Arkivji mensili: April 2022

Jalla l-kelma li qsamt magħna tkun għalina ta’ kuraġġ fil-ħajja, dawl fit-triq u faraġ fit-tiġrib – L-Arċisqof

Il-Messaġġ u rigal tal-Arċisqof Charles Scicluna lill-Papa Franġisku

03/04/2022   Il-Fosos, il-Furjana

Il-messaġġ tal-Arċisqof Charles Jude Scicluna

Santità,

Grazzi ħafna talli għażilt li żżurna. Grazzi li għoġbok tiċċelebra magħna din l-Ewkaristija solenni.  Grazzi tal-imħabba tiegħek għalina. 

Il-kelma li qsamt magħna tkun għalina ta’ kuraġġ fil-ħajja, ta’ dawl fit-triq, ta’ faraġ fit-tiġrib.

Fl-ewwel seklu wara l-Qawmien ta’ Ġesù mill-Imwiet, dawn il-gżejjer kellhom ix-xorti kbira li bil-grazzja t’Alla jilqgħu d-dawl tal-Evanġelju bil-preżenza fostna tal-Appostlu Missierna San Pawl… Kompli aqra »

Il-Papa fuq il-Fosos: Isir jaf lil Mulej tabilħaqq min jagħmel esperjenza tal-maħfra tiegħu

L-omelija tal-Papa Franġisku fir-Raba' Ħadd tar-Randan

03/04/2022   Il-Fosos, il-Furjana

Omelija mill-Papa Franġisku

Ġesù “l-għada qabel is-sebħ reġa’ mar fit-tempju, u l-poplu kollu ġie ħdejh” (Ġw 8:2). Hekk jiftaħ l-episodju tal-mara adultera. L-isfond jidher seren: għodwa f’dak il-post qaddis, fil-qalba ta’ Ġerusalemm. Il-protagonista hu l-poplu ta’ Alla, li fil-bitħa tat-Tempju mar ifittex lil Ġesù, l-Imgħallem: xtaq jisimgħu, għax dak li jgħid hu kien idawwal u jsaħħan il-qalb. It-tagħlim tiegħu ma kellu xejn astratt fih, kien imiss il-ħajja u jeħlisha, jibdilha, iġeddidha… Kompli aqra »

L-Evanġelju tal-Ħadd: 3 ta’ April

03/04/2022

Il-Ħames Ħadd tar-Randan
Qari tal-jum

L-Ewwel Qari: Is 43:16-21
Salm: 125 (126):1-2ab,2ċd-3,4-5,6
It-Tieni Qari: Fil 3:8-14

L-Evanġelju: Ġw 8:1-11

F’dak iż-żmien, Ġesù telaq lejn l-Għolja taż-Żebbuġ. Imma l-għada qabel is-sebħ raġa’ mar fit-tempju, u l-poplu kollu ġie ħdejh, u hu qagħad bilqiegħda jgħallimhom. Imbagħad il-kittieba u l-fariżej ħadulu quddiemu waħda mara li kienet inqabdet fl-adulterju. Huma qegħduha fin-nofs u qalulu: “Mgħallem, din il-mara nqabdet fil-fatt fl-adulterju… Kompli aqra »

Il-Papa f’Għawdex: Intom teżor fil-Knisja u għall-Knisja

L-omelija tal-Papa Franġisku waqt il-laqgħa ta' talb f'Għawdex

02/04/2022   Is-Santwarju Nazzjonali tal-Madonna ta’ Pinu, Għawdex

Ħdejn is-salib ta’ Ġesù hemm wieqfa Marija u Ġwanni. L-Omm li tat id-dawl lill-Iben ta’ Alla hi mnikkta għall-mewt tiegħu waqt li d-dlamijiet qed jaħkmu fuq id-dinja; id-dixxiplu l-maħbub, li kien ħalla kollox biex jimxi warajh, issa jinsab wieqaf f’riġlejn l-Imgħallem mislub. Kollox jidher mitluf, kollox jidher spiċċa darba għal dejjem. U waqt li jitgħabba bil-ġrieħi tal-bnedmin kollha, Ġesù jitlob: “Alla tiegħi, Alla tiegħi, għaliex tlaqtni?” (Mt 27:46; Mk 15:34)… Kompli aqra »

Ir-rigali li ngħataw matul iż-żjara appostolika s-Sibt

02/04/2022

Ir-rigali mogħtija mill-Papa Franġisku lill-President ta’ Malta, Dr George Vella u lis-Santwarju tal-Madonna ta’ Pinu

Il-midalja mogħtija mill-Papa Franġisku lill-President ta’ Malta, Dr George Vella

Il-midalja turi l-istatwa ta’ San Pawl tal-Katidral tal-Mdina. F’riġlejh, hemm il-lifgħa li ħarġet min-nar u gidmitlu idu mingħajr ma kkaġunatlu ebda ħsara. Fuq ix-xellug tal-munita hemm il-koppla tal-Katidral ta’ Malta, li lil hinn minnha hemm veduta tal-gżira… Kompli aqra »

Tliet esperjenzi ta’ fidi mis-Santwarju Ta’ Pinu

Testimonjanzi minn Għawdex

02/04/2022   Is-Santwarju Nazzjonali tal-Madonna ta’ Pinu, Għawdex

Testimonjanza ta’ Sandi u Domenic Apap

Sandi: Santità, jiena Sandi u żewġi Domenic ilna miżżewġin 29 sena, wara tliet snin ta’ għerusija. Wara sena l-Mulej irregalalna tarbija, Nicole, li ftit tal-ġimgħat ilu għamlitna nanniet meta flimkien ma’ żewġha Christian tawna liċ-ċkejkna Thea.

Ta’ 23 sena, meta kien ilna biss 4 snin miżżewġin, jiena ġejt djanjostikata b’multiple sclerosis. Minn dakinhar ’il quddiem ħajjitna bdiet tinbidel, u aktar ma beda għaddej iż-żmien u s-sintomi ta’ din il-kundizzjoni bdew jiżdiedu, aktar ċertu ħolm taż-żgħożija beda jisfa fix-xejn… Kompli aqra »

L-Isqof Teuma lill-Papa: Għinna nitolbu biex il-ftehim u l-ferħ tal-kondiviżjoni jitqiesu aktar importanti mill-gwadann fil-familji tagħna

Merħba lill-Papa Franġisku mill-Isqof t'Għawdex

02/04/2022   Is-Santwarju Nazzjonali tal-Madonna ta’ Pinu, Għawdex

Diskors ta’ Merħba minn Mons. Anton Teuma, Isqof t’Għawdex

Santità,

Nagħtuk merħba fil-gżira tagħna, gżira żgħira imma b’qalb kbira. Nilqgħuk f’darna u f’dar Ommna, is-Santwarju tal-Madonna ta’ Pinu.

Madwarek illejla hawn miġbura rappreżentanza ta’ din il-Knisja lokali. Hi Knisja li għandha għeruq profondi fl-istorja. Hawn fostna tfal, adolexxenti u żgħażagħ. Hawn il-familji li ħafna minnhom huma impenjati fil-pastorali u membri ta’ gruppi u assoċjazzjonijiet ekkleżjali… Kompli aqra »