Lulju 2023 Archives

Arkivji mensili: Lulju 2023

€366,817 jinġabru waqt il-BOV Volleyball Marathon b’risq id-Dar tal-Providenza

04/07/2023

It‑tlieta u ħamsin siegħa tal‑Maratona tal‑Volleyball intlaħqu f’nofsillejl tal‑Ħadd imma mhux qabel ma nġabret is‑somma ta’ €366,817.

40 plejer, li ffurmaw ħames timijiet, baqgħu jilagħbu mingħajr waqfien mis‑sitta ta’ filgħaxija tal‑Ġimgħa meta l‑Ministru għall‑Inklużjoni, Volontarjat u Drittijiet tal‑Konsumatur, Julia Portelli saffret biex jingħata bidu għall‑Maratona.

Fr Martin Micallef, Direttur tad‑Dar tal‑Providenza, irringrazzja lill‑poplu Malti u Għawdxi, li għal darboħra wieġeb b’tant ġenerożità għas‑sejħa li saret biex jinġabru l‑fondi għad‑Dar, permezz tal‑Maratona tal‑Volleyball. Irringrazzja wkoll lill‑plejers, lill‑volontiera, lill‑membri tal‑kumitat organizzattiv, l‑isponsors kollha, l‑istazzjonijet ewlenin tat‑televixin li xandru din il‑maratona, kantanti u bands, lill‑pulizija u lil dawk kollha li b’xi mod jew ieħor għenu biex din il‑Maratona tkun ta’ suċċess.

Waqt l-istess attività, grupp ta’ atleti Sloveni, uħud minnhom persuni b’diżabilità, ħadu sehem fil‑logħob tas-sitting volleyball li saru għall‑ewwel darba fid‑Dar tas‑Siġġiewi… Kompli aqra »

Quddiesa u Rużarju – 4 ta’ Lulju 2023, 9:30am

04/07/2023 Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija.
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 4 ta’ Lulju

04/07/2023

Qari tal-jum

L-Ewwel Qari: Ġen 19:15-29
Salm: 25 (26):2-3,9-10,11-12

L-Evanġelju: Mt 8:23-27

F’dak iż-żmien, Ġesù tala’ fuq dgħajsa, u d-dixxipli marru warajh. U qamet taqliba kbira fuq il-baħar, hekk li l-mewġ beda jgħatti d-dgħajsa; iżda hu kien rieqed. Id-dixxipli resqu fuqu, qajmuh u qalulu: “Salvana, Mulej! Se nintilfu!”. U qalilhom: “Dan il-biża’ kollu għalfejn, ja nies ta’ fidi ċkejkna?”

Imbagħad qam, ordna lill-irjieħ u lill-baħar, u waqgħet kalma kbira… Kompli aqra »

Ma ħalliehx emarġinat – Bishop Galea-Curmi

30/06/2023 Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“Mur uri ruħek lill-qassis” (Mt 8:4). Ġesù jgħid dan il-kliem lil wieħed li kellu l-marda tal-lebbra u li nxteħet quddiemu biex ifejqu. Ġesù jmidd idu, ifejqu, dan jindaf mil-lebbra, u Ġesù jgħidlu: “mur, uri ruħek lill-qassis u agħmel l-offerta li ordnalkom Mose…” Imma jżid ħaġa oħra: “qis li ma tgħid lil ħadd” (Mt 8:4).

Ħa naraw ftit dal-kliem li qed jgħid Ġesù li dan li kien marid mill-marda tal-lebbra… Kompli aqra »

Quddiesa u Rużarju – 3 ta’ Lulju 2023, 9:30am

03/07/2023 Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

L-Evanġelju tal-jum: 3 ta’ Lulju

03/07/2023

San Tumas, Appostlu – Festa
Qari tal-jum

L-Ewwel Qari: Ef 2:19-22
Salm: 116:1,2

L-Evanġelju: Ġw 20:24-29

Wieħed mit-Tnax, Tumas, imlaqqam it-Tewmi, ma kienx magħhom meta ġie Ġesù. Għalhekk id-dixxipli l-oħra qalulu: “Rajna l-Mulej”. Iżda hu qalilhom: “Jekk ma narax f’idejh il-marka tal-imsiemer, jekk ma nqegħidx sebgħi fuq il-marka tal-imsiemer u idi fuq ġenbu, jiena ma nemminx”.

Tmint ijiem wara, id-dixxipli reġgħu kienu ġewwa u Tumas kien magħhom… Kompli aqra »

“Tinkwetawx, se nkomplu nieħdu ħsiebhom” – L-Arċisqof lill-ġenituri tar-residenti fid-Dar tal-Providenza

Quddiesa fit-Tlettax-il Ħadd ta’ matul is-sena

02/07/2023 Id-Dar tal-Providenza, is-Siġġiewi

L-omelija tal-Arċisqof Charles Jude Scicluna

Għadna kemm smajna serje ta’ kliem ta’ Ġesù, li mhux bilfors maqgħudin flimkien fi storja waħda. Imma bħalma jiġri f’ċerti paġni mill-Evanġelju ta’ San Mattew, jagħtina kliem li qal Ġesù li ftakrithom il-komunità u li ħassew kien hemm bżonn mhux biss jibqgħu jiftakruhom imma jibqgħu wkoll jgħadduhom minn ġenerazzjoni għall-oħra.

Huma kliem li ħafna drabi nsibuha diffiċli nifhmuhom… Kompli aqra »

Quddiesa tal-Ħadd – 2 ta’ Lulju 2023, 9:30am

02/07/2023 Il-Kappella tad-Dar tal-Providenza, is-Siġġiewi

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

L-Evanġelju tal-Ħadd: 2 ta’ Lulju

02/07/2023

It-Tlettax-il Ħadd taż-Żmien ta’ Matul is-Sena
Qari tal-jum

L-Ewwel Qari: 2 Slat 4:8-11,14-16a
Salm: 88 (89):2-3,16-17,18-19
It-Tieni Qari: Rum 6:3-4,8-11

L-Evanġelju: Mt 10:37-42

F’dak iż-żmien, Ġesù qal lill-appostli tiegħu: “Min iħobb lil missieru jew lil ommu iżjed minni ma jistħoqqlux li jkun miegħi; min iħobb lil ibnu jew lil bintu iżjed minni ma jistħoqqlux li jkun tiegħi. U min ma jerfax salibu u jimxi warajja ma jistħoqqlux li jkun miegħi… Kompli aqra »

L-Arċisqof iżur St Michael Hospice

Proprjetà tal-Knisja se tgħin pazjenti li għandhom bżonn kura paljattiva

30/06/2023

L‑Arċisqof Charles Scicluna dalgħodu żar il‑bini ta’ St Michael Hospice f’Santa Venera li wasal fl‑aħħar stadji ta’ tlestija tiegħu u mistenni jilqa’ l‑ewwel pazjenti lejn l‑aħħar tas‑sena. Il‑bini, li qabel kien magħruf bħala l‑Istitut Adelaide Cini u jkopri madwar 15‑elf metru kwadru ta’ art, ingħata mill‑Knisja lil Hospice Malta fl‑2018. Dan sabiex ikun l‑ewwel kumpless f’Malta li jipprovdi kura paljattiva ħolistika u jirrispetta d‑dritt tal‑ħajja u d‑dinjità tal‑bniedem… Kompli aqra »