Il-Kelma tal-Arċisqof

Jekk għandna xi żrara fiż-żarbun, neħilsu minnha – L-Arċisqof

09/05/2023   Il-Kappella tal-Madonna ta' Manresa fil-Kurja tal-Arċisqof, il-Furjana

L-omelija tal-Arċisqof Charles Jude Scicluna

Dan l-Evanġelju li għadna kemm smajna u li huwa mill-aħħar kapitlu tal-Evanġelju ta’ San Mark, aħna l-Maltin inqisuh bħala Evanġelju għażiż. Naqrawh fil-festa tan-Nawfraġju tal-Appostlu Missierna San Pawl. Naqrawh ukoll proprju fil-festa ta’ San Ġorġ Preca, li biex nikkwotaw lil San Ġwanni Pawlu II, huwa meqjus bħala t-tieni Missier tagħna fil-fidi. 

Imma għaliex intgħażel dan l-Evanġelju għal din il-festa? … Kompli aqra »

Il-ħtieġa li tinżamm ħajja d-dimensjoni spiritwali u reliġjuża tal-wirt kulturali tagħna – L-Arċisqof

Id-diskors tal-ftuħ tal-Konferenza f’Malta tal-Katidrali Ewropej dwar ‘L-Ekwilibriju bejn il-Konservazzjoni u l-Ispiritwalità’

11/05/2023   St John's Co-Cathedral, Valletta

Your Eminence Cardinal Parolin, Secretary of State of the Holy See
Your Excellency, Archbishop Hon Tai-Fai, Apostolic Nuncio to Malta
Hon. Bonnici, Minister for the National Heritage, the Arts, and Local Government
President of the Opera della Primaziale Pisana
President, Council members and staff of the St John’s Co-Cathedral Foundation
Your Excellence Mr Zammit, Malta’s Ambassador to the Holy See
Guest speakers
Ladies and Gentlemen

In today’s world, our cultural heritage and its aesthetic beauty and spirituality are facing the challenges of degradation, temporality and contingency… Kompli aqra »

Ikkonċentra ħajtek, ruħek u qalbek f’Ġesù – L-Arċisqof

Quddiesa fil-ħames Ħadd tal-Għid

07/05/2023   Il-Knisja Parrokkjali tal-Madonna tal-Karmnu, Fleur-de-Lys

L-omelija tal-Arċisqof Charles Jude Scicluna

Tajjeb li niftakru li dan il-kliem Ġesù qalu fil-mument għażiż; aħna nafuh bħala l-mument tal-aħħar ċena propju f’Ħamis ix-Xirka. Qiegħed mad-dixxipli tiegħu. Qegħdin jieklu l-aħħar ikla qabel jingħata f’idejn l-għedewwa tiegħu biex jagħmlu bih li jridu.

Imma d-djalogu mqanqal, sabiħ tal-Mulej Ġesù ma’ sħabu hu wkoll okkażjoni fejn nifhmu eżattament xi jrid jgħidilna Ġesù fuq l-affarijiet l-iżjed għeżież… Kompli aqra »

Nitolbu ’l Mulej l-grazzja li jkollna ragħajja skont il-qalb tiegħu – L-Arċisqof f’Jum il-Vokazzjonijiet

Quddiesa f'Jum il-Vokazzjonijiet

30/04/2023   Il-Kappella taċ-Ċentru għall-Vokazzjonijiet fis-Seminarju, Tal-Virtù

Ta’ kull sena fir-raba’ Ħadd tal-Għid nisimgħu l-kelma ta’ Ġesù li tuża din l-espressjoni qawwija ħafna u li permezz tagħha Ġesù jipprezenta ruħu bħala l-bieb u r-ragħaj.

Din is-sena fl-ewwel silta mill-kapitlu 10 ta’ San Ġwann, li hu l-kapitlu fejn Ġesù jispjega din ix-xbieha sabiħa tar-ragħaj it-tajjeb, l-enfasi hi pjuttost fuq il-bieb: il-bieb tal-maqjel, il-bieb ta’ dak l-ispazju fejn in-nagħaġ huma siguri u kkurati, lil hemm mill-periklu imma hu wkoll l-ispazju minn fejn għandhom bżonn joħorġu biex jirgħu u jmantnu lilhom infushom bl-għajnuna tar-ragħaj… Kompli aqra »

Nitlob lil San Publiju li l-mexxejja tagħna jkunu mexxejja li jiddefendu d-dinjità tal-bniedem, hu min hu – L-Arċisqof

Quddiesa fil-festa ta' San Publiju

23/04/2023   Il-Knisja Arċipretali ta' San Publiju, il-Furjana

“Jiddi d-dawl tiegħek fid-dlam. Id-dlam tiegħek ikun bħal nofsinhar. Il-Mulej imexxik dejjem”. Dan il-kliem tal-profeta Iżaija li smajna fl-ewwel qari hu indirizzat ukoll illum lill-qaddis San Publiju. Ismu kien wieħed mill-iżjed ismijiet popolari fid-dinja Rumana. L-istudjużi jgħidulna li l-isem Publius kien x’aktarx il-ħames isem popolari fl-Imperu Ruman u l-għerq tiegħu kien propju riferiment għall-poplu. Mill-istess għerq ta’ Publiju għandna l-poplu stess, repubblika – dawn kollha ġejjin mill-istess għerq li jagħtina l-isem ukoll, il-prenome kif kienu jgħidulu l-Latini: publius… Kompli aqra »

Jurini l-pjagi tiegħu u nemmen li Hu – L-Arċisqof

15/04/2023   Il-Katidral ta’ San Pawl, l-Imdina

L-omelija tal-Arċisqof Charles Jude Scicluna

Din is-silta mill-Evanġelju ta’ San Ġwann li għadna kemm smajna, titkellem dwar laqgħa ta’ Ġesù mad-dixxipli tiegħu f’żewġt ijiem partikolari. L-Evanġelju jibda bir-riferiment għal dakinhar tal-Irxoxt ta’ Ġesù: “Dakinhar filgħaxija, fl-ewwel jum tal-ġimgħa” (Ġw 20:19); imbagħad it-tieni laqgħa ta’ Ġesù ssir “Tmint ijiem wara” (Ġw 20:26). Huwa sinjal għalina li nixtieq li napprezzaw ħafna, waqt li  napprezzaw ukoll il-laqgħat tagħna li jiċċelebraw il-Qawmien ta’ Ġesù mill-Imwiet, proprju mis-Sibt filgħaxija sal-Ħadd filgħaxija… Kompli aqra »

Jalla jkollna s-safa tal-qalb, tal-qalb li tifhem, tagħraf, li tħoss u tagħder – L-Arċisqof

Quddiesa f'Ħadd il-Għid

09/04/2023   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

“Nagħmlu festa, mhux bil-ħmira l-qadima, anqas bil-ħmira tal-qerq u tal-ħażen, imma bil-ħobż bla ħmira tas-safa u tas-sewwa” (1 Kor 5:8). Din hija l-istedina li għamlilna l-Appostlu Missierna San Pawl, lilna f’dan il-Jum Qaddis tal-Għid. Hija l-istedina li l-ewwel nett, li nifirħu u li nagħmlu festa, li niċċelebraw il-Qawmien tal-Mulej Ġesù, ir-rebħa tiegħu fuq il-mewt u d-dnub. Hu jgħidilna kif, l-ewwel juża tixbiha fin-negattiv: “Mhux bil-ħmira l-qadima”… Kompli aqra »

Il-Vġili tal-Għid hu stedina biex aħna nibdew mill-ġdid – L-Arċisqof

08/04/2023   Il-Konkatidral ta' San Ġwann, il-Belt Valletta

L-omelija tal-Arċisqof Charles Jude Scicluna

“Maż-żerniq tal-ewwel jum tal-ġimgħa” (Mt 28:1) – hekk jibda r-rakkont mill-kapitlu 28 ta’ San Mattew li għadna kemm smajna. U din is-sahra tal-lejl, dan il-lejl qaddis trid twassalna biex “maż-żerniq tal-ewwel jum tal-ġimgħa”, tal-Ħadd, aħna niskopru mhux biss jum ġdid imma wkoll ħolqien ġdid.

Il-liturġija li qegħdin niċċelebraw illum bit-tberik tan-nar, bit-tberik tal-ilma, bil-kelma ta’ Alla li tkellimna fuq ir-rakkont tal-ħolqien imma wkoll ir-rakkont tas-salvazzjoni tal-poplu Lhudi mill-iskjavitù, imbagħad ix-xandira tas-salvazzjoni li ġabilna Ġesù, hija propju il-liturġija tal-ħolqien ġdid mhux biss tal-kreazzjoni imma tar-rikreazzjoni… Kompli aqra »