Aħbarijiet mill-Knisja f'Malta
Il-Knisja f’Malta għaddejja b’ħidma sabiex sa sitt xhur oħra Dar Ġesù Nazzarenu fiż-Żejtun tkun tista’ tibda tilqa’ vittmi ta’ vjolenza domestika. Dan ix-xelter, immexxi mill-Fondazzjoni Sebħ, mistenni jiswa madwar €500,000.
Dan ix-xelter fil-kunvent tas-sorijiet ser jilqa’ 33 persuna bejn ommijiet u tfal li għaddew minn esperjenza ta’ vjolenza domestika u li ħadu d-deċiżjoni kuraġġjuża li jimxu ’l quddiem…
Nhar il‑Ġimgħa, 9 ta’ Awwissu 2019, jasal Malta mill‑Perù l‑Isqof Giovanni Cefai, l‑ewwel isqof Malti tas‑Soċjetà Missjunarja ta’ San Pawl (MSSP). Din hi l‑ewwel żjara tiegħu f’Malta minn meta fit‑3 ta’ April li għadda l‑Papa Franġisku ħatru Isqof tal‑Prelatura Territorjali l‑ġdida ta’ Santiago Apóstol de Huancané, fil‑Perù.
Fil‑bidu taż‑żjara tiegħu f’Malta, is‑Sibt, 10 ta’ Awwissu fl‑10:00 a.m., l‑Isqof Cefai ser jiċċelebra Quddiesa quddiem l‑inkwatru tal‑Madonna ta’ Pompej li jinsab fil‑Knisja tal‑Ġiżwiti, il‑Belt Valletta…
L-Ewwel Qari: Dan 7: 9-10. 13-14
Salm: 96, 1-2.5-6.9
It-Tieni Qari: 2 Piet 1: 16-19
L-Evanġelju: Mk 9:1-9
Sitt jiem wara Ġesù ħa miegħu lil Pietru u lil Ġakbu u lil Ġwanni, tellagħhom weħidhom fuq muntanja għolja, u tbiddel quddiemhom. Lbiesu sar abjad u jgħammex b’dija ta’ l-għaġeb: ebda ħassiel fid-dinja ma jista’ jġib il-ħwejjeġ bojod daqshekk…
Il-Knisja Parrokkjali, Ħal Balzan
4 ta’ Awwissu 2019
Waħda mill-mistoqsijiet li kemm-il darba smajt matul din is-sena kemm ili isqof hi: “Mela għadek timxi?” Ġieli niltaqa’ ma’ xi ħadd jien u ġej lejn il-knisja ta’ Ħal Balzan, jew meta mmur nimxi aktar ’il bogħod, u jistaqsini: “Mela għadek timxi?”
Nifhem il-mistoqsija, imma r-risposta tiegħi hi: kemm ili isqof, iktar hemm bżonn nimxi, mhux inqas! …
L-Ewwel Qari: Num 11, 4b-15
Salm: 80 (81), 12-13.14-15.16-17
L-Evanġelju: Mt 14, 13-21
F’dak iż-żmien, meta sama’ l-aħbar tal-mewt ta’ Ġwanni l-Battista, Ġesù telaq minn hemm bid-dgħajsa u mar waħdu f’post imwarrab. Imma n-nies semgħu fejn mar, u telqu warajh bil-mixi mill-ibliet. Xħin niżel l-art mid-dgħajsa ra kotra kbira ta’ nies u tħassarhom, u fejqilhom il-morda tagħhom…
Il-Knisja Parrokkjali, San Ġwann
3 ta’ Awwissu 2019
Fil-ġrajja tat-tieġ ta’ Kana li għadna kif smajna, hemm frażi qasira imma b’tifsira kbira: “Omm Ġesù kienet hemm” (Ġw 2:1). Ir-rakkont donnu jrid jitfa’ l-enfasi fuq il-preżenza ta’ Marija. Int u taqra l-Evanġelju, qisek aktar tistenna li taqra: Ġesù kien hemm u kien hemm ommu wkoll…
To my Brother Priests.
Dear Brothers,
A hundred and sixty years have passed since the death of the holy Curé of Ars, whom Pope Pius XI proposed as the patron of parish priests throughout the world…
Bħal-lum sena, 4 ta’ Awwissu 2018, Mons. Joseph Galea-Curmi ġie kkonsagrat Isqof mill-Arċisqof ta’ Malta, Charles J. Scicluna, fil-Katidral ta’ San Pawl, l-Imdina.
L-Isqof Galea-Curmi għażel il-motto: Ngħożżu l‑ħajja bl‑imħabba.
“Il‑ħajja umana hi għażiża għax hija don ta’ Alla mogħtija lilna biex inħarsuha u nipproteġuha. Għalhekk ngħożżuha mill‑ewwel mument tat‑tnissil tagħha meta hi diġà ħajja umana, sat‑tmiem naturali tagħha…
L-Ewwel Qari: Qoħ 1, 2; 2, 21-23
Salm: 89 (90), 3-4.5-6. 12-13. 14 u 17
It-Tieni Qari: Kol 3, 1-5. 9-11
L-Evanġelju: Lq 12, 13-21
F’dak iż-żmien, xi ħadd mill-folla qal lil Ġesù: “Mgħallem, għid lil ħija jaqsam il-wirt miegħi”. Wieġbu Ġesù: “Ħabib, min qegħedni mħallef fuqkom, jew qabbadni nqassmilkom il-ġid bejnietkom?”. Imbagħad qal lin-nies: “Iftħu għajnejkom u ħarsu rwieħkom minn kull regħba, għax imqar jekk wieħed ikollu bir-radam, ħajtu ma tiddependix mill-ġid li jkollu”…
