Kull sena d-Dar tal-Providenza torganizza kunċert marbut mal-Jum Dinji tal-Persuni b’Diżabilità li jiġi ċċelebrat fit-3 ta’ Diċembru u se jsir nhar il-Ġimgħa 29 ta’ Novembru 2024 fis-7.30pm fil-Knisja Arċipretali ta’ Santa Katarina V.M. fiż-Żejtun.

Fil-kunċert, li se jsir taħt il-patroċinju distint tal-E.T. Mons. Arċisqof Charles J. Scicluna, tieħu sehem il-Banda tal-Forzi Armati ta’ Malta taht id-direzzjoni tas-Surmast u Direttur Mużikali tagħha, il-Maġġur Jonathan Borg… Kompli aqra »

L-MSSP Oratory Youths se jospitaw laqgħa oħra mis-serje ta’ laqgħat popolari tagħhom ‘Bible & Beer’ fil-21 ta’ Novembru 2024 f’Vecchia Napoli, is-Salini, fit-8pm. Din il-laqgħa hi mmirata lejn adulti żgħażagħ ta’ bejn it-18 u l-35 sena.

Waqt il-laqgħa se jinħoloq spazju ta’ djalogu miftuħ dwar l-impatt tad-dipendenza u d-drawwiet moderni fuq il-ħajja ta’ kuljum. Is-sessjoni li jmiss se tindirizza kif attivitajiet komuni—bħall-użu eċċessiv tal-midja soċjali, il-binge-watching, u x-xiri online—xi kultant jistgħu jwasslu għal dipendenza serja, li taffetwa s-saħħa mentali, ir-relazzjonijiet, u l-iskop tal-ħajja… Kompli aqra »

F’maratona li Caritas Malta organizzat matul il-jum tal-bieraħ bit-tema ‘Jimpurtani’ laħqet is-somma ta’ €224,495.

Il-ġbir ta’ fondi jmur b’risq il-persuni għaddejjin minn sitwazzjonijiet diffiċli f’ħajjithom, fosthom dawk li qed ibatu bil-vizzju tad-droga.

Mill-istudjos ta’ Fondazzjoni U f’Ħal Luqa, il-maratona damet madwar 12-il siegħa mill-11am sal-11pm, li matulhom il-poplu Malti u Għawdxi kien imħeġġeġ biex iċempel u jagħti d-donazzjoni tiegħu.

Eks klijenti ta’ Caritas Malta

L-Arċisqof Charles Scicluna żar il-maratona u appella biex inkunu l-vuċi ta’ mħabba lejn dawk għandhom bżonn l-għajnuna tagħna… Kompli aqra »

L-HR Team tal-Kurja tal-Arċisqof (xellug): Dorianne Caruana, Ruth D’Amato, Dr Rebecca Gatt, Odienne Magro u Christine Sciberras

Il-Kurja tal-Arċisqof irċeviet għat-tieni darba l-Marka ta’ Kwalità tar-Riżorsi Umani, li tirrikonoxxi l-professjonaliżmu u l-prattika tajba tal-funzjoni tar-Riżorsi Umani.

Il-premju ġie ppreżentat lil Dr Rebecca Gatt, Direttur tar-Riżorsi Umani, waqt il-konferenza annwali tal-FHRD. Dr Gatt enfasizzat is-sinifikat ta’ din il-kisba, u qalet: “Il-fatt li t-tim tal-HR reġa’ ġie mogħti l-Marka tal-Kwalità tar-Riżorsi Umani turi l-impenn tal-Knisja għal standards għoljin f’oqsma ewlenin tar-Riżorsi Umani, inklużi l-istrateġija, it-tħaddin tal-ħiliet tal-impjegati, l-involviment, l-iżvilupp tal-karriera, u t-trawwim ta’ relazzjonijiet pożittivi fuq il-post tax-xogħol.”

It-Tim tar-Riżorsi Umani hu ta’ servizz għall-Kurja tal-Arċisqof u t-Tribunali Ekkleżjastiċi kif ukoll jgħin entitajiet oħra tal-Knisja fi ħdan l-Arċidjoċesi ta’ Malta… Kompli aqra »

Għin lill‑Arċidjoċesi twettaq il‑missjoni tagħha Agħti Donazzjoni »

Segwi l-qari tal-Quddiesa tal-lum hawnhekk.

Talba għat-Tqarbina tax-Xewqa

Ġesù, jiena nemmen li Inti tinsab tabilħaqq fis-Sagrament tal-Ewkaristija. 
Irrid inħobbok fuq kollox u fuq kulħadd.
Inti taf li nixtieq nirċevik ġewwa fija.
Imma ġaladarba bħalissa ma nistax nilqgħek ġewwa fija sagramentalment,
nitolbok li tiġi fija spiritwalment.
Ejja għandi Ġesù tiegħi, biex jiena niġi għandek… Kompli aqra »

Il-Ġimgħa, 8 ta’ Novembru, fis-6:30 pm, it-teologu Ortodoss, l-Arkimandrita Cyril Hovorun se jagħti taħdita bl-isem ta’ Ecumenism in a Time of Political Instability. Din it-taħdita se ssir fir-Refettorju tal-Kurja tal-Arċisqof fil-Furjana, bħala parti miż-żjara qasira tiegħu f’Malta u bħala l-mistieden tal-Kummissjoni Ekumenika tal-Arċidjoċesi ta’ Malta.

Hovorun, imwieled fl-Ukrajna, huwa saċerdot u professur tat-teoloġija Ortodossa ġewwa Stokkolma fl-Isvezja, u ta konferenzi f’aktar minn 50 università u ċentru madwar id-dinja… Kompli aqra »

Bħala parti mill-programm kulturali tal-oratorji, il-Fondazzjoni tal-Knisja tal-Ġiżwiti se torganizza serata tal-mużika, nhar il-Ħamis 7 ta’ Novembru fis-7:30pm fil-Knisja tal-Ġiżwiti fil-Belt Valletta. Is-serata se tinkludi mużika Franċiża tal-flautist Katie Bycroft u l-pjanista Gisèle Grima li se jkunu qed idoqqu x-xogħol tal-kompożituri bħal Ibert, Gaubert, u Godard.

Nhar il-Ħamis 14 ta’ Novembru, fis-7:30pm, Dr Bernard Micżallef, flimkien ma’ studenti mill-Għaqda tal-Malti tal-Università se jesploraw it-teatrin tar-rumanz Malti ta’ Juann Mamo, ‘Ulied in-Nanna Venut fl-Amerki’… Kompli aqra »