• Għada s-Sibt, 20 ta’ Mejju 2017, l-Arċisqof Charles J. Scicluna se jibda l-viżta pastorali fil-Parroċċa tan-Naxxar, fejn se jiltaqa’ mat-tfal u ż-żgħażagħ tal-parroċċa, ma’ dawk involuti fil-festa, mal-operaturi pastorali u mal-kumplament tal-komunità tan-Naxxar.

  Hawn taħt tista’ taqra l-messaġġ tal-Arċisqof Scicluna lill-parruċċani tan-Naxxar.

Kompli aqra »

…

• Membri tal-Azzjoni Kattolika Maltija (AKM), residenti u ħbieb tad-Dar tal-Providenza ħadu sehem f’ċelebrazzjoni ewkaristika fil-kappella tad-Dar biex jitfakkar it-30 anniversarju mill-mewt ta’ Mons. Mikiel Azzopardi, li waqqaf id-Dar fl-1965. Dun Mikiel, kif kien magħruf l-aktar, twieled fil-Belt Valletta fl-10 ta’ Frar 1910 u miet fit-13 ta’ Mejju 1987. Din l-inizjattiva tal-AKM bdiet 8 snin ilu u baqgħet issir kull sena…

Kompli aqra »

• Il-UNESCO qed tipprepara biex “Il-vjaġġ tal-Familja Mqaddsa”, li skont it-tradizzjoni hu l-vjaġġ li għamlu Marija, Ġużeppi u Ġesù fl-Eġittu sabiex jaħarbu mill-vjolenza ta’ Erodi, jitniżżel bħala “Wirt Dinji”. Hekk qal Adel Gindy, il-kap tar-relazzjonijiet internazzjoni tal-Awtorità Eġizzjana tat-Turiżmu.

  Jekk din issir, se tkun ta’ spinta għat-turiżmu fuq il-pajjiż, li tul l-aħħar snin sofra ħafna kawża tal-instabbiltà politika fir-reġjun u t-terroriżmu…

Kompli aqra »

• Ħadd ma jaf min qatel lis-Soru Catherine Ann Cesnik, li kellha biss 26 sena.

  Is-Soru Cathy, kif kienu jsejħulha sħabha, inqatlet meta ħarġet tagħmel qadja, fil-lejla tas-7 ta’ Novembru 1969, fil-belt ta’ Baltimore, fl-istat Amerikan ta’ Maryland.

  Il-katavru tagħha nstab xahrejn wara ġo miżbla tal-iskart. Minn dak iż-żmien sal-lum, l-awtoritajiet baqgħu qatt ma sabu min qatilha u qatt ma ssolva l-misteru l-għaliex inqatlet…

Kompli aqra »

• Biex jitfakkru l-150 sena mit-twaqqif tal-Parroċċa tal-Imsida, nhar id-19 ta’ kull xahar, il-parroċċa qed togranizza attività marbuta mal-qaddis patrun tagħha San Ġużepp.

  Filfatt, għada l-Ġimgħa, 19 ta’ Mejju 2017, se jsir pellegrinaġġ bl-inkwatru titulari ta’ San Ġużepp b’Ġesù maġenbu. Dan hu l-istess inkwatru li normalment jintrama wara l-artal maġġur fil-knisja.

  Il-pellegrinaġġ se jibda b’quddiesa fis-6pm, li se tkun iċċelebrata mill-provinċjal tal-Franġiskani Minuri Patri Richard Grech, bis-sehem tal-orkestra u l-kor tat-tfal Shalom…

Kompli aqra »

• Il-Papa Franġisku bagħat telegramma lill-President il-ġdid ta’ Franza, Emmanuel Macron, u awguralu li f’din il-kariga l-ġdida, jibqa’ jagħti appoġġ lit-tradizzjonijiet spiritwali u morali tal-pajjiż, inkluż fejn jidħol il-Kristjaneżmu.

  “Nitlob li l-Mulej jagħtik l-għajnuna kollha tiegħu sabiex il-pajjiż tiegħek, li hu mgħoni bi tradizzjonijiet morali u wirt spiritwali, immarkati wkoll bit-tradizzjoni Nisranija, jaħdem biex ikompli jibni soċjetà aktar ġusta u fraterna,” qal il-Papa Franġisku…

Kompli aqra »

• Delegazzjoni Maltija magħmula minn Fr Martin Micallef, Direttur tad-Dar tal-Providenza, is-Sur Natalino Psaila li huwa persuna nieqes mis-smigħ u is-Sinjura Rita Portelli interpretu tal-Lingwa tas-Sinjali Maltija ħadu sehem fit-tieni laqgħa Ewropeja għall-Kattoliċi Nieqsin mis-Smigħ li saret fil-Belt ta’ Praga fir-Repubblika Ċeka. 

  Din il-laqgħa, li ssir kull sentejn, tlaqqa’ flimkien rappreżentanti tal-Knisja Kattolika mill-pajjiżi tal-Ewropa li huma involuti fil-pastorali mal-persuni nieqsa mis-smigħ sabiex jaqsmu flimkien esperjenzi, proġetti u anke d-diffikultajiet li jiltaqgħu magħhom fil-pajjiżi rispettivi tagħhom…

Kompli aqra »