L‑Arċisqof Charles Scicluna llum ħalla Malta għall-Vatikan sabiex ikompli jagħti sehmu fis-Sinodu tal‑Isqfijiet dwar is‑Sinodalità li se jsir bejn it-2 u s-27 ta’ Ottubru li ġej. Hu wieħed mill-464 parteċipant mid-dinja kollha fejn se jkollhom l-opportunità jisimgħu, jirriflettu u jitolbu dwar il‑ġid tal‑ħidma pastorali tal‑Knisja.

It-tieni u l-aħħar sessjoni tas-Sinodu se jkunu mibnija fuq dak li ħareġ mill-ewwel sessjoni tas-Sinodu s-sena li għaddiet… Kompli aqra »

Ritratt: Miguela Xuereb

Il-Papa Franġisku keċċa 10 persuni wara li minn investigazzjoni mmexxija mill-Arċisqof Charles Scicluna, ġew żvelati abbużi ta’ naturi differenti fil-moviment Kattoliku Sodalitium Christianae Vitae (Sodalità tal-Ħajja Nisranija – SDV), fil-Perù.

Din it-tkeċċija ta’ 10 persuni fosthom isqof, saċerdoti kif ukoll lajċi, ġiet wara li x-xahar li għadda, il-fundatur ta’ SDV Luis Fernando Figari Rodrigo tkeċċa mill-SDV skont il-Kodiċi tal-Liġi Kanonika… Kompli aqra »

Il-Papa Franġisku saħaq li l-Knisja Kattolika messha tistħi u għandha titlob maħfra fid-dawl tal-abbużi sesswali fuq it-tfal.

Hu qal dan f’indirizz lill-awtoritajiet Belġjani, fi żjara appostolika fil-Belġju.

“Il-Knisja għandha tirrisolvi s-sitwazzjoni b’umiltà Nisranija u tagħmel kull sforz biex dan ma jerġax iseħħ,” qal il-Papa. Hu kompla li l-abbuż mill-membri tal-kleru jħammar wiċċ il-Knisja. Għaldaqstant, hu insista li l-Knisja ma tistax iġġib skużi, anke jekk il-maġġoranza tal-abbużi jseħħu fil-familji u fl-iskejjel… Kompli aqra »

Inqas minn ħmistax wara l-aħħar Vjaġġ Appostoliku storiku tiegħu fl-Asja u l-Oċeanja, il-Papa Franġisku għada se jħalli Ruma għal vjaġġ ieħor internazzjonali, is-46 wieħed barra mill-Italja, bit-tema tal-paċi u t-tama “fi żmien li fih il-kontinent qed jirriskja li jispiċċa mill-ġdid f’kunflitt”.

Bejn is-26 u d-29 ta’ Settembru, f’Lussemburgu u l-Belġju, Franġisku se jindirizza diversi temi, fosthom il-paċi, il-migrazzjoni, il-kwistjoni urġenti tal-klima, u l-futur taż-żgħażagħ, waqt li se jiffoka wkoll fuq kwistjonijiet ekkleżjali, inkluż ir-rwol tal-Kristjaneżmu fis-soċjetajiet immarkati mis-sekularizzazzjoni, u s-sehem tal-edukazzjoni Nisranija… Kompli aqra »

L-Isqof Joseph Galea-Curmi qal li fejn ikun hemm nuqqas ta’ rispett lejn xulxin fis-soċjetajiet tagħna huwa minħabba li “ma jkunx hemm paċi fil-qalb,” li jwassal biex “niżirgħu żerriegħa ta’ mibegħda.”

Waqt intervista fuq Għal Kulħadd fuq RTK103, ġie mistoqsi dwar l-attakk riċenti fuq il-pulizija waqt il-qadi ta’ dmirijiethom fil-Ħamrun, u l-Isqof ikkummenta li għalkemm nitkellmu dwar il-ġlied u l-gwerer f’pajjiżi differenti, il-ħarsa ewlenija għandha tkun fuq dak li jsir fil-gżejjer Maltin stess… Kompli aqra »