Arkivji mensili: Mejju 2024

L-Arċisqof imexxi quddiesa u purċissjoni fil-festa ta’ Corpus Christi

29/05/2024

Ritratt: Arċidjoċesi ta’ Malta – Ian Noel Pace Aktar ritratti fuq knisja.mt/ritratti

Nhar il‑Ħadd li ġej il‑Knisja f’Malta tiċċelebra s‑Solennità tal‑Ġisem u d‑Demm Imqaddes ta’ Ġesù (Corpus Christi). L‑Arċisqof Charles Scicluna se jiċċelebra quddiesa fil‑Konkatidral ta’ San Ġwann fil‑Belt Valletta fid‑9:30am u kulħadd huwa mistieden jattendi. Iċ-ċelebrazzjoni se tixxandar fuq TVM, Knisja.mt, Newsbook Malta u RTK 103.

Fi tmiem il‑quddiesa, l‑Arċisqof se jmexxi purċissjoni tradizzjonali bl‑Ewkaristija mat‑toroq ewlenin tal‑Belt Valletta… Kompli aqra »

“Hemm post għal kulħadd fil-Knisja” – Il-Papa Franġisku

29/05/2024   Il-Vatikan

Ritratt: Vatican Media

“Il-Papa qatt ma kellu l-intenzjoni li joffendi jew jesprimi lilu nnifsu f’termini omofobiċi, u jitlob apoloġija lil dawk li ħassewhom imweġġgħin mill-użu ta’ terminu, kif irrapportat minn oħrajn.”

Id-Direttur tal-Uffiċċju Stampa tas-Santa Sede, Matteo Bruni, għamel din l-istqarrija nhar it-Tlieta bi tweġiba għall-mistoqsijiet minn ġurnalisti dwar l-użu ta’ terminu dwar l-ammissjoni ta’ persuni omosesswali fis-seminarju.

“Il-Papa Franġisku hu konxju mill-artikli riċenti dwar konverżazzjoni privata li kellu mal-isqfijiet tal-Konferenza Episkopali Taljana… Kompli aqra »

L-Evanġelju tal-jum: 29 ta’ Mejju

29/05/2024

Qari tal-jum

L-Ewwel Qari: 1 Piet 1:18-25
Salm: 147, 12-13.14-15.19-20

L-Evanġelju: Mk 10:32-45

F’dak iż-żmien, id-dixxipli kienu mexjin fit-triq, telgħin lejn Ġerusalemm, u Ġesù kien miexi quddiemhom; u huma kienu mgħaġġbin, u l-oħrajn li kienu mexjin warajhom kienu mbeżżgħin. Raġa’ sejjaħ it-Tnax ħdejh, u beda jgħidilhom x’kien se jgħaddi minn għalih: “Ara, issa aħna telgħin Ġerusalemm, u Bin il-bniedem se jingħata f’idejn il-qassisin il-kbar u l-kittieba, li jaqtgħuhielu għall-mewt u jerħuh f’idejn il-pagani; dawn imbagħad jiddieħku bih, jobżqulu fuqu, jagħtuh is-swat u joqtluh, u wara tlitt ijiem iqum mill-mewt.”

Ġakbu u Ġwanni, ulied Żebedew, resqu lejh u qalulu: “Mgħallem, dak li se nitolbuk irriduk tagħtihulna.” “Xi triduni nagħmlilkom?” staqsiehom… Kompli aqra »

Ir-Redentur tal-Isla se joħroġ fis-7 ta’ Ġunju

27/05/2024

Ritratt: Arċidjoċesi ta’ Malta – Ian Noel Pace

Din is-sena, il-festa ta’ Ġesù Redentur ġewwa l-Bażilika tal-Isla se ssir nhar is-7 ta’ Ġunju. Dan minħabba l-elezzjonijiet tal-Kunsilli Lokali u l-Parlament Ewropew, li se jsiru l-għada.

Il-festa tibda permezz ta’ tlett ijiem ta’ Tridu li jibdew nhar l-4 ta’ Ġunju sas-6 ta’ Ġunju fis-6pm fil-Bażilika tal-Isla. Din is-sena, il-Kanonku Dr Nicholas Doublet, li hu l-arkivista tad-Djoċesi u lettur tal-Istorja tal-Knisja fi ħdan l-Università ta’ Malta, se jiftaħ dan it-Tridu… Kompli aqra »

Iridna ngħixu ħielsa – L-Isqof Galea-Curmi

27/05/2024   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Isqof Joseph Galea-Curmi

“X’għandi nagħmel biex nikseb il-ħajja ta’ dejjem?” (Mk 10:17) Din hija l-mistoqsija li dan ir-raġel jagħmel fl-Evanġelju tal-lum skont San Mark. Jagħmilha lil Ġesù meta kien se jaqbad it-triq, u dar-raġel mar jgħaġġel, inxteħet għarkupptejh quddiemu u għamillu din il-mistoqsija.  Ħafna drabi, meta naqraw din is-silta, moħħna jmur fuq dan ir-raġel u speċjalment fuq kif tispiċċa s-silta: li wara dan id-djalogu ma’ Ġesù, u wara li Ġesù għamillu stedina, dan ir-raġel “qarras wiċċu u telaq b’qalbu sewda” (Mk 10:22) Bir-raġun, għax narawha tistona kif titkellem ma’ Ġesù, u wara li titkellem miegħu, titlaq b’wiċċek imqarras u b’qalbek sewda… Kompli aqra »

Quddiesa u Rużarju – 28 ta’ Mejju 2024, 9:30am

28/05/2024   Il-Kappella tal-Madonna ta' Manresa fil-Kurja tal-Arċisqof, il-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 28 ta’ Mejju

28/05/2024

Qari tal-jum

L-Ewwel Qari: 1 Piet 1:10-16
Salm: 97 (98):1.2-3ab,3ċ-4

L-Evanġelju: Mk 10:28-31

F’dak iż-żmien, qabeż Pietru u qal lil Ġesù: “Tajjeb! Aħna ħallejna kollox u ġejna warajk.” Qallu Ġesù: “Tassew ngħidilkom, li fost dawk kollha li minħabba fija u l-Evanġelju jħallu lil darhom jew lil ħuthom jew lil ommhom jew lil missierhom jew lil uliedhom jew l-għelieqi tagħhom, ma hemm ħadd fosthom li minn issa, f’din id-dinja stess, ma jirċevix, għal mitt darba iktar, djar, aħwa, subien u bniet, ommijiet, ulied u għelieqi flimkien ma’ persekuzzjonijiet, u l-ħajja ta’ dejjem fiż-żmien li ġej… Kompli aqra »

Festa ta’ mħabba – L-Isqof Galea-Curmi

26/05/2024   Il-Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

“Agħmlu dixxipli mill-ġnus kollha, u għammduhom fl-isem tal-Missier u tal-Iben u tal-Ispirtu s-Santu” (Mt 28:19). Dawn kienu fost l-aħħar kliem li qal Ġesù fl-Evanġelju skond San Mattew, li qal lill-ħdax qabel ma tela’ s-sema. Qalilhom dal-kliem biex jgħaddilhom il-missjoni li kien wettaq hu, missjoni ta’ salvazzjoni skond ir-rieda ta’ Alla. Hu ried li din il-missjoni titkompla minnhom u tasal sal-ġnus kollha, filwaqt li wegħidhom: “Jiena magħkom dejjem, sal-aħħar taż-żmien” (Mt 28:20)… Kompli aqra »

Il-Papa jiċċelebra l-paċi mat-tfal għall-ewwel Jum Dinji tat-Tfal

26/05/2024   Stadio Olimpico, Ruma

Madwar 70,000 tifel u tifla minn diversi pajjiżi tad-dinja ħonqu l-Istadio Olimpico ta’ Ruma s-Sibt waranofsinhar biex jiltaqgħu mal-Papa Franġisku u jirriflettu flimkien miegħu dwar l-importanza tagħhom għall-futur tad-dinja, fl-ewwel Jum Dinji tat-Tfal, fejn it-tema prinċipali kienet il-paċi.

Il-Papa wasal fil-4.40pm bil-popemobile u ġie milqugħ b’applawsi kbar u bl-innu miktub apposta, “A Beautiful World”, kantat mill-Kor tad-Djoċesi ta’ Ruma.

Fit-tfal kollox jitkellem dwar ħajja u l-futur

Imbagħad hu indirizza lill-udjenza żagħżugħa tiegħu b’diskors qasir ta’ introduzzjoni fejn involva lit-tfal bit-tweġibiet tagħhom… Kompli aqra »