Il‑kor Cappella Musicale Pontificia Sistina, il‑kor personali tal‑Papa, ser jagħti kunċert ta’ mużika sagra bl-isem ‘Exsultate Deo’, nhar il‑Ġimgħa, 9 ta’ Ġunju, fis‑7:30 p.m., fil‑KonKatidral ta’ San Ġwann, il‑Belt Valletta. Din hija opportunità unika għal kull min jixtieq jattendi kunċert mill‑kor tal‑Papa, l-iktar kor antik fid-dinja, li huwa responsabbli mill‑akkumpanjament mużikali tac‑ċelebrazzjonijiet liturġiċi ppreseduti mill‑Papa Franġisku.

Ir‑repertorju tal‑kunċert f’Malta jikkonsisti f’siltiet mużikali ta’ kompozituri Ewropej tas-seklu 16, li huma magħrufa l‑iktar għall‑mużika sagra…

Kungress dwar il-ġlieda kontra l-abbuż u l-isfruttar sesswali tat-tfal onlajn, se jiġi organizzat mill-Università Pontifiċja Gregorjana, f’Ruma.

Bl-isem ta’ “Child Dignity in the Digital World”, il-kungress se jitmexxa mill-Professur Hans Zollner SJ, li jieħu ħsien iċ-Ċentru tal-Ħarsien tat-Tfal fi ħdan l-istess università, u se jkun qed jeżamina formi ġodda ta’ abbuż fuq it-tfal fid-dinja diġitali, ir-riskji u l-isfidi tagħhom kif ukoll l-impatt fuq id-dinjità tat-tfal…

Membru tal-Assemblea Leġiżlattiva Indjana qed iħeġġeġ lill-Knisja sabiex tiġbor somma flus u jinħeles Father Tom Uzhunnalil, is-saċerdot li ilu sena li nħataf mit-terroristi waqt li kien qed jgħin lill-foqra fil-Jemen.

Il-membru leġiżlattiv, P.C. George wera t-tħassib tiegħu dwar il-ħtif ta’ Fr Tom u qal li t-talb u l-kliem huma l-unika azzjoni li ttieħdet sa issa sabiex jinħeles, u dan meta t-terroristi jridu biss flus…