• Fl-okkażjoni tal-Ġublew għall-Familja, l-Arċisqof Charles J. Scicluna nieda l-verżjoni bil-Malti tal-Eżortazzjoni Appostolika ‘Amoris Laetitia’, waqt preżentazzjoni fis-Seminarju tal-Arċisqof.  

  L-Eżortazzjoni ‘Il-Ferħ tal-Imħabba’ tiġbor it-tagħlim tal-Knisja dwar is-sagrament taż-żwieġ u l-ħajja tal-familja. L-Eżortazzjoni toffri wkoll meditazzjonijiet prattiċi li joffru opportunità lill-koppji miżżewġa biex jirriflettu fuq l-isfidi tal-ħajja filwaqt li japprofondixxu r-relazzjoni ta’ bejniethom. Il-Papa jissuġġerixxi wkoll forom ta’ akkumpanjament għall-koppji ġodda, u biex tintwera delikatezza kbira lejn realtajiet differenti ta’ familja.  

  L-Arċisqof ħeġġeġ lil kulħadd biex jaqra dan il-ktieb, li permezz tiegħu l-Papa Franġisku jipproponilna pastorali ta’ Knisja li hija miftuħa għall-kultura attwali u li tgħinna nfittxu dak li jgħaqqadna flimkien. Agħfas hawn biex issegwi l-preżentazzjoni tal-Arċisqof jew niżżel il-verżjoni bil-Malti minn hawn.   

Kompli aqra »

…

• Fl-Eżortazzjoni Appostolika ‘Amoris Laetitia’ (Il‑Ferħ tal‑Imħabba), il-Papa Franġisku jgħid li ‘l-ġid tal-familja hu deċiżiv għall-ġejjieni tad-dinja u tal-Knisja’ (par. 31). 

  Il-Knisja f’Malta ser tiċċelebra l-familja fit-30 ta’ Ottubru 2016, permezz ta’ ġurnata ta’ attivitajiet fis-Seminarju tal-Arċisqof, Tal-Virtù. Dan il-jum jibda fid-9:00 a.m. b’Quddiesa mill-Arċisqof Charles J. Scicluna, u jinkludi attivitajiet sportivi għall‑familja, animazzjoni għat‑tfal, u mużika fost affarjiet oħra. Bil-għajnuna ta’ workshops, spazji ta’ talb, servizz ta’ counselling u qrar, il-familji qed jiġu mistiedna jagħrfu aktar is-sejħa tal-familja bħala benniena ta’ ħniena u bażi ta’ soċjetà b’saħħitha…

Kompli aqra »

• F’ Jum l-Indipendenza, l-Arċisqof Charles J. Scicluna rrefera għal erba’ valuri – l‑unità, it‑tjubija, il‑verità u s‑sbuħija – bħala kriterju għal governanza tajba. L-Arċisqof semma kif Gvern għandu jfittex l‑unità nazzjonali. B’kuntrast, il-governanza li tifred hija tradiment u velenu għall-ġid komuni tas-soċjetà. Kull Gvern għandu jħares ukoll il-valur tat-tjubija, fejn il-ġid komuni ma jiġix issagrifikat għall-egoiżmu tal-ftit. It-tielet valur hija l-verità…

Kompli aqra »

• On the occasion of the feast of St Julian, Archbishop Charles J. Scicluna mentioned some important points that affect people in a direct way. 

  Speaking about the environment, the Archbishop questioned how we are caring of our seas, our countryside and the urban patrimony of our nation that is being destroyed for financial greed. He appealed to the authorities to decide upon the issues that affect the Maltese citizens today, rather than looking back nostalgically at the past…

Kompli aqra »

• Fl-Ittra Pastorali fis-Solennità ta’ Sidtna Marija Mtellgħa s-Sema, l-Isqfijiet Maltin tkellmu dwar il-protezzjoni tal-ħajja f’kull stadju u t-titjib fil-kwalità tagħha f’kull aspett. L-Isqfijiet tefgħu dawl fuq kemm in-Nisrani għandu jinforma ruħu, u b’serjetà jiddeċiedi dwar prodotti mediċinali li jistgħu jiddeterminaw il-ħajja fil-bidu tat-tnissil. Dwar l-ewtanasja, l-Isqfijiet saħqu li n-Nisrani għandu jemmen li l-“valur tal-ħajja umana ma jiddependix minn kemm il-persuna hija b’saħħitha jew sodisfatta bil-ħajja tagħha”…

Kompli aqra »

• Il-Papa Franġisku qed jiltaqa’ ma żewg miljun żagħżugħ u żagħżugħa fil-Polonja għall-Jum Dinji taż-Żgħażagħ. Minn Malta qed jattendu ‘il fuq minn 650 żagħżugħ u żagħżugħa ġejjin minn 23 għaqda reliġjuża differenti u minn diversi parroċċi – mument tassew importanti fil-ħajja tal-membri żgħażagħ tal-Knisja f’Malta.

  L-Arċisqof Charles J. Scicluna ħeġġeġ liż-żgħażagħ biex iħallu lil Ġesù jkellimhom permezz ta’ din l-esperjenza straordinarja, li qal tista’ tħalli l-frott fil-qalb ta’ kull persuna u fejn wieħed jista’ jkollu wkoll esperjenza sabiħa ta’ rikonċiljazzjoni…

Kompli aqra »

• “L-Isqof fuq kollox huwa l-ħabib tal-poplu tiegħu. Il-ħabib huwa dak li tista’ tafdah, li jaċċettak kif inti, imma huwa wkoll dak li bl-imħabba tiegħu lejk jgħidlek ukoll dak li hemm bżonn tisma’”. Kliem l-Arċisqof ta’ Malta, Mons. Charles J. Scicluna, matul il-preżentazzjoni tal-ktieb ‘Kelma ta’ Ħabib’, l-ewwel ktieb bil‑messaġġi u l‑omeliji ta’ Mons. Scicluna. It-temi li jitratta Monsinjur Arċisqof huma ta’ relevenza kbira għas-soċjetà tal-lum…

Kompli aqra »

• It-temp inbidel, u l-aħbarijiet dwar it-traġedji umani fil-Mediterran qed nisimgħuhom kontinwament. Kull ġimgħa nisimgħu kemm nies jitilfu ħajjithom fl-ibħra ta’ madwarna. Il-Papa Franġisku tkellem fuq kif għandna nagħtu każ ta’ din il-problema, u mhux nibqgħu indifferenti lejn eluf ta’ nies li jaħarbu minn pajjiżhom minħabba sitwazzjonijiet imwiegħra. L-Arċisqof Charles J. Scicluna rrifletta fuq kemm il-Maltin jeħtieġ li jkunu “protagonisti f’kultura ta’ mogħdrija u solidarjetà” lejn dawn ħutna…

Kompli aqra »

• Il-komunikazzjoni għandha l-qawwa li tibni l-pontijiet, li tiffavorixxi l-laqgħa u l-inklużjoni, u hekk tagħni lis-soċjetà kollha. Kemm hi ħaġa sabiħa meta persuni jagħżlu b’attenzjoni kbira l-kliem u l-ġesti tagħhom, bi sforz biex jegħlbu n-nuqqas ta’ ftehim, ifejqu l-memorja miġruħa u jibnu paċi u armonija. Il-kliem jista’ jsawwar pontijiet bejn il-persuni, il-familji, il-gruppi soċjali, il-popli. Dan hu possibbli kemm fl-ambjent fiżiku u kemm f’dak diġitali…

Kompli aqra »

• Il-qofol tat-twemmin ta’ kull Nisrani huwa f’Ġesù li rebaħ id-dnub u l-mewt bil-Qawmien Glorjuz tiegħU. Meta Ġesù reġa’ deher lill-appostli u d-dixxipli wara l-qawmien tiegħu mill-imwiet, qallhom, “Il-paċi magħkom”, u qallhom biex ma jibżgħux u jmorru jxerrdu l-aħbar. Bit-twemmin imġedded fil-Qawmien mill-imwiet ta’ Kristu, nneħħu kull biża’ li jkollna minħabba f’dak li nemmnu, u bil-ferħ inxerrdu l-Aħbar it-Tajba ma’ ħutna l-Insara…

Kompli aqra »