Yearly Archives: 2011

Il-Vanġelu tal-Jum – 30 ta’ Lulju

30/07/2011

Mattew 14, 1-12

Kien dik il-ħabta li Erodi t-tetrarka sama’ bil-fama ta’ Ġesù, u lill-qaddejja tiegħu qalilhom: “Dan Ġwanni l-Battista! Iva, hu, qam mill-imwiet! U minħabba f’hekk il-qawwa tal-mirakli qiegħda taħdem fih!” Għax Erodi kien arresta lil Ġwanni, u qaflu l-ħabs u ħallieh hemm minħabba Erodja, mart ħuh Filippu. Għax Ġwanni kien jgħidlu: “Inti lil dik ma tistax iżżommha.” Ried kieku joqtlu, imma kien jibża’ min-nies, għax kienu jżommuh  bi profeta… Kompli aqra »

ŻJARA MILL-EMIGRANTI LILL-PRESIDENT TA’ MALTA

29/07/2011

Il-Kummissjoni Emigranti tal-Knisja f’Malta qed torganizza żjara lill-E.T. Dr George Abela, President ta’ Malta, mill-emigranti li ser ikunu Malta matul il-ġranet tas-sajf. Din iż-żjara ser issir nhar it-3 ta’ Awwissu, 2011. Kull min hu nteressat għandu jmur Dar l-Emigrant (maġenb il-ġonna tal-Barakka ta’ Fuq, il-Belt Valletta) fid-9 ta’ filgħodu fejn l-emigranti ser ikollhom iċ-ċans li jsegwu id-dokumentarju multiviżiv, Sacred Island.

Il-programm ikompli bi żjara fil-Kon-Kattidral ta’ San Ġwann… Kompli aqra »

IL-PAPA JAPPELLA GĦAL QAWMIEN SPIRITWALI PERMEZZ TAL-EDUKAZZJONI

29/07/2011

Pope in Castel-Gandolfo

Il-Papa Benedittu XVI qal li l-Assoċjazzjoni Tereżjana hija “idea tajba” u qal li jitlob il-barka tal-Madonna fuq l-isforzi li jsiru “għal qawmien tar-ruħ nisranija u umana fid-dinja tal-edukazzjoni”. Dan kien il-messaġġ li l-Kap tal-Knisja Kattolika wassal lill-Assoċjazzjoni Tereżjana, permezz tas-Segretarju tal-Istat, il-Kardinal Tarcisio Bertone fl-okkażjoni tal-100 sena anniversarju mit-twaqqif tagħha. L-Assoċjazzjoni twaqqfet fi Spanja minn San Pedro Poveda fl-1911. Il-grupp tal-lajċi llum jaħdem fi tletin pajjiż… Kompli aqra »

Il-Vanġelu tal-Jum – 29 ta’ Lulju

29/07/2011

Luqa 10,38-42

Huma u sejrin, daħal f’raħal, u laqgħetu għandha waħda mara jisimha Marta. Din kellha oħtha, jisimha Marija, li niżlet bilqiegħda f’riġlejn il-Mulej tisimgħu x’kien qiegħed jgħid. Iżda Marta kienet moħħha fuq il-ħafna xogħol tad-dar. Mbagħad resqet u qaltlu: “Mulej, m’intix tara kif oħti ħalliet ix-xogħol kollu fuqi biss? Mela għidilha taqbad tagħmel xi ħaġa miegħi!” Qabeż il-Mulej u qalilha: “Marta Marta! … Kompli aqra »

Il-Vanġelu tal-Jum – 28 ta’ Lulju

28/07/2011

Mattew 13, 47-53

“Tixbah ukoll is-Saltna tas-Smewwiet lil xibka mitfugħa l-baħar li fiha jinġabar minn kollox. Meta timtela jtellgħuha x-xatt, u joqogħdu bilqiegħda, jiġbru fil-kannestri dak li jkun tajjeb u jarmu l-ħażin. Hekk jiġri fi tmiem id-dinja: l-anġli joħorġu jifirdu l-ħżiena mill-ġusti, u jixħtuhom fil-ħuġġieġa tan-nar; hemmhekk ikun hemm il-biki u t-tgħażżiż tas-snien… Kompli aqra »

L-ISTITUT TA’ FORMAZZJONI PASTORALI: 15-IL KORS GĦAS-SENA AKKADEMIKA L-ĠDIDA

27/07/2011

L-Istitut ta’ Formazzjoni Pastorali tal-Knisja f’Malta, għas-sitt sena konsekuttiva ser jorganizza diversi korsijiet bil-għan li tissaħħaħ l-identità tal-membri kollha tal-komunità kattolika. Dan jagħmlu billi joffri opportunitajiet ta’ formazzjoni permanenti u ta’ esperjenzi spiritwali; jippromwovi l-formazzjoni professjonali tal-operaturi pastorali għat-twettiq tal-ministeri u tal-ħidmiet tagħhom; kif ukoll jipprovdi esperjenzi ta’ djalogu mas-soċjetà Maltija.

Hu f’dan id-dawl li għas-sena akkademika li tibda f’Ottubru, l-Istitut ta’ Formazzjoni Pastorali ser jorganiżża, isostni u jikkolabora fi 15-il kors differenti, fosthom kors ġdid fit-teoloġija u l-ħidma pastorali mal-familja… Kompli aqra »

NEWS OF THE WORLD: MHUX KOLLOX HU ĠUSTIFIKAT

27/07/2011

Il-każ tal-ġurnal Ingliż News of the World fetaħ beraħ id-diskussjoni kollha dwar il-mod, jew il-modi, kif ġurnalist għandu jġib ruħu, u x’mezzi hu leċitu li juża biex ikollu storja, kif ngħidu aħna l-ġurnalisti fil-lingwaġġ tagħna.

Dan il-każ, jekk xejn, juri li dak li aħna l-ġurnalisti ġustament nitolbu mill-politiċi, nies f’pożizzjoni importanti fis-soċjetà u fil-Knisja, u minn dawk li jaħdmu fid-dinja tal-kummerċ, mhux dejjem jidher li napplikawh għalina… Kompli aqra »

Il-Vanġelu tal-Jum – 27 ta’ Lulju

27/07/2011

Mattew 13, 44-46

“Is-Saltna tas-Smewwiet tixbah lil teżor moħbi f’għalqa, li wieħed raġel isibu u jaħbih, u kollu ferħan imur ibigħ kull ma jkollu u jixtri dik l-għalqa.”  “Tixbah ukoll is-Saltna tas-Smewwiet lil wieħed neguzjant ifittex ġawhar fin; meta sab ġawhra tiswa ħafna, mar biegħ kull ma kellu u xtara lilha.”

Il-Qaddisa tal-jum: Sana Venera, Vergni u Martri Kompli aqra »

…

IL-PAPA SE JWASSAL ‘MESSAĠĠ STORIKU’ F’BENIN F’NOVEMBRU LI ĠEJ

26/07/2011

Pope Benedict XVI

F’Novembru li ġej il-Papa Benedittu XVI serikunqed iwassal ‘messaġġ storiku’ f’Benin, waqt it-tielet vjaġġ tiegħu fil-kontinent Afrikan.

Waqt li kien qed jindirizza konferenza tal-aħbarijiet f’Contonou, Monsinjur Eugene Houdekon, direttur tal-Kumitat organizzattiv taż-żjara tal-Papa, qal li waqt iż-żjara tiegħu bejn it-18 u l-20 ta’ Novembru, il-Papa se jippreżenta l-eżortazzjoni appostolika li ġġib flimkien il-konklużjonijiet tat-Tieni Assemblea Speċjali għall-Afrika, Assemblea tas-Sinodu tal-Isqfijiet li saret fl-2009… Kompli aqra »