Yearly Archives: 2022

L-Evanġelju tal-Ħadd: 4 ta’ Settembru

04/09/2022

It-Tlieta u Għoxrin Ħadd taż-Żmien ta’ Matul is-Sena
Qari tal-jum

L-Ewwel Qari: Għerf 9:13-19
Salm: 89(90):3-4,5-6,12-13,14,17
It-Tieni Qari: Filemon 9b-10,12-17

L-Evanġelju: Lq 14:25-33

F’dak iż-żmien, kotra kbira ta’ nies kienet miexja ma’ Ġesù. Hu dar lejhom u qalilhom: “Min jiġi għandi ma jistax ikun dixxiplu tiegħi jekk ma jobgħodx lil missieru u ’l ommu u lil martu u lil uliedu, ’il ħutu subien u bniet, u saħansitra lilu nnifsu… Kompli aqra »

Min jitkabbar, jiċċekken – L‑Isqof Galea‑Curmi

Quddiesa fit-22 Ħadd taż-Żmien ta' Matul is-Sena

28/08/2022   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

“Huma qagħdu għajnejhom fih” (Lq 14:1). Hekk naqraw fl-istorja ta’ meta Ġesù kien mistieden għall-ikla għand wieħed mill-kapijiet tal-Fariżej – ikla ma’ wieħed mill-mexxejja reliġjużi ta’ dak iż-żmien –  f’jum is-Sibt. Imma filwaqt li dawk li kienu hemm qagħdu jinnotaw lilu, hu wkoll qagħad jinnota lilhom u nnota żewġ affarijiet partikulari.

X’innota Ġesù

L-ewwel nett innota kif il-mistednin kienu f’ġirja għall-ewwel post, il-postijiet ta’ quddiem… Kompli aqra »

Kollox għall-glorja ta’ Alla – L‑Isqof Galea‑Curmi

02/09/2022   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

Fil-ħajja ta’ Ġesù nsibu diversi mumenti meta l-Fariżej u l-kittieba jkunu f’polemika miegħu jew igergru fuq xi ħaġa. Fl-Evanġelju tal-lum, għandna każ minn dawn, fejn il-Fariżej u l-kittieba qegħdin igergru għaliex id-dixxipli ta’ Ġwanni u d-dixxipli tagħhom isumu u jitolbu, u dawk ta’ Ġesù jieklu u jixorbu (Lq 5:33). Qisu hemm xi ħaġa mhix f’postha, qed jgħidu huma.

X’hemm f’dan l-ilment li qed jagħmlu l-Fariżej u l-kittieba? … Kompli aqra »

L-Evanġelju tal-jum: 3 ta’ Settembru

03/09/2022

Qari tal-jum

L-Ewwel Qari: 1 Kor 4:6b-15
Salm: 144 (145):17-18,19-20,21

L-Evanġelju: Lq 6:1-5

Ġara li darba s-Sibt Ġesù kien għaddej minn għalqa miżrugħa, u d-dixxipli tiegħu bdew jaqtgħu s-sbul, ifarrkuh b’idejhom u jikluh. Xi wħud mill-Fariżej qalulhom: “Dan kif qegħdin tagħmlu dak li ma jiswiex nhar ta’ Sibt?”. 

Qabeż Ġesù u weġibhom: “Anqas dan ma qrajtu, x’għamel David meta ħadu l-ġuħ, huwa u dawk li kienu miegħu? … Kompli aqra »

Nibdlu n-negattiv fil-pożittiv – L‑Isqof Galea‑Curmi

Inawgurazzjoni tal-estensjoni tal-Oratorju Salesjan

29/08/2022   L-Oratorju tas-Salesjani, Ħad-Dingli

Il-messaġġ tal-Isqof Joseph Galea-Curmi

Din tal-lum hi okkażjoni verament sabiħa għall-Knisja f’Malta u għal Malta. Meta inti tara dawn l-adolexxenti u ż-żgħażagħ li huma impenjati b’mod sħiħ f’dan l-Oratorju, tinduna li hawn qed tinbena b’mod pożittiv ħafna s-soċjetà Maltija u l-Knisja.

L-ewwel nett nirringrazzja ħafna lil dawk kollha li ħadmu għall-estensjoni ta’ dan il-bini u stinkaw biex ikun hawn Oratorju daqshekk sabiħ… Kompli aqra »

Ir-ruħ li tixtieq tara ’l Ġesù qed titgħallem titkellem il-lingwaġġ tal-imħabba – L-Arċisqof

22/09/2022

L-omelija tal-Arċisqof Charles Jude Scicluna

Anke Erodi t-Tetrarka, titnissel fil-qalb tiegħu kurżità biex jara lil Ġesù (ara Lq 9:9). U għaliex? Għaliex kien sema’ dwar il-fejqan li kien qed jagħmel l-Imgħallem li kien qiegħed ukoll iwassal lill-poplu ta’ Alla f’isem il-Mulej.

Fl-Evanġelju ta’ San Luqa nsibu kemm-il darba riferiment għall-qawwa li kienet toħroġ minn Ġesù, għall-fatt li kien jitkellem bħal bniedem li għandu l-awtorità, għall-qawwa li kellu fuq ix-xjaten, fuq il-mard, fuq l-elementi tan-natura… Kompli aqra »

Quddiesa u Rużarju – 2 ta’ Settembru 2022, 9:30am

02/09/2022   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 2 ta’ Settembru

02/09/2022

Qari tal-jum

L-Ewwel Qari: 1 Kor 4:1-5
Salm: 36 (37):3-4,5-6,27-28,39-40

L-Evanġelju: Lq 5:33-39

F’dak iż-żmien, il-Fariżej u l-kittieba tagħhom qalu lil Ġesù: “Id-dixxipli ta’ Ġwanni sikwit isumu u joqogħdu jitolbu, u dawk tal-Fariżej ukoll, imma tiegħek jieklu u jixorbu!”. U Ġesù qalilhom: “Jaqaw tistgħu ġġagħlu lill-ħbieb tal-għarus isumu sakemm l-għarus ikun għadu magħhom? Imma għad jasal iż-żmien meta l-għarus jeħduhulhom minn magħhom, u mbagħad isumu dakinhar”… Kompli aqra »

Gorbachev u San Ġwanni Pawlu II: żewġ persuni ewlenin fil-kisba għall-paċi

01/09/2022

Pope St John Paul II and Mikhail Gorbachev at the Vatican on 1 December 1989

Nobel Peace Prize Laureate Mikhail Gorbachev, the last president of the Soviet Union before its dissolution in 1991, died in Moscow on Tuesday after a protracted illness at the age of 91.

A leading figure in ending the Cold War 

A member of the Communist Party of the Soviet Union since the early fifties, Gorbachev was its general secretary from 1985 to 1991 and Soviet president from 1990 to 1991… Kompli aqra »

L-Istaġun tal-Ħolqien: “Isma’ Leħen il-Ħolqien”

Stqarrija mill-Kummissjoni Ġustizzja u Paċi u l-Kummissjoni Ambjent

01/09/2022

“Isma’ leħen il‑ħolqien”. Din hi l‑istedina li l‑Papa Franġisku għamel fil‑messaġġ[1] li ħareġ għall‑okkażjoni tal‑Istaġun tal‑Ħolqien ta’ din is‑sena (mill‑1 ta’ Settembru sal‑4 ta’ Ottubru 2022). Il‑Papa jħeġġiġna nisimgħu bir‑reqqa l‑vuċi tal‑ħolqien: il‑vuċi tal‑pjaneta u l‑vuċi tal‑persuni li jgħixu fiha, ilħna li ilhom żmien imsikkta u mwarrba fil‑ġenb minħabba “interessi ekonomiċi predatorji” li jissarrfu fil‑qerda tal‑ambjent u f’miżerja għal ħafna nies, speċjalment tal‑foqra li dejjem huwa dawk li l‑iktar ibatu l‑konsegwenzi tal‑qerda ambjentali… Kompli aqra »