Yearly Archives: 2011

SUPRETENDENT JAPPELLA LILL-VITTMI TAL-UŻURA JITOLBU L-GĦAJNUNA

15/10/2011

Is-Supretendent Paul Vassallo, Kap tat-Taqsima tar-Reati Ekonomiċi fi ħdan il-Kwartieri tal-Pulizija, appella lill-vittmi tal-użura biex jagħmlu kuraġġ u jitolbu l-għajnuna tal-pulizija. Is-Supretendent Vassallo saħaq ma’ IL-ĠENSillum online li l-vittmi m’għandhomx joqogħdu għat-theddid u għandhom jitolbu l-protezzjoni tal-pulizija.

Minkejja li skond il-Fondazzjoni Vittmi Użura tal-CARITAS l-użura hi problema mifruxa ħafna fis-soċjetà, ċifri mogħtija lil IL-ĠENSillum online mill-Comunity & Media Relations Unit – CMRU tal-Puliżija, juru li l-għadd ta’ każi ta’ użura li jkunu rrapportati lill-pulizija huma insinjifikanti… Kompli aqra »

Il-Vanġelu tal-Jum – 15 ta’ Ottubru

15/10/2011

Luqa 12, 9-12

Min jiċħad lili quddiem il-bnedmin, jien niċħad lilu quddiem l-anġli ta’ Alla. U kull min jgħid xi ħaġa kontra Bin il-bniedem tinħafirlu; iżda min jieqaf lill-Ispirtu s-Santu ma jinħafirlux. Meta jeħdukom quddiem is-sinagogi u l-kapijiet u s-setgħat, toqogħdux tħabblu raskom kif sejrin twieġbu jew x’sejrin tgħidu, għax l-Ispirtu s-Santu jgħallimkom dak il-ħin stess x’għandkom tgħidu.”

Il-Qaddisa tal-jum: Santa Tereza ta’ Avila

Kompli aqra »

…

DIVORCE LEGISLATION – THE AFTERMATH

14/10/2011

Proġett Impenn, li hi t-task force tal-Kummissjoni Djoċesana Familja għal ħidma favur żwieġ b’saħħtu, nhar il-Ġimgħa, 21 ta’ Ottubru li ġej, fis-6.30 p.m., fil-lukanda Phoenicia, Floriana, sa torganizza konferenza nazzjonali, bit-tema: Divorce Legislation – The Aftermath. Ikun henn ħin għal mistoqsijiet/interventi qosra. Jagħlaq Mons. Arċisqof. Dil-Konferenza qed issir biex tfakkar l-Anniversarju taċ-Charter tad-Drittijiet tal-Familja.

David Quinn hu ġurnalist Irlandiż, u kummentatur fuq il-media dwar affarijiet reliġjużi u soċjali… Kompli aqra »

L-ISKOLA PRIMARJA TAS-SEMINARJU TAL-ARĊISQOF TILQA’ L-EWWEL STUDENTI

14/10/2011

IL-KNISJA TKOMPLI TINVESTI FL-EDUKAZZJONI TAT-TFAL

Fil-bidu ta’ din is-sena akkademika, is-Seminarju tal-Arċisqof f’Tal-Virtu’ inawgura l-estensjoni ġdida li qed tilqa’ fiha l-iskola primarja. Dan skont kif tħabbar f’Jannar tas-sena l-oħra, bħala parti mill-proċess ta’ riforma li wassal biex jissaħħah il-prinċipju ta’ kontinwita’ fit-tranżizzjoni mill-primarja ghas-sekondarja u li wassal lill-iskejjel tal-Knisja biex jieħdu diversi inizjattivi.

L-iskola primarja tas-Seminarju nbniet fi żmien tnax-il xahar u hija meqjusa bħala Green School minħabba l-aċċenn partikolari għall-aspetti ambjentali fid-disinn u l-infrastruttura tagħha… Kompli aqra »

Il-Vanġelu tal-Jum – 14 ta’ Ottubru

14/10/2011

Luke 12, 1-7

Sadattant in-nies bdiet tinġabar bl-eluf, kulħadd jgħaffeġ fuq xulxin. U hu qabad jgħid l-ewwelnett lid-dixxipli tiegħu: “Ilqgħu rwieħkom mill-ħmira tal-Fariżej, jiġifieri mill-wiċċ b’ieħor tagħhom. Xejn ma hu mgħotti li ma jinkixifx, u xejn ma hu moħbi li ma jsirx magħruf. Għalhekk, kull ma tkunu għedtu fid-dlam għad jinstama’ fid-dawl, u kull ma tkunu tkellimtu fil-widnejn, fil-kmamar ta’ ġewwa, għad jixxandar minn fuq il-bjut… Kompli aqra »

ID-DJARJU TAD-DAR TAL-PROVIDENZA BI TPINĠIJA TA’ STUDENT TA’ DE LA SALLE

13/10/2011

Din is-sena d-djarju tad-Dar tal-Providenza se jkollu bħala qoxra t-tpinġija ‘Ilkoll differenti. Ilkoll Indaqs’ ta’ Keown Gatt, student tal-Kulleġġ De La Salle. Keown kien għamel din it-tpingija flimkien ma’ mijiet ta’ studenti oħra għall-wirja li d-Dar tal-Providenza tellgħet is-sena l-oħra fl-okkażjoni tal-100 sena mit-twelid tal-fundatur tagħha, Dun Mikiel Azzopardi.

Id-Dar tal-Providenza ilha tippubblika dan id-Djarju żgħir sa mill-1977, biex trodd ħajr lill-pubbliku Malti għall-appoġġ u l-għajnuna li jagħti lid-Dar… Kompli aqra »

ORDINAZZJONI TA’ TMIEN DJAKNI

13/10/2011

Nhar il-Ġimgħa 14 ta’ Ottubru 2011, fis-sitta u nofs ta’ filgħaxija, l-Arċisqof Pawlu Cremona OP ser imexxi konċelebrazzjoni solenni fil-Knisja Arċipretali ta’ Santa Katarina, iż-Żejtun, li fiha se jiġu ordnati Djakni  tmien żgħażagħ. Dawn  is-seminaristi huma Dillon Bugeja miż-Żurrieq, Robin Camilleri minn Ħal Luqa, Roderick Camilleri minn Ħaż-Żabbar, Mario Dimech mis-Siġġiewi, Anthony Paul Fitzpatrick minn Gwardamangia, George Schembri minn Ħal Qormi (S. Ġorġ), Michael Zammit minn B’Kara (S… Kompli aqra »

Il-Vanġelu tal-Jum – 13 ta’ Ottubru

13/10/2011

Luqa 11, 47-54

Ħażin għalikom! Intom tibnu l-oqbra tal-profeti li qatlu missirijietkom, u b’hekk tagħtu xhieda ta’ kull ma għamlu missirijietkom u turu li taqblu magħhom, għax huma qatluhom u intom tibnulhom l-oqbra. Kien għalhekk li l-Għerf ta’ Alla qal, ‘Jien nibagħtilhom profeti u appostli, u huma joqtlu u jippersegwitaw lil xi wħud minnhom.’ U hekk dan in-nisel ikollu jagħti kont ta’ demm il-profeti kollha li nxtered sa mill-ħolqien tad-dinja, ibda mid-demm ta’ Abel sad-demm ta’ Żakkarija, li qerduh bejn l-altar u s-santwarju… Kompli aqra »

L-ISTORJA UMANA HI L-ISTORJA TAS-SALVAZZJONI

12/10/2011

Pope in audience

Tul l-udjenza ġenerali ta’ kull nhar t’Erbgħa, dil-ġimgħa l-Papa Benedittu XVI iddedika l-katekei tiegħu għal Salm 126 li qal li “jiċċelebra l-ħwejjeġ kbar li Alla għamel mal-poplu tiegħu, u li jkompli jagħmel ma’ kulħadd”.

Jagħmel referenza għall-istorja tal-poplu ta’ Israel wara l-eilju tal-Lhud fil-Babilonja u jgħid li “l-intervent divin jieħu forom differenti li mhux neċessarjament ikunu dawk mistennija jew maħsuba mill-bniedem… Kompli aqra »

IL-ĦIDMA SOĊJALI TAL-KNISJA F’MALTA MAL-ANZJANI

12/10/2011

Wieħed mill-oqsma soċjali li fiħ il-Knisja toffri servizz u li għalih jinħareġ sussidju sostanzjali huwa dak tal-anzjani, b’responsabbiltà diretta ta’ ħames djar li fihom jgħixu madwar 303 residenti. Minbarra dawn id-djar, hemm 9 djar oħra li jitmexxew mill-ordnijiet reliġjużi u li fihom jgħixu madwar 359 residenti.

Dar Sant’ Anna hija waħda mid-djar tal-anzjani li taqa’ taħt ir-responsabbilta’ diretta tal-Arċidjoċesi… Kompli aqra »