Yearly Archives: 2020

Il-Papa waqt l-Udjenza: Mulej berikna minkejja dnubietna

02/12/2020

Għeżież ħuti, l-għodwa t-tajba!

Illum se nieqfu fuq dimensjoni essenzjali tat-talb: il-barka. Inkomplu bir-riflessjoni tagħna fuq it-talb. Fir-rakkonti tal-ħolqien (ara Ġen 1-2), Alla kontinwament ibierek il-ħajja, dejjem. Ibierek l-annimali (1:22), ibierek lir-raġel u l-mara (1:28), u fl-aħħar ibierek is-Sibt, jum tal-mistrieħ u tat-tgawdija għall-ħolqien kollu (2:3). Huwa Alla li jbierek. Fl-ewwel paġni tal-Bibbja din hi ripetizzjoni kontinwa ta’ barkiet… Kompli aqra »

Festa oħra ta’ Ġenerożità mad-Dar tal-Providenza fl-Ewwel ta’ Jannar

02/12/2020

Ingħataw id-dettalji tal-25 edizzjoni tal-Festa ta’ Ġenerożità li ssir fl-Ewwel ta’ Jannar ta’ kull sena organizzata mid-Dar tal-Providenza, li din is-sena qed tfakkar il-55 Anniversarju tat-twaqqif tagħha, biex jinġabru fondi ħalli d-Dar tas-Siġġiewi tkun tista’ tkompli bil-ħidma tagħha u ssaħħaħa. Id-dettalji ngħataw mis-Sinjura Nadine Camilleri Cassano, Amministratur tad-Dar, u s-Sur Jesmond Saliba, membru tal-Bord tad-Dar.

Din is-sena, il-Festa ta’ Ġenerożità se ssir b’mod differenti mis-soltu imma għandha importanza wisq aktar minn qatt qabel… Kompli aqra »

Uffiċċju ġdid għal Malta Guide Dogs Foundation grazzi għall-Arċidjoċesi ta’ Malta

L-Arċisqof jinawgura u jbierek l-uffiċċju l-ġdid

30/11/2020   L-uffiċċju tal-Malta Guide Dogs Foundation, Santa Venera

L-Arċisqof Charles Jude Scicluna inawgura uffiċċju ġdid tal-Malta Guide Dogs Foundation (MGDF) nhar it-Tnejn 30 ta’ Diċembru. L-uffiċċju ngħata mill-Arċidjoċesi ta’ Malta lill-fundazzjoni għal snin bla kera, wara li din tilfet l-uffiċċju li kellha qabel minħabba li għadda għand operatur privat. Min-naħa tagħha l-fondazzjoni rranġat il-post bil-għajnuna ta’ numru ta’ sponsors u l-post issa fih mejda fejn jista’ jiltaqa’ l-bord, żewġ skrivaniji, kċina żgħira u kamra tal-banju… Kompli aqra »

Quddiesa u Rużarju – 2 ta’ Diċembru, 9:30am

02/12/2020   Il-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 2 ta’ Diċembru

02/12/2020

Qari tal-jum

L-Ewwel Qari: Iż 25, 6-10a
Salm: 22 (23), 1-3a.3b-4.5.6

L-Evanġelju: Mt 15, 29-37

F’dak iż-żmien, Ġesù mar ħdejn il-baħar tal-Galilija; tala’ fuq l-għolja u qagħad bilqiegħda hemm. U bdew resqin lejh ġemgħat kbar ta’ nies, li kellhom magħhom zopop, għomja, persuni b’diżabbiltà, imbikkmin, u ħafna oħrajn; qegħduhomlu f’riġlejh, u hu fejjaqhom, hekk li n-nies kollha baqgħu mistagħġba meta raw l-imbikkmin jitkellmu, l-persuni b’diżabbiltà qawwijin u sħaħ, iz-zopop jimxu u l-għomja jaraw; u bdew jagħtu glorja lil Alla ta’ Iżrael… Kompli aqra »

Il-mistoqsijiet li għandna nistaqsu fil-bidu tal-Avvent – L‑Arċisqof

01/12/2020   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Biex nifhmu l-għażla tal-Evanġelju fiż-żmien tal-Avvent, dan l-istaġun li qegħdin fih, irridu nħarsu u nisimgħu b’attenzjoni l-ewwel qari. F’ħafna mill-jiem tal-Avvent, l-ewwel qari hu meħud mill-ktieb sabiħ ħafna tal-profeta Iżaija. Illum, pereżempju, fil-bidu smajna profezija sabiħa ta’ Iżaija li hija wkoll mument sabiħ ta’ poeżija straordinarja fil-Bibbja.

Illum smajna l-profezija tal-għerq ta’ Ġesse u wkoll id-doni tal-ispirtu: “Fuqu jistrieħ l-ispirtu tal-Mulej, l-ispirtu tal-għerf u d-dehen, l-ispirtu tal-għaqal u l-qawwa, l-ispirtu tal-għerf u l-biża’ tal-Mulej, u l-għaxqa tiegħu fil-biża’ tal-Mulej” (Iż 11:2-3)… Kompli aqra »

Ċelebrazzjonijiet liturġiċi mill-Arċisqof Charles Jude Scicluna f’Diċembru 2020

01/12/2020

Matul ix‑xahar ta’ Diċembru, l‑Arċisqof Charles Jude Scicluna ser ikompli jiċċelebra Quddies matul il‑ġimgħa kif ukoll nhar ta’ Ħadd. Dawn iċ‑ċelebrazzjonijiet liturġiċi qed jixxandru fuq TVM2, Knisja.mt u Newsbook.com.mt.

Il‑Quddies organizzat mill‑Arċidjoċesi ta’ Malta qed jixxandar:

  • Mit‑Tnejn sas‑Sibt fid‑9:30 a.m. mill‑Kappella tal‑Madonna ta’ Manresa, fil‑Kurja tal‑Arċisqof, il‑Furjana. Wara l‑Quddiesa tingħad it‑talba tar‑Rużarju. Dan il‑ħin ta’ talb jiġi mtenni fuq TVM2 fil‑5:30 p.m…

    • Kompli aqra »

Inwasslu lin-nies għand Ġesù – L-Isqof Galea-Curmi

Quddiesa fil-Festa ta’ Sant’Andrija

30/11/2020   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Sant’Andrija kien sajjied minn Betsajda fil-Galilija, flimkien ma’ ħuh Pietru. Fl-Evanġelju qrajna din is-silta meta Ġesù jsejħilhom biex minn sajjieda jagħmilhom “sajjieda tal-bnedmin”. Imma fl-Evanġelju ta’ San Ġwann (Ġw 1:35-42) għandna rakkont sabiħ ħafna meta jkun hu, Indrì, li jiltaqa’ ma’ Ġesù. Kien dixxiplu ta’ Ġwanni l-Battista, u meta dan uriehom lil Ġesù u qalilhom “Araw il-Ħaruf ta’ Alla”, hu mexa warajh, qagħad miegħu, għarfu bħala l-Messija… Kompli aqra »

Quddiesa u Rużarju – 1 ta’ Diċembru, 9:30am

01/12/2020   Il-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »