Arkivji mensili: April 2011

IL-VATIKAN JIPPJANA APPOĠĠ PARROKJALI LILL-FAMILJI

08/04/2011

Rappreżentanti tal-Isqfijiet tal-Vatikan u l-Amerika Latina qalu li huma meħtieġa kumitati li jippromwovu u jiddefendu l-familji fuq livell ta’ djoċesijiet u ta’ parroċċi. Din kienet il-konklużjoni tal-laqgħa li saret bejn id-29 u l-31 ta’ Marzu dwar il-kura pastoral ital-familji. Il-laqgħa saret f’Bagota. Jieħdu sehem fil-laqgħa kienu l-President u s-Segretarju tal-Kunsill Pontifiċju għall-Familja, il-Kardinal Ennio Antonelli u l-Isqof Jean Laffitte rispettivament.

Stqarrija finali ta’ din il-laqgħa irrikonoxxiet “l-emerġenza reali” tal-familji minħabba “forzi li igerfxuhom u jneħħuhom mill-pjan oriġinali ta’ Alla… Kompli aqra »

COMECE: EĠITTU – “IT-TIĠDID FIL-PAJJIŻ F’RISKJU”

07/04/2011

Skont il-Kardinal Antonios Naguib, Patrijarka Kattoliku Kopt ta’ Alessandria, “il-korruzzjoni, il-faqar, il-kriżi soċjali u l-atmosfera politika soffokanti, kienu l-kawżi ewlenin tad-dimostrazzjonijiet fil-25 ta’ Jannar li għadda fl-Eġittu. Kienu dawk id-dimostrazzjonijiet li qajmu ‘moviment ta’ tiġdid’ fost iż-żgħażagħ fi Pjazza Tahrir”.

Meta kien qed jindirizza lill-Isqfijiet tal-COMECE, li qed jiltaqgħu f’Assemblea Pleanrja fi Brussell u ffukati fuq il-Knejjes tal-Maghreb u Lvant Nofsani, il-Kardinal wissa dwar ir-riskju li “l-Musulmani jistgħu jaħtfu dan il-qawmien ta’ tiġdid minn idejn iż-żgħażagħ Eġizzjani… Kompli aqra »

IRTIR MILL-KUMMISSJONI INTERDJOĊESANA AMBJENT

07/04/2011

Il-Kummissjoni Interdjoċesana Ambjent qed torgannizza irtir għal dawk kollha li huma interessati jqattgħu ftit ħin ta’ riflessjoni fuq ir-responsabbiltajiet tan-Nisrani lejn l-ambjent.

Dan l-irtir ser issir fil-Laboratorju tal-Paċi, Ħal Far. Jibda fid-9.00 a.m. u jispiċċa fl-4.00 p.m. Dawk kollha li huma interessati jattendu għandhom jikkuntattjaw lil Mariella Axisa fuq 99454411 jew inkella jibgħatu email fuq [email protected] Kompli aqra »

…

SAĊERDOT NIEQES MIS-SMIGĦ U MID-DAWL F’MALTA – Fr CYRIL AXELROD

06/04/2011

Fr Cyril Axelrod, persunaġ magħruf internazzjonalment fil-qasam tal-persuni nieqsa mis-smigħ u mid-dawl se jżur Malta bejn is-7 u s-16 ta’ April, 2011, bħala l-mistieden tat-Tim Pastorali għall-Persuni Neqsin mis-Smigħ (Deaf Ministry Team) fi ħdan il-Kummissjoni Djoċesana għall-Persuni b’Diżabilita.  Fr Cyril kien l-ewwel persuna kattolika fid-dinja li twieled b’nuqqas ta’ smigħ u sar saċerdot u li wara tilef id-dawl ukoll… Kompli aqra »

‘IL-ĦTIEĠA TA’ EVANĠELIZZAZZJONI ĠDIDA BIEX TIĠĠIELED IS-SEKULARIŻMU’

06/04/2011

Cardinal Wuerl

Il-Kardinal f’Washington Donald W. Wuerl jgħid li minħabba li l-materjaliżmu, is-sekulariżmu u l-individwaliżmu qed isawru l-kultura tas-soċjeta tal-lum, il-kattoliċi jeħtieġu jipparteċipaw b’mod attiv fl-isforzi tal-Knisja għal evanġelizzazzjoni ġdida biex jasal il-messaġġ tal-Vanġelu.

F’indirizz fl-Universita Kattolika tal-Amerika, il-Kardinal qal li “dan hu żmien li matulu wieħed jeħtieġ jisma u jifhem x’bażi u x’pedament se jagħżel biex fuqu jieħu d-deċiżjonijiet tiegħu”. L-influwenzi sottili tal-materjaliżmu, tas-sekulariżmu u tal-individwaliżmu, fisser li “meħtieġ jitwarrbu qabel ma wieħed jiżra ż-żerriegħa tal-fidi”… Kompli aqra »

DIRETTORJU ĠDID TAL-KNISJA F’MALTA

05/04/2011

Ġie ppublikat id-direttorju tal-Knisja għas-sena 2011 b’aktar minn 550 paġna ta’ tagħrif aġġornat, bil-Malti u bl-Ingliż, dwar l-istrutturi, l-oqsma u l-entitajiet kollha tal-Arċidjoċesi ta’ Malta.

Id-direttorju Ekkleżjastiku jinkludi tagħrif dettaljat dwar il-Kurja ta’ Malta, is-Segretarjat u l-Kummisjonijiet tal-Knisja, il-parroċċi, l-Ordnijiet Reliġjużi, istituzzjonijiet, għaqdiet u movimenti, Djar ta’ l-Anzjani u Skejjel tal-Knisja.

It-taqsima dwar il-parroċċi fiha tagħrif dwar l-għadd ta’ parruċċani u ta’ familji; Quddies matul il-ġimgħa, fil-Ħdud u l-Festi; purċissjonijiet; lista ta’ l-għaqdiet u movimenti reliġjużi rappreżentanti fil-parroċċa; in-numru ta’ Magħmudijiet, l-Ewwel Tqarbina, Griżma ta’ l-Isqof, Żwiġijiet u Funerali tas-sena ta’ qabel f’kull parroċċa; u l-knejjes u kappelli fejn jistgħu jiġu ċċelebrati ż-żwiġijiet… Kompli aqra »

L-ARĊISQOF IŻUR IĊ-ĊENTRU KATEKETIKU TA’ BIRKIRKARA

05/04/2011

Nhar it-Tnejn 4 ta’ April, 2011, l-Arċisqof Pawlu Cremona O.P. żar iċ-Ċentru tad-Duttrina f’Birkirkara (S. Marija), bħala parti miż-żjara pastorali tiegħu f’din il-parroċċa. Aktar tard, iltaqa’ mal-Kummissjoni Kateketika tal-istess parroċċa.L-Arċisqof umbagħad iltaqa’ mal-membri tal-Kunsill Pastorali Parrokkjali, Kummissjoni għall-Implimentazzjoni tas-Sinodu u l-Kunsill Ekonomiku Parrokkjali.

AGĦFAS HAWN għal aktar informazzjoni dwar iż-Żjara Pastorali tal-Arċisqof fil-parroċċa tiegħek.

Agħfas fuq ir-ritratt biex tkabbar… Kompli aqra »

L-EWWEL ANNIVERSARJU MIŻ-ŻJARA F’MALTA TAL-PAPA BENEDITTU XVI

05/04/2011

Fl-okkażjoni tal-ewwel sena anniversarju miż-Żjara Pastorali f’Malta tal-Qdusija Tiegħu l-Papa Benedittu XVI, ser tiġi organizzata Ċelebrazzjoni Ewkaristika fil-KonKatidral ta’ San Ġwann, nhar il-Ħadd 10 ta’ April, 2011, fis-6.00 pm. Din il-Quddiesa ta’ Ringrazzjament ser tiġi ċċelebrata mill-Arċisqof Pawlu Cremona OP, l-Isqfijiet Maltin u n-Nunzju Appostoliku Tommaso Caputo.

Iż-żjara tal-Papa Benedittu XVI f’Malta saret bejn is-17 u t-18 ta’ April, 2010, fl-okkażjoni tal-1950 anniversarju min-nawfraġju tal-Appostlu San Pawl… Kompli aqra »