Il-Papa Franġisku

Il-Papa fl-Angelus: Jalla mħabbitna għal Alla u l-proxxmu tidwi fina

31/10/2021   Il-Vatikan

Għeżież ħuti, il-jum it-tajjeb!

Fil-Liturġija tal-lum l-Evanġelju jirrakkonta dwar skriba li jersaq qrib Ġesù u jistaqsih: “Liema hu l-akbar kmandament?” (Mk 12:28). Ġesù jwieġeb bi kwotazzjoni mill-Iskrittura u jafferma li l-akbar kmandament hu li tħobb lil Alla; minn dan imbagħad, bħala konsegwenza naturali, jitnissel it-tieni: ħobb li għajrek bħalek innifsek (cfr vv. 29-31). Meta jisma’ din it-tweġiba l-iskriba mhux biss jagħraf li hi f’lokha imma fl-istess waqt, hu u jagħraf kemm hi minnha, itenni kważi l-istess kliem ta’ Ġesù: “Sewwa qiegħed tgħid, Mgħallem; għandek raġun tgħid li wieħed hemm, u li ma hemmx ieħor ħliefu. Iva, li tħobb lilu b’qalbek kollha, b’moħħok kollu, u bil-qawwa tiegħek kollha, u tħobb lil għajrek bħalek innifsek, huwa aqwa minn kull sagrifiċċju tal-ħruq u mis-sagrifiċċji kollha” (vv… Kompli aqra »

Il-Papa Franġisku: l-imħabba biss tiġbed u tbiddel il-qalb tal-bniedem

27/10/2021   Il-Vatikan

Għeżież ħuti, l-għodwa t-tajba!

Il-predikazzjoni ta’ San Pawl hi kollha ċċentrata fuq Ġesù u fuq il-misteru tal-Għid tiegħu. Fil-fatt l-Appostlu jippreżenta ruħu bħala xandar ta’ Kristu, u ta’ Kristu msallab (ara 1 Kor 2:2). Lill-Galatin, ittentati li jibnu r-reliġjożità tagħhom fuq l-osservanza ta’ preċetti u tradizzjonijiet, hu jfakkarhom x’inhu ċ-ċentru tas-salvazzjoni u tal-fidi: il-mewt u l-qawmien tal-Mulej. Dan jagħmlu billi jqegħdilhom quddiemhom ir-realiżmu tas-salib ta’ Ġesù… Kompli aqra »

Il-Papa fl-Angelus: Jeħtieġ li l-migranti ma jergġħux jintbagħtu lura lejn pajjiżi b’nuqqas ta’ sigurtà

25/10/2021   Il-Vatikan

Għeżież ħuti, il-jum it-tajjeb!

L-Evanġelju tal-Liturġija tal-lum jirrakkonta li waqt li kien ħiereġ minn Ġeriko, Ġesù jagħti lura d-dawl lil Bartimew, għama li kien jittallab fit-triq (cfr Mk 10, 46-52). Hi laqgħa importanti, l-aħħar waħda qabel ma l-Mulej jidħol Ġerusalemm għall-Għid. Bartimew kien tilef id-dawl, imma mhux leħnu! Infatti, meta jisma’ li kien se jgħaddi Ġesù jibda jgħajjat: “Bin David, Ġesù, ikollok ħniena minni!” (v… Kompli aqra »

Il-Papa fl-Udjenza: Il-libertà titwettaq fil-karità

21/10/2021   Il-Vatikan

Għeżież ħuti, l-għodwa t-tajba!

F’dawn il-jiem qed nitkellmu fuq il-libertà tal-fidi, aħna u nisimgħu l-Ittra lill-Galatin. Imma ġieni f’moħħi dak li Ġesù qal fuq l-ispontanjetà u l-libertà tat-tfal, meta dan it-tifel bil-libertà kollha resaq lejja u qagħad idur qisu qiegħed id-dar… U Ġesù jgħidilna: “Intom ukoll, jekk ma tagħmlux bħat-tfal iż-żgħar, ma tidħlux fis-Saltna tas-Smewwiet”. Il-kuraġġ li nersqu lejn il-Mulej, li nkunu miftuħin għall-Mulej, li ma nibżgħux mill-Mulej: jiena nirringrazzjah lil dan it-tifel tal-lezzjoni li ta lilna lkoll… Kompli aqra »

Il-Papa fl-Angelus: Jalla l-Ispirtu s-Santu jġedded fina l-grazzja tal-magħmudija

17/10/2021

Għeżież ħuti, il-jum it-tajjeb!

L-Evanġelju tal-Liturġija tal-lum (Mk 10, 35-45) jirrakkonta li żewġ dixxipli, Ġakbu u Ġwanni, jitolbu li Ġesù biex ġurnata waħda jkunu bilqiegħda maġenbu fil-glorja, qieshom xi “prim  ministri”, jew xi ħaġa hekk.  Iżda d-dixxipli l-oħra jisimgħuhom u jieħdu għalihom.  F’dal-punt, bil-paċenzja, Ġesù joffrilhom tagħlima kbira: il-veru glorja ma tinkisibx billi nogħlew fuq l-oħrajn imma billi ngħixu l-istess magħmudija li kellu jirċievi Hu, ftit taż-żmien wara, f’Ġerusalemm, jiġifieri s-salib.  Xi jfisser dan?  Il-kelma ‘magħmudija” tfisser “immersjoni”: bil-Pasjoni tiegħu Ġesù niżel fl-imwiet billi offra ħajtu biex isalvana.  Il-glorja tiegħu, il-glorja t’Alla għalhekk, hi mħabba li ssir qadi, mhux setgħa mxennqa biex tiddomina.  Mhux setgħa bix-xenqa li tiddomina, le!  Hija mħabba li ssir qadi.  Għalhekk Ġesù jtemm jgħid lil tiegħu, u lilna wkoll: “Min irid ikun il-kbir fostkom għandu jkun il-qaddej tagħkom” (Mk 10, 43).  Biex tikbru għandkom timxu t-triq tal-qadi, isservu lill-oħrajn… Kompli aqra »

Il-Papa fl-Angelus jitlob biex persuni b’mard mentali ma jiġux diskriminati

10/10/2021   Il-Vatikan

Għeżież ħuti, il-jum it-tajjeb

Il-Liturġija tal-lum ittina l-laqgħa li kellu Ġesù ma raġel li kellu ħafna ġid (Mk 10:22) u li fl-istorja nsibuh bħala “ż-żgħażugħ għani” (cfr Mt 19:20-22). Ma nafux ismu. L-Evanġelju ta’ San Mark, fil-verità, jgħid li hu “wieħed raġel” bla ma jgħid la kemm għandu żmien u lanqas ismu, biex fih aħna naraw lilna nfusna fih, bħal f’mera. Infatti, il-laqgħa tiegħu ma’ Ġesù, ttina ċ-ċans li nagħmlu eżami tal-fidi… Kompli aqra »

Il-Papa: li niċċelebraw is-sinodu jfisser li nimxu l-istess triq flimkien

11/10/2021

Pope Francis formally opened the Synod of Bishops on Sunday with a solemn Mass in St Peter’s Basilica.

Faithful from around the world – including laymen and -women, priests, seminarians, women and men religious, cardinals and bishops – took part in the liturgy, which marked the beginning of a two-year synodal process.

In his homily, Pope Francis took the day’s Gospel reading, recounting Jesus’ encounter with a rich young man, as the starting point for a reflection on synodality: “Celebrating a Synod,” he said, “means walking on the same road, together.”

Following the example of Jesus, he emphasized three verbs that characterize the Synod: encounter, listen, and discern… Kompli aqra »

Il-Papa jesprimi mistħija li l-Knisja ma indirizzatx l-abbużi

07/10/2021   Il-Vatikan

Għeżież ħuti, l-għodwa t-tajba!

Nerġgħu naqbdu llum ir-riflessjoni tagħna fuq l-Ittra lill-Galatin. Fiha, San Pawl kiteb kliem li ma jmut qatt dwar il-libertà Nisranija. X’inhi l-libertà Nisranija? Illum se nieqfu fuq din it-tema: il-libertà Nisranija.

Il-libertà hija teżor li napprezzawh tassew biss meta nitilfuh. Għal ħafna minna, li mdorrijin ngħixu fil-libertà, spiss tidher iżjed bħala dritt miksub milli bħala don u wirt li rridu nħarsu… Kompli aqra »

Il-Papa grat għall-kuraġġ tal-vittmi li kixfu l-abbużi ħalli l-Knisja tkun tista’ taqbad it-triq tal-fidwa

06/10/2021

An independent commission established by French Catholic Bishops and religious has revealed that an estimated total of 330,000 people in France have been victims of sexual abuse within Church as children, and that between 2,900 and 3,200 priests and religious committed these crimes over a period of seventy years.

The Independent Commission on Sexual Abuse in the Church (CIASE) published its findings on Tuesday in a 2,500-page report after a two-and-a half-year investigation… Kompli aqra »

Il-Papa waqt l-Angelus: il-Mulej iżommna bħalma missier iżomm lil ibnu

03/10/2021

Għeżież ħuti, il-jum it-tajjeb!

Fl-Evanġelju tal-Liturġija tal-lum naraw reazzjoni mhux tas-soltu minn Ġesù: jitlef sabru.  U l-aktar ħaġa sorprendenti hi li ma kinux il-fariżej, li biex jippruvaw jonsbuh jagħmlulu mistoqsijiet dwar jekk id-divorzju hux leċitu, li tilfulu sabru, imma d-dixxipli tiegħu infushom, li biex iħarsuh mir-rassa tal-folla jċanfru xi tfal li tressqu lejn Ġesù.  Fi kliem ieħor, il-Mulej ma jisbilx għal min irid jiddiskuti miegħu, imma għal min, biex iserrħu mill-għejja, ibiegħed minnu lit-tfal.  … Kompli aqra »