Stqarrijiet għall-Istampa

Il-Governanza bħala amministrazzjoni u ħarsien tal-Istat u tal-komunità internazzjonali – L-Arċisqof f’Jum l-Indipendenza

Quddiesa pontifikali ċelebrata fil-55 anniversarju mindu Malta kisbet l-Indipendenza

21/09/2019
  • L-omelija tal-Arċisqof Charles J. Scicluna

  • Il-Konkatidral ta’ San Ġwann, il-Belt Valletta
    21 ta’ Settembru 2019

    Il‑55 anniversarju tal‑Indipendenza ta’ Malta li wasslet għall‑konsegwenza tal‑kisba tas‑sovranità għall‑Gżejjer Maltin tagħtini l‑opportunità li noffri ftit riflessjonijiet dwar il‑governanza bħala l‑arti tal‑amministrazzjoni tal‑Istat fuq livell kemm nazzjonali kif ukoll internazzjonali.

    Din l‑arti tal‑amministrazzjoni tgħin lill‑mexxej, f’dan il‑każ il‑mexxej politiku, biex jgħix is‑sejħa għolja tiegħu li jkun amministratur bir‑riedni tad‑dar f’idejh, f’dan il‑każ qed nirreferi għall‑Istat, fi spirtu ta’ servizz lejn is‑soċjetà u l‑promozzjoni tal‑ġid komuni…

    • Kompli aqra »

L-Isqof Galea-Curmi jiltaqa’ mal-edukaturi l-ġodda tal-iskejjel tal-Knisja

Bidu tas-Sena Skolastika 2019-2020 fl-iskejjel tal-Knisja

20/09/2019

  • Bi tħejjija għall‑ftuħ tas‑sena skolastika, l‑Isqof Awżiljarju Joseph Galea‑Curmi ltaqa’ mal‑edukaturi l‑ġodda fl‑iskejjel tal‑Knisja waqt seminar organizzat mis‑Segretarjat għall‑Edukazzjoni Nisranija. L‑Isqof rringrazzja lill‑għalliema u wera l‑apprezzament tal‑Knisja f’Malta għall‑ħidma tagħhom. Hu stedinhom biex fis‑servizz li jagħtu jgħaqqdu flimkien żewġ aspetti importanti: il‑professjonalità u x‑xhieda ta’ ħajja Nisranija. Hu qal li l‑edukazzjoni fl‑iskejjel tal‑Knisja għandha tkun sostnuta bil‑valuri tal‑Evanġelju u tgħin lill‑istudenti biex ikollhom l‑għeruq tagħhom f’dawn il‑valuri…

    • Kompli aqra »

Stqarrija dwar Patri Deo Debono OSA

18/09/2019

  • Bi qbil mal‑Provinċjal tal‑Patrijiet Agostinjani, Patri Leslie Gatt, l‑Arċisqof Charles J. Scicluna ddeċieda li Patri Deo Debono, Agostinjan, ma jibqax kappillan tal‑Parroċċa ta’ Santu Wistin, il‑Belt Valletta, u ma jeżerċitax il‑ministeru saċerdotali fil‑pubbliku sakemm jibqgħu pendenti l‑investigazzjonijiet tal‑pulizija u kwalunkwe proċedura quddiem il‑Qrati Ċivili. Dan b’rabta mal‑allegazzjonijiet li ġew irrappurtati fil‑media fil‑konfront tal‑istess patri.

    • Kompli aqra »

…

Bord ġdid għall-istitut Discern

18/09/2019

  • Dr Sue Vella, maħtura bħala ċ-chairperson ta’ Discern

    L‑Arċisqof Charles J. Scicluna ħatar lil Dr Sue Vella bħala chairperson ta’ Discern, l‑istitut tal‑Knisja għar‑Riċerka tas‑Sinjali taż‑Żminijiet.

    Dr Vella hija senior lecturer fil‑Fakultà għat‑Tisħiħ tas‑Soċjetà u membru fid‑Dipartiment tal‑Politika Soċjali u Ħidma Soċjali tal‑Università ta’ Malta. Hija wkoll membru fuq bord ta’ NGO u ta’ kumpanija privata…

    • Kompli aqra »

L-Isqfijiet Maltin jifirħu lill-Arċisqof-elett Antoine Camilleri

03/09/2019

  • Il‑Konferenza Episkopali Maltija tifraħ lill‑Monsinjur Antoine Camilleri għall‑ħatra tiegħu mill‑Papa Franġisku bħala Arċisqof titulari ta’ Skálholt u Nunzju Appostoliku. L‑Arċisqof Charles J. Scicluna, l‑Isqof Mario Grech u l‑Isqof Awżiljarju Joseph Galea‑Curmi, miġburin waqt laqgħa tal‑Konferenza Episkopali, laqgħu din l‑aħbar u wegħdu t‑talb tal‑Knisja f’Malta u Għawdex għal din il‑missjoni ġdida fdata lill‑Monsinjur Camilleri.  

    • Kompli aqra »

…

Ċelebrazzjonijiet liturġiċi mmexxija mill-Arċisqof Charles J. Scicluna f’Settembru 2019

31/08/2019

  • Il-Ħadd, 1 ta’ Settembru, fil‑11:00 a.m., l‑Arċisqof Charles J. Scicluna jiċċelebra Quddiesa fil-Knisja ta’ San Pawl tal-Ħġejjeġ, San Pawl il-Baħar.

    Is-Sibt, 7 ta’ Settembru, fis-6:00 p.m., lejlet il‑festa tat‑Twelid tal‑Verġni Marija, Monsinjur Arċisqof imexxi Traslazzjoni tar-relikwa u wara jiċċelebra Quddiesa Pontifikali fil-Knisja Arċipretali tal-Mellieħa.

    Il‑Ħadd 8 ta’ Settembru, fl‑10:00 a.m., festa tat‑Twelid tal‑Verġni Marija, Monsinjur Arċisqof jiċċelebra Quddiesa fil-Kappella tat‑Twelid tal‑Verġni Marija, fil-Forti Sant’Anġlu, il-Birgu…

    • Kompli aqra »

Ftuħ tax-Xahar tal-Ħolqien 2019

30/08/2019

  • Il‑Kummissjoni Interdjoċesana Ambjent ser tiftaħ ix‑Xahar tal‑Ħolqien biċ-ċelebrazzjoni ta’ Quddiesa kif ukoll taħdita fix‑Xgħajra. It‑taħdita mill‑Prof. Carmel Agius ser tkun dwar is‑seħer tal‑ħajja f’qiegħ il‑baħar tax‑Xgħajra u r‑rabta li dan għandu man‑nies tal‑lokal. Din l‑attività ser issir f’Dawret ix‑Xatt, ix‑Xgħajra stess, nhar it‑Tlieta 3 ta’ Settembru fis‑6:30pm. Kulħadd huwa mistieden jattendi.

    Ta’ kull sena, bejn l‑1 ta’ Settembru u l‑4 ta’ Ottubru, ix‑Xahar tal‑Ħolqien jistedinna biex bħala familja waħda nfittxu li flimkien insaħħu r‑relazzjoni tagħna ma’ xulxin, mal‑ħolqien u mal‑Ħallieq…

    • Kompli aqra »

Interessat tibda kors?

07/08/2019

  • Fis‑sena akkademika li tibda f’Ottubru 2019, l‑Istitut ta’ Formazzjoni Pastorali u diversi entitajiet formattivi oħra fi ħdan il‑Knisja ser joffru korsijiet varji ta’ formazzjoni. Fost id‑disa’ korsijiet offruti mill‑Istitut ta’ Formazzjoni Pastorali hemm korsijiet dwar l‑Ekumeniżmu, l‑għeruq tal‑fidi Nisranija fil‑Ġudaiżmu,  l‑ispiritwalità, l‑irwol tan‑Nisrani fis‑soċjetà, u oħrajn.

    Il‑korsijiet offruti huma dawn:

    • L‑Iżvilupp tar‑Responsabbiltà Ambjentali/Developing Environmental Responsibility (Livell 4)
    • L‑Iskoperta tal‑Fidi Permezz tal‑Arti/The Way of Beauty: Discovering Faith Through Art (Livell 4)
    • L‑Esperjenza Umana ta’ Alla fit‑Talb/The Human Experience of God in Prayer (Livell 4)
    • L‑Ekumeniżmu/Ecumenism (Livell 5)
    • Il‑Ministeru Pastorali tal‑Familja/Family Ministry (MQF Livell 5)
    • L‑Għeruq tal‑Fidi Nisranija fil‑Ġudaiżmu/Jewish Roots in Christianity (Livell 5)
    • It‑Teoloġija/Theology (MQF Livell 5)
    • Il‑Kura Pastorali fl‑Iskejjel/Pastoral Care ‑ Chaplaincy in Schools (MQF Livell 6)
    • Id‑Dimensjoni Spiritwali fil‑Kura tas‑Saħħa/The Spiritual Dimension in Health Care (MQF Livell 6)


    L‑Istitut ta’ Formazzjoni Pastorali twaqqaf fl‑2007 bl‑iskop li joffri formazzjoni għall‑ħtiġijiet reali tas‑soċjetà kontemporanja…

    • Kompli aqra »

L-Isqof Giovanni Cefai jżur Malta

06/08/2019

  • Nhar il‑Ġimgħa, 9 ta’ Awwissu 2019, jasal Malta mill‑Perù l‑Isqof Giovanni Cefai, l‑ewwel isqof Malti tas‑Soċjetà Missjunarja ta’ San Pawl (MSSP). Din hi l‑ewwel żjara tiegħu f’Malta minn meta fit‑3 ta’ April li għadda l‑Papa Franġisku ħatru Isqof tal‑Prelatura Territorjali l‑ġdida ta’ Santiago Apóstol de Huancané, fil‑Perù.

    Fil‑bidu taż‑żjara tiegħu f’Malta, is‑Sibt, 10 ta’ Awwissu fl‑10:00 a.m., l‑Isqof Cefai ser jiċċelebra Quddiesa quddiem l‑inkwatru tal‑Madonna ta’ Pompej li jinsab fil‑Knisja tal‑Ġiżwiti, il‑Belt Valletta…

    • Kompli aqra »

Ċelebrazzjonijiet liturġiċi mmexxija mill-Arċisqof Charles J. Scicluna f’Awwissu 2019

01/08/2019

  • It‑Tnejn, 5 ta’ Awwissu, fis‑6:30 p.m., l‑Arċisqof Charles J. Scicluna jmexxi Traslazzjoni Solenni lejlet il‑festa tas‑Salvatur, fil‑parroċċa ta’ Ħal Lija.

    It‑Tlieta, 6 ta’ Awwissu, fid‑9:15 a.m., Monsinjur Arċisqof jiċċelebra Quddiesa Pontifikali fil‑festa tas‑Salvatur, fil‑Knisja Parrokkjali ta’ Ħal Lija.

    L‑Erbgħa, 14 ta’ Awwissu, fil‑5:00 p.m., lejlet il‑festa ta’ Santa Marija Mtellgħa s‑Sema, Monsinjur Arċisqof imexxi l‑investitura tal‑kanonċi l‑ġodda tal‑Kapitlu Metropolitan, Traslazzjoni Solenni, l‑Ewwel Għasar u Quddiesa, fil‑Katidral ta’ San Pawl l‑Imdina…

    • Kompli aqra »