Stqarrijiet għall-Istampa

Iċ-ċelebrazzjonijiet liturġiċi mmexxija mill-Arċisqof Charles Jude Scicluna f’Awwissu 2020

31/07/2020

Matul ix‑xahar ta’ Awwissu, l‑Arċisqof Charles Jude Scicluna ser ikompli jiċċelebra Quddies matul il‑ġimgħa kif ukoll nhar ta’ Ħadd. Dawn iċ‑ċelebrazzjonijiet liturġiċi qed jixxandru fuq TVM2, Knisja.mt u Newsbook.com.mt.

Il‑Quddies organizzat mill‑Arċidjoċesi ta’ Malta qed jixxandar:

  • Mit‑Tnejn sas‑Sibt fid‑9:30 a.m. mill‑Kappella tal‑Madonna ta’ Manresa, fil‑Kurja tal‑Arċisqof, il‑Furjana. Wara l‑Quddiesa tingħad it‑talba tar‑Rużarju. Dan il‑ħin ta’ talb jiġi mtenni fuq TVM2 fil‑5:30 p.m…

    • Kompli aqra »

Aktar ħajjiet maħsuda b’kapriċċ? – Kummissjoni Ambjent

29/07/2020

Xprunata mill‑aħbar tal‑mewt traġika ta’ Miriam Pace, fit‑13 ta’ Marzu 2020, f’waħda mill-istqarrijiet tagħha, il‑Kummissjoni Interdjoċesana Ambjent (KA) tenniet dak li kienet qalet fi stqarrijiet oħra qabel, jiġifieri, li kien “wasal iż‑żmien li l‑awtoritajiet juru biċ‑ċar fejn huma l‑prijoritajiet tagħhom u, b’kuraġġ, jieħdu d‑deċiżjonijiet diffiċli li messhom ilhom li ttieħdu. Minkejja li jistgħu jkunu skomdi għal xi wħud, dawn id‑deċiżjonijiet jagħmlu ġieħ lill‑maġġoranza assoluta tal‑popolazzjoni… Kompli aqra »

Appell biex inkomplu nieħdu ħsieb saħħitna

27/07/2020

Il-Knisja f’Malta tappella biex ilkoll nosservaw b’attenzjoni d-direttivi dwar il-prevenzjoni tal-COVID-19 għall-ħarsien tas-saħħa tagħna u tal-oħrajn. Dan jgħodd ukoll għall-Quddies fil-knejjes.

Il-Knisja tfakkar li għal din is-sena qed torganizza l-festa fil-parroċċi u fi knejjes oħra b’quddiesa u pellegrinaġġ biss. Attivitajiet oħra, bħalma huma l-marċi, mhumiex responsabbiltà tal-Knisja imma tal-entità li torganizzahom u tal-awtorità ċivili li tawtorizzahom. Fil-każ tal-marċi r-responsabbiltà hi tal-każini tal-banda u tal-Pulizija… Kompli aqra »

Quddiesa ta’ radd il-ħajr lil Alla għax-xogħol tal-ħaddiema fil-qasam tas-saħħa

24/07/2020

B’ringrazzjament għall‑ħidma tal‑impjegati kollha fil‑qasam tas‑saħħa waqt l‑eqqel żmien tal‑imxija tal‑COVID‑19, l‑Arċisqof Charles Jude Scicluna se jiċċelebra Quddiesa ta’ radd il‑ħajr lil Alla. Din se ssir nhar il‑Ħamis, 30 ta’ Lulju 2020, fid‑9:30 a.m., fil‑Bażilika ta’ Kristu Re, Raħal Ġdid.

Għal din il‑Quddiesa, il‑Ministeru tas‑Saħħa qed jistieden lill‑frontliners minn diversi oqsma tas‑saħħa li waqt il‑pandemija ħadmu b’dedikazzjoni kbira biex titħares is‑saħħa tal‑poplu Malti u Għawdxi… Kompli aqra »

Ċertifikat ġdid fil-ħarsien tat-tfal u ż-żgħażagħ fl-Università ta’ Malta

Boroż ta’ studju fit-Teoloġija u f’oqsma tal-pastorali

20/07/2020

Certificate in Safeguarding of Children and Young People

APPLICATIONS ARE OPEN!www.um.edu.mt/courses/overview/UCSCUPTE-2020-1-O

Posted by Faculty of Theology – University of Malta on Monday, July 20, 2020

Il‑Fakultà tat‑Teoloġija fl‑Università ta’ Malta, flimkien mal‑Fakultà għat‑Tisħiħ tas‑Soċjetà u s‑Safeguarding Commission tal-Knisja f’Malta, qed tniedi Ċertifikat fil‑Ħarsien (Safeguarding) tat‑Tfal u ż‑Żgħażagħ li se jiftaħ f’Ottubru 2020. L‑applikazzjonijiet miftuħin.

Iċ‑Ċertifikat hu fuq bażi part‑time (filgħaxija) u mifrux fuq żewġ semestri… Kompli aqra »

Restawr u konservazzjoni f’parroċċi b’investiment ta’ €4 miljun kofinanzjati minn fondi Ewropej

10/07/2020

L‑Arċidjoċesi ta’ Malta se tidħol għal xogħol ta’ restawr u konservazzjoni ta’ għaxar proġetti addizzjonali mas‑17‑il proġett li diġà tħabbru s‑sena li għaddiet, b’investiment totali ta’ madwar €4 miljun b’kofinanzjament ta’ 80% minn fondi tal‑Unjoni Ewropea. Dawn il‑proġetti jinkludu r‑restawr strutturali tal‑knejjes kif ukoll il‑konservazzjoni ta’ diversi opri tal‑arti, fosthom żewġ pitturi ta’ Francesco Zahra.

Dan tħabbar waqt konferenza tal‑aħbarijiet li saret ilbieraħ filgħaxija quddiem il‑knisja parrokkjali tal‑Qrendi, li ġiet indirizzata mis‑Segretarju Amministrattiv tal‑Arċidjoċesi ta’ Malta Michael Pace Ross, u mis‑Segretarju Parlamentari għall‑Fondi Ewropej l‑Onor… Kompli aqra »

Il-proċess t’applikazzjoni għad-dħul fis-Sixth Forms tal-Knisja 2020/21

03/07/2020

Id‑dħul fis‑Sixth Forms tal‑Knisja għas‑sena skolastika li ġejja 2020/21 se jinżamm bl‑istess prinċipji użati fis‑snin imgħoddija minkejja d‑diffikultajiet li nħolqu bl‑effett tal‑pandemija tal‑covid‑19.

Is‑Sixth Forms tal‑Kulleġġ De La Salle u l-Kulleġġ San Alwiġi ħadmu mill‑qrib, flimkien mas‑Segretarjat għall‑Edukazzjoni Kattolika, sabiex ikun żgurat li l‑istess kriterju bażiku jibqa’ jintuża għad‑dħul biex jimtela n‑numru limitat ta’ postijiet għad‑dispożizzjoni. Għaldaqstant, il‑proċess tal‑għażla għad‑dħul fis‑Sixth Forms tal‑Knisja se jibqa’ bbażat fuq il‑mertu akkademiku bħas‑snin ta’ qabel… Kompli aqra »

L-abbozz tal-Liġi tal-Ugwaljanza joħnoq id-dritt għat-twemmin reliġjuż u l-libertà tal-għażla tal-ġenituri

02/07/2020

L‑Assoċjazzjoni tal‑Iskejjel tal‑Knisja, is‑Segretarjat għall‑Edukazzjoni Nisranija, il‑Kunsill tas‑Superjuri Maġġuri Reliġjużi, kif ukoll rappreżentanti tal‑assoċjazzjonijiet tal‑ġenituri li għandhom uliedhom fl‑iskejjel tal‑Knisja, esprimew tħassib serju dwar l‑abbozz tal-Liġi 96 dwar l‑Ugwaljanza li qed jiġi diskuss fil‑Parlament. L‑abbozz, li l‑għan tiegħu kellu jkun li jippromwovi r‑rispett lejn id‑diversità, fil‑fatt qed joħnoq id‑dritt tal‑libertà tat‑twemmin b’konsegwenzi serji fuq l‑espressjoni tal‑etos Nisrani tal‑iskejjel tal‑Knisja. Dan iwassal għall‑konsegwenza li l‑ġenituri jiġu mċaħħda mid‑dritt li jagħżlu skejjel b’etos partikolari għal uliedhom… Kompli aqra »

Xandiriet taċ-ċelebrazzjonijiet liturġiċi mmexxija mill-Arċisqof Charles Jude Scicluna f’Lulju 2020

02/07/2020

Matul ix‑xahar ta’ Lulju, l‑Arċisqof Charles Jude Scicluna ser ikompli jiċċelebra Quddies matul il‑ġimgħa kif ukoll kull nhar ta’ Ħadd. Dawn iċ‑ċelebrazzjonijiet liturġiċi qed jixxandru fuq TVM2, Knisja.mt u Newsbook.com.mt.

Il‑Quddies organizzat mill‑Arċidjoċesi ta’ Malta qed jixxandar:

  • Mit‑Tnejn sas‑Sibt fid‑9:30am mill‑Kappella tal‑Madonna ta’ Manresa, fil‑Kurja tal‑Arċisqof, il‑Furjana. Wara l‑Quddiesa tingħad it‑talba tar‑Rużarju. Dan il‑ħin ta’ talb jiġi mtenni fuq TVM2 fil‑5:30pm mit‑Tnejn sal‑Ġimgħa…

    • Kompli aqra »

II-miżuri ta’ prevenzjoni waqt il-Quddies fil-knejjes

01/07/2020

Il‑Knisja f’Malta qed taġġorna d‑direttivi rigward il‑Quddies u ċelebrazzjonijiet liturġiċi oħra fil‑preżenza tal‑pubbliku, li permezz tagħhom numru ta’ miżuri ta’ prevenzjoni kontra l‑imxija tal‑covid‑19 ser jibqgħu fis‑seħħ u oħrajn aktar restrittivi jitnaqqsu. Dawn id‑direttivi jidħlu fis‑seħħ mil‑lum l‑1 ta’ Lulju 2020, u jibqgħu fis‑seħħ sakemm jinħarġu direttivi oħra mill‑Awtoritajiet Ekkleżjastiċi. Id‑direttivi aġġornati huma aċċessibbli hawnhekk.

Il‑miżuri obbligatorji li ser jinżammu jinkludu:

  1. Id‑distanza soċjali ġol‑knisja ħlief għall‑membri tal‑familja li jgħixu fl-istess dar
  2. Sanitiser fil‑bieb għall‑użu tal‑pubbliku
  3. It‑Tqarbin ser jibqa’ jsir fl‑idejn u fil‑post
  4. Ħasil regolari u ventilazzjoni tal‑knejjes
  5. Il‑fonti tal‑ilma mbierek jitħallew vojta
  6. Persuni b’sintomi respiratorji jew ta’ influwenza ma jitħallewx jidħlu

Id‑deċiżjoni tal‑Isqfijiet tat‑12 ta’ Marzu li għadda, li permezz tagħha l‑Insara ngħataw dispensa mill‑obbligu tal‑Quddies ta’ nhar ta’ Ħadd, għalissa ser tibqa’ fis‑seħħ… Kompli aqra »