Yearly Archives: 2024

Fr Jimmy Bartolo SJ: Is-Segretarju l-ġdid għall-Edukazzjoni tal-Ġiżwiti

17/12/2024

Ritratt: https://jesuits.eu/

Is-Superjur Ġenerali tas-Soċjetà ta’ Ġesù, Patri Arturo Sosa SJ, ħatar lil Patri Jimmy Bartolo SJ, rettur attwali tal-Kulleġġ San Alwiġi f’Birkirkara, bħala s-Segretarju għall-Edukazzjoni, kemm Sekondarja u Pre-Sekondarja, li jmiss għas-soċjetà ta’ Ġesù.

Patri Bartolo se jassumi dan l-irwol il-ġdid tiegħu fil-Kurja Ġenerali tal-Ġiżwiti f’Ruma f’Jannar 2026, wara li Patri José Alberto Mesa SJ se jkun qed iwarrab wara aktar minn 15-il sena fil-kariga… Kompli aqra »

Quddiesa u Rużarju – 17 ta’ Diċembru 2024, 9:30am

17/12/2024   Il-Kappella tal-Madonna ta' Manresa fil-Kurja tal-Arċisqof fil-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 17 ta’ Diċembru

17/12/2024

Qari tal-jum

L-Ewwel Qari: Ġen 49:2,8-10
Salm: 71 (72):1-2,3-4ab,7-8,17

L-Evanġelju: Mt 1:1-17

Ktieb in-nisel ta’ Ġesù Kristu, bin David, bin Abraham. Abraham nissel lil Iżakk, Iżakk nissel lil Ġakobb, Ġakobb nissel lil Ġuda u lil ħutu, Ġuda nissel lil Fares u lil Żaraħ minn Tamar, Fares nissel lil Ħesron, Ħesron nissel lil Aram, Aram nissel lil Għamminadab, Għamminadab nissel lil Naħson, Naħson nissel lil Salmon, Salmon nissel lil Bogħaż minn Raħab, Bogħaż nissel lil Għobed minn Rut, Għobed nissel lil Ġesse, Ġesse nissel lil David, is-sultan… Kompli aqra »

Is-setgħa ġejja minn Alla – L‑Isqof Galea‑Curmi

16/12/2024   Il-Kappella tal-Madonna ta' Manresa fil-Kurja tal-Arċisqof fil-Furjana

L-omelija tal-Isqof Joseph Galea-Curmi

“Int li tħobb il-qalb sinċiera, għallimni l-għerf fil-fond ta’ qalbi” (Salm 51:8). Din is-silta minn Salm 51 tiġini f’moħħi meta nara din id-diskursata bejn Ġesù u l-qassisin il-kbar u x-xjuħ tal-poplu li ġew fit-tempju fejn hu kien qiegħed jgħallem.

Huma għamlulu dil-mistoqsija: “Int b’liema setgħa qed tagħmel dan kollu? U min tahielek din is-setgħa?” (Mt 21:23) Naħsbu ftit: din hija domanda importanti ħafna – li tkun taf Ġesù minn fejn ġejja l-qawwa li għandu… Kompli aqra »

L-Avvent fil-Kappella

16/12/2024

Bi tħejjija għall-festa tal-Milied, nhar il-Ġimgħa, 6 ta’ Diċembru, 2024, ġiet organizzata ċelebrazzjoni tal-Avvent fil-Kappella tal-Madonna tal-Midalja Mirakoluża, il-Blata l-Bajda. It-tema taċ-ċelebrazzjoni kienet ‘Ħienja int li emmint!’. Matul il-laqgħa, wieħed kien mistieden jirrifletti fuq il-fatt li l-Avvent huwiex żmien ta’ stennija passiva. Fuq l-eżempju ta’ Marija, kull wieħed minnha huwa mistieden jemmen, jifraħ u jaqdi waqt li qed jistenna l-miġja ta’ Ġesù Bambin… Kompli aqra »

Il-ferħ li jagħtina l-Mulej – L‑Isqof Galea‑Curmi

15/12/2024   Knisja Parrokkjali tal-Lunzjata, Ħal Balzan

L-omelija tal-Isqof Joseph Galea-Curmi

Hemm qisu ritornell li jinstema’ l-ħin kollu llum fil-qari li smajna. L-Ewwel Qari, mill-Profeta Sofonija, jibda: “Għajjat bil-ferħ ta’ qalbek, bint Sijon…infexx fil-hena u ifraħ b’qalbek kollha” (Sof 3:14). Dan il-ħsieb ta’ ferħ hu kontinwu. San Pawl jgħid fl-Ittra tiegħu lill-Filippin: “Ifirħu dejjem fil-Mulej; nerġa’ ngħidilkom, ifirħu” (Fil: 4:4). U s-Salm ukoll jitkellem fuq il-ferħ: “Aqbeż bil-ferħ, għanni” (Isaija 12:6). Kompli aqra »

Kif tista’ tifraħ? …

Il-Papa Franġisku jtemm il-vjaġġ appostoliku f’Korsika

16/12/2024

Il-Ħadd 15 ta’ Diċembru l-Papa Franġisku reħielha għas-47 vjaġġ appostoliku tiegħu f’Korsika fejn attenda attivitajiet spiritwali, kulturali u diplomatiċi.

Il-Papa Franġisku talab lill-Verġni Marija biex kollox jimxi ħarir matul il-vjaġġ, bħalma dejjem jagħmel qabel jivvjaġġa.

Is-Sibt waranofsinhar mar fil-Bażilika ta’ Santa Maria Maggiore f’Ruma biex jitlob quddiem l-ikona ta’ Salus Populi Romani, id-difensur tal-ġens Ruman. Din l-opra artistika ilha sservi bħala sors ta’ devozzjoni għal Papa, li ħafna drabi jafda fil-gwida tal-Verġni Marija bil-missjonijiet tiegħu ‘l barra mill-pajjiż… Kompli aqra »

Quddiesa u Rużarju – 16 ta’ Diċembru 2024, 9:30am

16/12/2024   Il-Kappella tal-Madonna ta' Manresa fil-Kurja tal-Arċisqof fil-Furjana

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

L-Evanġelju tal-jum: 16 ta’ Diċembru

16/12/2024

Qari tal-jum

L-Ewwel Qari: Num 24:2-7,15-17a
Salm: 24 (25):4bċ-5ab,6-7bċ,8-9

L-Evanġelju: Mt 21:23-27

F’dak iż-żmien, Ġesù daħal fit-tempju, u, waqt li kien qiegħed jgħallem, resqu fuqu l-qassisin il-kbar u x-xjuħ tal-poplu u qalulu: “Int b’liema setgħa qiegħed tagħmel dan kollu? U min tahielek din is-setgħa?”

U Ġesù qalilhom: “Ħa nagħmlilkom mistoqsija waħda jien ukoll: jekk tweġbuni għaliha, jien ukoll ngħidilkom b’liema setgħa qiegħed nagħmel dan kollu… Kompli aqra »

Musbieħ li baqa’ jagħti d-dawl – L‑Isqof Galea‑Curmi

13/12/2024   Parroċċa ta’ Santa Luċija, l-Imtarfa

L-omelija tal-Isqof Joseph Galea-Curmi

Hemm tradizzjoni sabiħa bħal-lum, 13 ta’ Diċembru, fl-Isvezja, fejn issir purċissjoni b’għadd ta’ żgħażagħ, li tissejjaħ il-mixja tad-dawl, u waħda miż-żgħażagħ ikollha diversi xemgħat mixgħula mdawra ma’ rasha. Naqra riskjuża din! Imma tradizzjoni sabiħa, li tintrabat ma’ dak li tfisser il-kelma ‘Luċija’ li tfisser ‘dawl’. Tolqtok kif l-imħabba lejn din il-qaddisa, li għexet fis-seklu tlieta u mietet fil-bidu tar-raba’ seklu f’Sirakuża, Sqallija, waslet sal-Isvezja… Kompli aqra »