Arkivji mensili: Diċembru 2012

Żewġ seminaristi jingħataw il-Ministeru tal-Akkolitat

02/12/2012

Nhar il-Ġimgħa 30 ta’ Novembru 2012, l-Arċisqof Pawl Cremona O.P. mexxa ċelebrazzjoni Ewkaristika li fiha żewġ seminaristi ingħataw il-Ministeru tal-Akkolitat. Iċ-ċelebrazzjoni saret fil-Knisja Parrokkjali ta’ San Pawl, ir-Rabat, fis-6 p.m.

Iz-żewġ seminaristi, li jinsabu fis-sitt sena tal-formazzjoni tagħhom fis-Seminarju tal-Arċisqof huma Luke Cutajar mill-Parroċċa ta’ San Pawl, ir-Rabat u Brian Gialanzè mill-Parroċċa ta’ San Pietru fil-Ktajjen, Birżebbuġa.

L-għoti tal-Ministeru tal-Akkolitat immarka pass ieħor importanti fil-mixja ta’ dawn iż-żgħażagħ lejn is-saċerdozju… Kompli aqra »

Irtir għall-ħaddiema tal-Kurja

02/12/2012

Nhar il-Ġimgħa 30 ta’ Novembru 2012, l-Arċisqof attenda rtir u jiċċelebra quddiesa għall-impjegati tal-Kurja, tal-Caritas u tat-Tribunal Ekkleżjastiku. Kien hemm preżenti wkoll l-Isqofs Awżiljarju Charles J. Scicluna u l-Isqof Ġużeppi Mercieca. L-Irtir sar fis-Seminarju tal-Arċisqof, Rabat, u r-riflessjonijiet mexxiehom Patri Sandro Overend OFM, Provinċjal tal-Patrijiet Franġiskani Minuri.

Agħfas fuq ir-ritratt biex tkabbar… Kompli aqra »

3-9 ta’ Diċembru

02/12/2012
It-Tnejn

9.15 a.m. L-Arċisqof jippresiedi laqgħa tal-uffiċjali prinċipali tal-Kurja, fir-residenza tiegħu, Ħ’Attard.

5.00 p.m. L-Arċisqof jiltaqa’ ma’ Rev. Fr Jeffery Williams u s-Sinjura Williams, tal-knisja Anglikana, li se jtemm il-ħatra tiegħu f’Malta. Il-laqgħa se ssir fir-residenza tal-Arċisqof Ħ’Attard.

7.30 p.m. L-Arċisqof jiċċelebra quddiesa b’suffraġju ta’ Dun René Cilia, organizzata mis-saċerdoti żgħażagħ, fis-Seminarju tal-Arċisqof, f’Tal-Virtù, ir-Rabat.

It-Tlieta

10.00 a.m… Kompli aqra »

Ittra Pastorali tal-Avvent 2012

01/12/2012

Verżjoni bil-Malti


Għeżież ħutna,

Waħda mill-kwalitajiet sbieħ li għandu l-bniedem hija l-kapaċità li jisma’.  M’humiex ftit dawk fostna li jixxenqu biex jisimgħu kelma bis-sens li jistgħu joqogħdu fuqha.  Fl-istess ħin, illum il-bniedem hu ttentat jagħlaq widnejh għax għejja jisma’ kliem li għandu ħoss ħelu imma vojt.  Il-kliem sar wisq irħis, tant li sar faċli nilagħbu bih.   … Kompli aqra »

Ittra Pastorali għat-Tfal – Avvent 2012

01/12/2012

Għeżież tfal,

Waħda mill-karatteristiċi li għandu l-bniedem u li għandna aħna hija l-kapaċità li nisimgħu.  Ħafna drabi ħafna nies ikollhom ix-xewqa li jisimgħu kelma li tagħmel sens u tgħinhom f’ħajjithom allavolja hemm xi wħud li qishom jagħlqu widnejhom biex jisimgħu l-kelma sabiħa ta’ Kristu.

Għalhekk sar importanti iktar minn qatt qabel li aħna naqsmu mal-oħrajn il-kliem ta’ Ġesù.  Din hija l-missjoni tagħna bħala tfal insara… Kompli aqra »