L-Azzjoni Kattolika Maltija rrekordjat 3 konversazzjonijiet f’forma ta’ podcasts bħala parti mill-proġett Mumenti, proġett iffinanzjat mill-Kunsill Malti għall-Arti. F’kull podcast kien hemm persuna żagħżugħa miż-ŻAK tmexxi d-diskussjoni, kif ukoll 3 mistiedna ta’ etajiet differenti, li għandhom esperjenzi varji fl-Azzjoni Kattolika u fil-Knisja.

Il-proġett Mumenti kellu l-iskop li jlaqqa’ membri u eks-membri tal-Azzjoni Kattolika minn oqsma differenti biex jinteraġixxu, jitgħallmu, u jiddiskutu flimkien, waqt li jesperjenzaw mumenti kreattivi u kulturali, b’għadd ta’ workshops interġenerazzjonali u ħarġiet kulturali f’Malta, li wasslu għat-tliet podcasts… Kompli aqra »

Il-Ministeru għall-Katekeżi tul il-Ħajja qed jorganizza irtir għall-katekisti, immexxi minn Fr Gilbert Scicluna. Matul l-irtir, il-parteċipanti se jkollhom l-opportunità li jirriflettu, jitolbu, u jaqsmu esperjenzi li huma essenzjali għall-ministeru tagħhom. Fr Gilbert se jagħti riflessjoni dwar kif il-katekisti jistgħu jgħixu l-missjoni tagħhom bħala Pellegrini tat-Tama, f’kuntest ta’ servizz u fidi.

L-irtir jintemm biċ-ċelebrazzjoni tal-quddiesa.

Data: Sibt 29 ta’ Marzu
Ħin: 9:30 am – 12:30 pm
Post: Kapuċċini, Floriana

Irreġistra billi tibgħat email lil [email protected] Kompli aqra »

…

Mill-Ġimgħa, 14 ta’ Frar, sal-Ħadd, 16 ta’ Frar, 2025, grupp ta’ tmien kandidati, li qegħdin fl-ewwel sentejn tal-programm ta’ formazzjoni, pparteċipaw f’seminar ta’ tmiem il-ġimgħa bl-isem “Sejjaħtilkom Ħbieb” (Ġw 15:15).

Is-sessjonijiet immexxija mill-membri tas-Soċjetà, inkludu attivitajiet fi gruppi, case studies, u użu ta’ films. Il-kandidati irriflettew u ddiskutew dwar id-dixxipulat Nisrani u kif huma jistgħu jimxu wara Ġesù mill-qrib fil-ħajja tagħhom… Kompli aqra »

Fl-anniversarju tat-twelid ta’ San Ġorġ Preca, nhar l-Erbgħa 12 ta’ Frar 2025, il-membri u l-kandidati kollha tal-oqsma ta’ Malta tas-Soċjetà tad-Duttrina Nisranija nġabru għal ċelebrazzjoni sabiħa fi spirtu ta’ talb fl-Awditorju fid-Dar Ġenerali, il-Blata l-Bajda. Huma irriflettew kif San Ġorġ Preca, bil-ħidma u l-kitba tiegħu, kien u għadu sinjal ta’ tama għall-poplu ta’ Alla.

Permezz ta’ qari mill-Iskrittura, mill-kitbiet tal-Papa Franġisku, kif ukoll mit-talb ta’ San Ġorġ Preca stess, il-membri u l-kandidati ħasbu fuq kemm il-bniedem huwa ixxurtjat li għandu lil Alla nnifsu li jinteressa ruħu u jixtieq li kulħadd jirrikori lejh f’kull bżonn tiegħu… Kompli aqra »

L-ewwel attività għall-Aspiranti Maltin (Yr 9-11) saret fl-iskola St Michael nhar is-Sibt 25 ta’ Jannar 2025. F’atmosfera ferriħija, dawn l-adolexxenti ħasbu u talbu fuq it-tema: Kemm għandek żmien? Alla jislifna ż-żmien biex jirnexxielna niltaqgħu miegħu u nsiru nħobbuh aktar. Wara l-parti formali, kien hemm ħin għall-ikel u logħob flimkien. Nirringrazzjaw lil Alla!

Sors: Is-Soċjetà tad-Duttrina Nisranija – sdcmuseum.org  Kompli aqra »

…

Mill-Ġimgħa, 24 ta’ Jannar, sal-Ħadd, 26 ta’ Jannar, 2025, ħdax-il pre-kandidat attendew għal seminar f’Dar Betsajda. Is-seminar, bit-titlu LinkedIn, kien jinkludi diversi attivitajiet maħsuba biex jgħinu lill-parteċipanti japprofondixxu l-għarfien tagħhom infushom, isiru jafu aktar lil xulxin, u jikkollaboraw flimkien bħala grupp.

Il-programm kien fih ukoll mumenti ta’ talb u rikreazzjoni, li trawwem sens qawwi ta’ komunità fi ħdan dan il-grupp, li dan l-aħħar beda jinġabar darbtejn fix-xahar għall-programm ta’ formazzjoni tagħhom… Kompli aqra »