• ****

    Direttur: Dan Gilroy
    Atturi: Jake Gyllenhaal, Rene Russo, Riz Ahmed, Bill Paxton , Ann Cusack, Kevin Rahm, Kathleen York, Eric Lange u Jonny Coyne
    Ħin tal-Film:    117 min

     
    Klassifika taċ-Ċensura: 15
    Klassifika tal-Knisja: 18
     
    Lou Bloom wara li jinqabad jisraq minn għassies, jattakkah u jisraqlu l-arloġġ. Lou jipprova jbiegħ il-materjal li kien seraq u jitlob li jiġi ngaġġat  għax-xogħol iżda jiġi rifjutat. Lou ma kienx bniedem li jaqta’ qalbu. Wara li jara klip  ta’ filmat miġbud minn krew deletant, jixtri kamrekorder mill-flus li daħħal minn rota u  jibda jiġbed inċidenti li jkunu ġraw fl-inħawi.  Lou jbiegħhom lill-istazjon televiżiv lokali. Nina, id-direttur  tal-programm ta’ filgħodu,  tintebaħ bil-kwalitajiet u l-ħila li kellhu Lou u li kien hemm possibbilta` tajba li jkun jista’ jipprovdi lill-istazzjon klips tajbin li jiġbdu iktar spettaturi li jaraw it-televiżjoni filgħodu.  Nina kienet lesta li tħallas flus tajba għal xi inċident li jkun ġara u li tkun l-ewwel waħda li titrassmetti l-inċident.  Ix-xogħol beda jiżdied għal Lou  u għalhekk  jqabbad miegħu assisstent, Rick, biex igħinu jirrikordja miegħu l-inċidenti li jiltaqgħu magħhom. Lou biex jkun jista’ jati l-aħjar prodott kien anke lest li xi kultant iċċaqlaq l-vittmi mill-post fejn ikun ġara l-inċident. Flus bdew deħlin u għalhekk u jinvesti f’apparat iktar suffistikat barra karozza iktar veloċi biex b’hekk ikun fil-post qabel kulħadd. Lou ikollu offerta minn wieħed li kien jagħmel l-istess xogħol, iżda kien f’qagħda li jirrifjutah. X’jiġri meta hu u sieħbu jiġbdu filmat ta’ serqa minn dar b’konsegwenzi li  dawk li kienu joqogħdu fid-dar sfaw maqtula,  bil-ħallellin jaħarbu minn fuq il-post. Lou iżda kien fil-ħin biex jiffilmja l-ħarba tagħhom. Meta l-filmat ikun imxxandar fuq it-televiżjoni, il-pulizija trid tkun taf min kien li pprovda l-filmat. Lou ikollu jati  lill-pulizija l-filmat iżda iżda mhux qabel ma l-filmat ikun editjat. X’konsegwenzi sejjer ikollu dan l-inċident fuq Lou u sieħbu?

    Film Amerikan, triler,  taħt id-direzzjoni u l-kitba ta’ Dan Gilroy,  illaqqgħana ma’ Lou Bloom li rrnexxielu permezz ta’ ġbid ta’ filmati ta’ incidenti gravi, isir sinjur hekk kif isib suq tajjeb għalihom għal fuq it-televiżjoni. Minħabba t-tema amorali u l-fatt li l-film hu mimli vjolenza kif ukoll kliem goff, ikun tajjeb li l-film jarawh dawk li għalqu t-tmintax –il sena.