Il‑Parroċċa ta’ Kristu Re f’Raħal Ġdid se temenda l‑applikazzjoni tal‑ippjanar tagħha għal kafetterija żgħira fuq il‑bejt tal‑knisja sabiex tispeċifika li ebda ikel ma jista’ jissajjar fuq il‑post.

Wara diskussjonijiet li saru bejn l‑Arċidjoċesi ta’ Malta u l‑kappillan Dun Marc André Camilleri, intlaħaq qbil li minflok liċenzja ta’ 4D, il‑parroċċa tapplika għal liċenzja ta’ 4C li ma tippermettix li jsir tisjir fuq il‑post… Kompli aqra »

L‑Arċisqof Charles Scicluna se jordna erba’ djakni ġodda nhar is‑Sibt li ġej, 13 ta’ April 2024. L-erba’ djakni huma s‑seminarist Matthew Sammut mill-Parroċċa ta’ Kristu Rxoxt f’Pembroke; Johan Bugeja, Salesjan ta’ Don Bosco; u żewġ studenti tal-Institute for World Evangelisation – ICPE Mission: Tian Ci Shawn Dominic Wong minn Singapore u Jerome Savioraj Barnabas mill-Indja.

Il‑quddiesa se ssir fil‑Konkatidral ta’ San Ġwann fil‑Belt Valletta, fid‑9:30am… Kompli aqra »

Illejla, waqt il‑Vġili Solenni tal‑Qawmien tal‑Mulej mill‑Imwiet fil‑Konkatidral ta’ San Ġwann, l‑Arċisqof Charles Scicluna se jiċċelebra s‑Sagramenti tad‑Dħul fil‑Ħajja Nisranija (magħmudija, griżma u tqarbin) lil 14‑il katekumenu, jiġifieri persuni li f’età adulta jagħżlu l‑ħajja Nisranija. L-14‑il adult, li llejla b’dawn is‑sagramenti se jsiru membri ġodda tal‑Knisja Kattolika, huma mill‑Albanija, iċ‑Ċina, l-Indja, il‑Kolumbja, Malta, Mauritius u r‑Renju Unit. Dawn il‑katekumeni temmew il‑programm tar‑Rit għad‑Dħul tal‑Adulti fil‑Ħajja Nisranija… Kompli aqra »

L‑Arċisqof Charles Scicluna rringrazzja lill‑ministri straordinarji tat‑tqarbin għad‑dedikazzjoni u s‑servizz tagħhom fil‑parroċċi u f’komunitajiet oħra. Huwa għamel dan f’Ħamis ix‑Xirka, il‑ġurnata li fiha Ġesù Kristu waqqaf is‑sagrament tal‑Ewkaristija waqt l‑Aħħar Ċena.

F’ittra mibgħuta lill‑ministri kollha tat‑tqarbin fl‑Arċidjoċesi ta’ Malta, l‑Arċisqof qal li l‑missjoni tagħhom hi ferm importanti għall‑Knisja. Dan għaliex mhux biss joffru servizz waqt iċ‑ċelebrazzjonijiet liturġiċi, iżda wkoll iwasslu lil Ġesù Ewkaristija lill‑morda u lil dawk li għal xi raġuni jew oħra ma jistgħux joħorġu minn darhom… Kompli aqra »

Kappillan ġdid għall-parroċċa tal-Imqabba Dun Blake Camilleri

L‑Arċisqof Charles Scicluna qed jafda l‑ħidma pastorali tal‑parroċċa ta’ Santa Marija fl‑Imqabba f’idejn Dun Blake Camilleri bħala l‑kappillan ta’ din il‑parroċċa. Mons. Arċisqof jirringrazzja lil Dun John Philip Curmi tal‑ħidma tiegħu bħala kappillan f’din il‑parroċċa għal dawn l‑aħħar 10 snin.

Dun Blake Camilleri twieled fit‑8 ta’ Mejju 1984. Beda l‑mixja għas‑saċerdozju fis‑Seminarju Maġġuri tal‑Arċisqof f’Tal‑Virtù fir‑Rabat u studja fil‑Fakultà tat‑Teoloġija fl‑Università ta’ Malta minn fejn iggradwa fil‑Filosofija u t‑Teoloġija… Kompli aqra »