Aħbarijiet mill-Knisja f'Malta
Qari tal-jum
L-Ewwel Qari: Lhud 10:19-25
Salm: 23 (24):1-2,3-4ab,5-6
L-Evanġelju: Mk 4:21-25
F’dak iż-żmien, Ġesù qal lill-folla: “Jaqaw il-musbieħ iġibuh biex iqegħduh taħt is-siegħ jew taħt is-sodda? Mhux fuq l-imnara jqegħduh? Għax ma hemm xejn moħbi jekk mhux biex jingħaraf, u xejn ma hu mistur jekk mhux biex jinġieb għad-dawl. Jekk hawn min għandu widnejn biex jisma’, ħa jisma’!”.
U qalilhom: “Oqogħdu attenti x’tisimgħu! … Kompli aqra »
Għeżież ħuti, l-għodwa t-tajba!
Inkomplu llum nikkontemplaw lil Ġesù fil-misteru tal-oriġni tiegħu rrakkontat mill-Vanġeli tal-infanzja.
Jekk Luqa jippermettilna li nagħmlu dan mill-perspettiva tal-omm, il-Verġni Marija, Mattew jieħu l-perspettiva ta’ Ġużeppi, ir-raġel li jassumi l-paternatià legali ta’ Ġesù, biex hekk ilaqqmu fiz-zokk ta’ Ġesse u jorbtu mal-wegħda li saret lil David.
Fil-fatt, Ġesù huwa t-tama ta’ Iżrael li sseħħ: hu d-dixxendent imwiegħed lil David (ara 2 Sam 7:12; 1 Kor 17:11), li minħabba fih daru hi “mbierka għal dejjem” (2 Sam 7:29); huwa r-rimja li twarrad miz-zokk ta’ Ġesse (ara Iż 11:1), ir-“rimja ġusta” ddestinata li ssalva bħala sultan veru, li jaf iħaddem il-liġi u l-ġustizzja (ara Ġer 23:5; 33:15)… Kompli aqra »
Għin lill‑Arċidjoċesi twettaq il‑missjoni tagħha Agħti Donazzjoni »
Segwi l-qari tal-Quddiesa tal-lum hawnhekk.
Talba għat-Tqarbina tax-Xewqa
Ġesù, jiena nemmen li Inti tinsab tabilħaqq fis-Sagrament tal-Ewkaristija.
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »
Qari tal-jum
L-Ewwel Qari: Lhud 10:11-18
Salm: 109 (110):1,2,3,4
L-Evanġelju: Mk 4:1-20
F’dak iż-żmien, Ġesù raġa’ beda jgħallem ħdejn il-baħar, u nġabret madwaru kotra kbira, hekk li kellu jitla’ bilqiegħda f’dgħajsa fuq il-baħar, u n-nies kollha l-art matul ix-xatt. U qagħad jgħallimhom ħafna ħwejjeġ bil-parabboli, u fit-tagħlim tiegħu qalilhom: “Isimgħu. Darba kien hemm bidwi u ħareġ jiżra’. Ġara li hu u jiżra’, xi żerrigħat waqgħu fil-mogħdija; ġew l-għasafar u naqqruhom kollha… Kompli aqra »
L-omelija tal-Isqof Joseph Galea-Curmi
Il-ġrajja tal-konverżjoni ta’ San Pawl mhijiex biss ġrajja straordinarja fil-ħajja ta’ qaddis kbir imma hija wkoll avveniment importanti ħafna fl-Istorja tal-Knisja. Kif smajna fir-rakkont sabiħ tal-Atti tal-Appostli, u jirrepetih ukoll San Pawl fl-Ittra tiegħu lill-Galatin, Sawl – kif kien jismu – kien jaħdem b’entużjażmu biex isib lis-segwaċi ta’ Ġesù u jitfagħhom fil-ħabs. L-intenzjoni tiegħu kienet li lil dawk li ma kinux qed jimxu skont il-liġi ta’ Alla, kif kien jifhimha hu, jagħmel minn kollox biex jippersegwitahom… Kompli aqra »
L-omelija tal-Isqof Joseph Galea-Curmi
“Dan Ġesù għandu fih lil Begħelżebul” (Mk 3:22). Din hija l-akkuża li għamlu l-kittieba lil Ġesù – qalu li għandu fih xitan – mhux biss, imma li qiegħed ikeċċi x-xjaten “bis-saħħa tal-Prinċep tax-xjaten” (Mk 3:22). Hija akkuża serja ħafna, iktar u iktar meta nafu min hu Ġesù.
Li tgħid li hu qed ikeċċi lix-xitan bis-saħħa tax-xitan, qed tgħid proprju l-agħar li tista’ tgħid fuq Ġesù… Kompli aqra »
L-omelija tal-Arċisqof Charles Jude Scicluna
Kunu dejjem lesti biex tagħtu tweġiba lil min jitlobkom, il-għala tat-tama li għandkom. Xi jfisser dan il-kliem, li San Pietru appostlu jikteb fl-ewwel miż-żewġ ittri tiegħu. Qed jgħidilna li fil-ħajja tagħna niltaqgħu ma’ nies li jinnutaw li għandna tama partikolari, mhix tas-soltu. Jistaqsuna, imma għaliex tittamaw?
L-ewwel nett x’inhi t-tama tagħna? It-tama tagħna hi persuna, it-tama tagħna hi Ġesù… Kompli aqra »
Ritratt: Miguela Xuereb
Aktar kmieni dan ix-xahar, fis-Seminarju tal-Arċisqof ingħataw merħba żewġ żgħażagħ li bdew il-perjodu Propedewtiku, jiġifieri fażi ta’ preparazzjoni.
Fi stqarrija ntqal li matul dan il-perjodu, il-propedewtiċi jiġu introdotti għal ħajja aktar organizzata ta’ talb u ta’ dixxerniment personali sabiex jibdew il-vjaġġ tagħhom.
Dawn iż-żewġ żgħażagħ ġew mistiedna jikbru aktar fl-għarfien tagħhom infushom u li jsiru aktar familjari ma’ modi differenti ta’ talb, ma’ ħajja u servizzi fil-komunità, u mal-apprezzament ta’ x’inhi s-sejħa tas-saċerdot fil-Knisja u s-soċjetà Maltija llum… Kompli aqra »
Għin lill‑Arċidjoċesi twettaq il‑missjoni tagħha Agħti Donazzjoni »
Segwi l-qari tal-Quddiesa tal-lum hawnhekk.
Talba għat-Tqarbina tax-Xewqa
Ġesù, jiena nemmen li Inti tinsab tabilħaqq fis-Sagrament tal-Ewkaristija.
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »
Qari tal-jum
L-Ewwel Qari: Lhud 10:1-10
Salm: 39 (40):2 u 4ab,7-8a,10,11
L-Evanġelju: Mark 3:31-35
F’dak iż-żmien, ġew omm Ġesù u ħutu, baqgħu barra u bagħtu jsejħulu. Dak il-ħin kien hemm ħafna nies bilqiegħda madwaru. Qalulu: “Ara, ommok u ħutek qegħdin hemm barra u jriduk”.
U hu weġibhom: “Min huma ommi u ħuti?”. Imbagħad dawwar ħarstu fuq dawk li kien hemm madwaru bilqiegħda, u qal: “Dawn, ara, huma ommi u ħuti… Kompli aqra »
