewwel qari, jagħtina din iċ-ċertezza, li hi l-qofol tal-fidi tagħna… Kompli aqra »

Xhieda kuraġġuża – L‑Isqof Galea‑Curmi

07/02/2025   Il-Kappella tal-Madonna ta' Manresa fil-Kurja tal-Arċisqof fil-Furjana

“Irridek issa stess tagħtini ras Ġwanni l-Battista fuq platt” (Mk 6:25). Din kienet it-talba li għamlet din it-tfajla lil Erodi, kif smajna fir-rakkont tal-martirju ta’ Ġwanni l-Battista. Hu rakkont traġiku ta’ ġrajja makabra, li għandha fiha l-forza, il-qawwa tal-ħażen, u fl-istess waqt ukoll hemm dan id-dawl fid-dlam – li hu Ġwanni l-Battista.

Ħa nħarsu lejn dak li turina din l-istorja. Turina, l-ewwel nett, il-qawwa tal-mibegħda, fiex twassal il-mibegħda… Kompli aqra »