Aħbarijiet mill-Knisja f'Malta
Meta wara xi ġranet daħal Kafarnahum, in-nies semgħet li kien id-dar. U nġabru bosta, hekk li ma kienx hemm fejn joqogħdu iżjed, anqas quddiem il-bieb. U qagħad ixandrilhom il-kelma. U marru ħadulu quddiemu wieħed mifluġ, merfugħ minn erbgħa min-nies. Billi ma setgħux jersqu sa ħdejh minħabba l-kotra, qalgħu s-saqaf ta’ fuqu, fetħu toqba, u niżżlu minnha l-friex li fuqu kien mimdud il-mifluġ… Kompli aqra »
Il-Kulleġġ tal-Kappillani f’dawn l-aħħar snin għamel diversi riflessjonijiet fuq temi attwali waqt il-Live-Ins annwali tiegħu u waqt il-laqgħat regolari tal-Kulleġġ. Dawn it-temi jolqtu direttament il-ministeru pastorali tal-kappillani u għalhekk ġew żviluppati linji-gwida li ġew diskussi waqt il-Live-in ta’ din is-sena. Il-preżentazzjoni ta’ dawn il-linji gwida saret minn Patri Joe Saliba O. Carm, Kappillan tal-parroċċa ta’ Fleur-de-Lys, u Dun Albert Buhagiar, Arċipriet tal-parroċċa tal-Mosta… Kompli aqra »
Nhar it-Tnejn 9 ta’ Jannar 2012, l-Arċisqof Pawlu Cremona O.P. żar il-qasam tal-MUSEUM tas-subien, Birkirkara bħala parti miż-żjara pastorali tiegħu f’din il-parroċċa.
AGĦFAS HAWN biex tara aktar ritratti taż-żjara pastorali tal-Arċisqof f’ Birkirkara.
Agħfas fuq ir-ritratt biex tkabbar… Kompli aqra »
Eucharist
“L-Ewkarsitija issostni lil min hu għajjien u dgħajjef, lil min hu eżawrit jew mitluf. Barra minn hekk tittrasforma id-dnub tal-bniedem u d-dgħufija f’ħajja”. Dan kien kliem il-Papa Benedittu XVI fl-aħħar udjenza ġenerali ta’ kull nhar t’Erbgħa. Huwa ffoka fuq Ġesu u l-Aħħar Ċena tiegħu mad-dixxipli, meta waqqaf is-Sagrament tal-Ewkaristija, “is-Sagrament tal-ġisem u d-demm, l-għotja tiegħu nnifsu li antiċipat l-istess għotja tiegħu nnifsu b’sagrifiċċju fuq is-salib, segwita mill-qawmien tiegħu mill-imwiet”, qal il-Papa… Kompli aqra »
Resaq fuqu wieħed lebbruż jitolbu bil-ħerqa, nxteħet għarkubbtejh quddiemu u qallu: “Jekk trid, tista’ tfejjaqni.” Mqanqal mill-ħniena, Ġesù medd idu fuqu, messu u qallu: “Irrid, kun imnaddaf.” U minnufih il-lebbra marritlu u ġismu ndaf. U widdbu bis-sħiħ, bagħtu malajr u qallu: “Qis li ma tgħid xejn lil ħadd; iżda mur uri ruħek lill-qassis, u agħmel offerta għall-fejqan tiegħek kif ordna Mosè, biex tkunilhom ta’ xhieda.” Iżda dak, meta telaq, beda jxandar ma’ kullimkien u jxerred l-aħbar, hekk li Ġesù f’ebda belt ma sata’ iżjed jidħol bid-dieher, imma kien jibqa’ barra fil-kampanja u kienu jmorru ħdejh nies minn kullimkien… Kompli aqra »
L-Erbgħa 11 ta’ Jannar 2012 – il-Konkors Kanzunetta JDŻ huwa uffiċjalment miftuħ. Bands lokali jistgħu jieħdu sehem billi jdaħħlu kompożizzjoni oriġinali dwar it-tema: “Ifirħu dejjem fil-Mulej” (Fil 4,4).
Il-Konkors Kanzunetta JDŻ jagħti l-opportunità lill-mużiċisti nsara biex jiltaqgħu b’mod ġdid mal-Kelma ta’ Alla. Kull sena, il-Papa jipproponi liż-żgħażagħ vers mill-iskrittura biex dawn jirreflettu fuqu, u mbagħad, jiċċelebrawh nhar Ħadd il-Palm – il-Jum Dinji taż-Żgħażagħ… Kompli aqra »
L-Uffiċċju għaċ-Ċelebrazzjonijiet Liturġiċi tal-Papa introduċa emendi għall-Konċistorji Pubbliċi Ordinarji għal ħatriet ta’ Kardinali ġodda. Ir-riti applikabbli s’issa kienu riveduti u simplifikati bl-approvazzjoni tal-Papa. Dawn jinkludu l-unifikazzjoni ta’ tliet fażijiet – l-impożizzjoni tal-beritta, l-għoti taċ-ċurkett u l-għoti tat-titlu jew id-djakonat. Kienu modifikati wkoll il-Kolletta u t-talb konklussiv u tqassret il-proklamazzjoni tal-Kelma t’Alla.
Nhar is-6 ta’ Jannar 2012, il-Papa Benedittu XVI ħabbar l-intenzjoni tiegħu li jaħtar 22 membru ġdid fi ħdan il-Kulleġġ tal-Kardinali… Kompli aqra »
Ħarġu mis-sinagoga u baqa’ sejjer ma’ Ġakbu u Ġwanni għand Xmun u Indrì. Issa omm il-mara ta’ Xmun kienet fis-sodda bid-deni, u malajr qalulu biha. Gesu Resaq lejha, qabadha minn idha u qajjimha. U d-deni ħallieha, u bdiet isservihom. Fil-għaxija, mbagħad, fi nżul ix-xemx, ħadulu quddiemu lil dawk kollha li kienu morda jew li kienu maħkuma mix-xitan… Kompli aqra »
Nhar is-Sibt 7 ta’ Jannar 2012, L-Arċisqof Pawlu Cremona O.P., iltaqa’ mal-Kummissjoni Kateketika ta’ Birkirkara bħala parti miż-Żjara Pastorali tiegħu f’din il-parroċċa. Aktar tard, l-Arċisqof iltaqa’ mal-Kummissjoni Djakonija tal-istess parroċċa
AGĦFAS HAWN biex tara aktar ritratti taż-żjara pastorali tal-Arċisqof fl-Imdina
Agħfas fuq ir-ritratt biex tkabbar… Kompli aqra »
Pope Benedict XVI baptises one of 16 newborns during a solemn mass in the Sistine Chapel at the Vatican January 8, 2012.
Bħal ma hi t-tradizzjoni fil-festa tal-magħmudija tal-Mulej, il-Papa Benedittu XVI għammed grupp ta’ trabi u fl-okkażjoni, eżortaha lill-ġenituri sabiex iduru lejn Alla bit-talb. Qalilhom li Alla jaf lil uliedhom iktar milli jafuhom huma. “Li tedukaw hi sfida li titlob impenn, pero hi missjoni kbira – jekk titwettaq f’kollaborazzjoni ma’ Alla, li hu l-ewwel u l-veru edukatur ta’ kull bniedem”, qal il-Papa fil-Kappella Sistina… Kompli aqra »
