Iż-Żjara tal-Papa

Opportunità unika biex il-poplu Malti jagħti merħba mill-isbaħ lill-qdusija tiegħu l-Papa Franġisku

Stqarrija mill-kumitat organizzattiv tal-Knisja u mill-kumitat organizzattiv tal-Istat

01/04/2022

(lemin) L-Isqof Joseph Galea-Curmi u s-Sur Aaron Zahra

Jumejn qabel tibda ż‑żjara uffiċjali tal‑Papa Franġisku f’pajjiżna bit‑tema “Ġabu ruħhom magħna bi ħlewwa liema bħalha” meħuda mill‑Atti tal‑Appostli, l‑Isqof Awżiljarju Joseph Galea‑Curmi flimkien maċ‑Chairman tal‑Kumitat Organizzattiv tal‑Istat Aaron Zahra indirizzaw konferenza tal‑aħbarijiet biex jingħataw dettalji dwar dan il‑Vjaġġ Appostoliku.

L‑Isqof Galea‑Curmi qal li huwa b’ferħ kbir għalina l‑Maltin u l‑Għawdxin li wara sentejn li kien tħabbar dan il‑vjaġġ, nhar is‑Sibt li ġej nilqgħu fostna l‑Qdusija Tiegħu l‑Papa Franġisku… Kompli aqra »

Ikomplu t-tħejjijiet għaż-żjara tal-Papa Franġisku f’Malta

31/03/2022

Il‑Knisja f’Malta nediet diversi inizjattivi bħala parti mit‑tħejjija għall‑Vjaġġ Appostoliku tal‑Papa Franġisku f’Malta. 

Pope Francis in Malta

Għall‑Vjaġġ Appostoliku tal‑Papa Franġisku nħolqot il‑paġna fuq Facebook ‘Pope Francis in Malta’ fejn qed jittellgħu dettalji relatati mal‑preparamenti u maż‑żjara nnifisha. Matul il‑jumejn li l‑Papa Franġisku jkun Malta, din il‑paġna se tkun qed tiġi kontinwament aġġornata b’ritratti u filmati mil‑lokalitajiet u l‑parroċċi minn fejn ikun għadda l‑Papa… Kompli aqra »

Il-Papa jitlob għat-talb għaż-żjara tiegħu f’Malta

30/03/2022

At the conclusion of Wednesday’s General Audience, Pope Francis asks for prayers for his weekend visit to Malta from 2-3 April, while thanking all those involved in the preparations.

Pope Francis spoke about his Apostolic Journey coming up this weekend to the Mediterranean island of Malta.

The Pope said he looks forward to visiting that “luminous land” following in the footsteps of the Apostle Paul, who was warmly welcomed there after being shipwrecked at sea on his way to Rome. 

He said this Apostolic Journey will offer a unique opportunity “to go to the wellsprings of the proclamation of the Gospel” and experience for himself the Christian community there whose lively history goes back thousands of years… Kompli aqra »

Wirja ta’ ritratti f’Bieb il-Belt dwar iż-żjarat tal-Papiet f’Malta

30/03/2022

Fid‑daħla tal‑Belt Valletta bħalissa għaddejja wirja b’ritratti tal-vjaġġi appostoliċi f’Malta mill‑Papiet fis-snin li għaddew. Din qed issir bi tħejjija għaż‑żjara fostna ta’ jumejn mill‑Papa Franġisku nhar is‑Sibt u l‑Ħadd li ġej.

Ir‑ritratti, li jmorru lura għall‑1990 meta l‑Papa San Ġwann Pawlu II qal li “l‑Ewropa teħtieġ ix‑xhieda fidila ta’ Malta”, huma akkumpanjati minn frażijiet ewlenin li l‑Papiet qalu matul iż‑żjarat tagħhom f’Malta.

Il‑Papa Franġisku se jkun it‑tielet Papa li jżur Malta… Kompli aqra »

Ilkoll aħwa f’Malta: il-ħlewwa fl-ospitalità

30/03/2022   Il-Parroċċa ta’ San Ġużepp, il-Kalkara

Il-ħames u l-aħħar laqgħa ta’ Ilkoll Aħwa se ssir nhar il-Ġimgħa, 1 ta’ April bit-tema ‘Ilkoll aħwa f’Malta: il-ħlewwa fl-ospitalità’ u se titmexxa minn Mark Cachia.

L-ospitalità Nisranija tibda b’attitudni ta’ gratitudni lejn dak Alla li jilqa’. Fl-Evanġelju, Kristu ma jidhirx biss bħala dak li jilqa’ bil-ħniena imma wkoll bħala barrani vulnerabbli u fil-bżonn. Ġesù hu dak li jilqa’ u li għandu bżonn jiġi milqugħ… Kompli aqra »

Żewġ kotba ta’ studenti Maltin u Għawdxin se jiġu ppreżentati lill-Papa Franġisku

29/03/2022

Bi tħejjija għall‑miġja tal‑Papa Franġisku f’Malta u Għawdex nhar is‑Sibt u l‑Ħadd li ġej, studenti minn 81 skola tal‑Istat, tal‑Knisja u Indipendenti fl‑aħħar ġimgħat ġew mistiedna jesprimu ruħhom b’mod artistiku dwar it‑tema ‘Ilkoll Aħwa’. Dan permezz ta’ tpinġijiet, filmati, żfin, collages, intervisti, kitbiet, poeżiji u mudelli maħduma bl‑idejn. Ix‑xogħol li ħolqu l‑istudenti nġabar f’żewġ kotba li l‑Isqfijiet ta’ Malta u Għawdex se jippreżentaw lill‑Papa Franġisku meta se jkellmuh dwar il‑ħidma tal‑Knisja f’Malta… Kompli aqra »

L-istorja li se jirrakkonta l-podju tal-Papa f’Malta

Id-disinn ta’ Carlo Schembri għal f’Ħal Far jitfa' dawl fuq verità kerha

29/03/2022

The podium on which Pope Francis will meet migrants in Ħal Far

The plight of migrants at sea will literally take centre stage when Pope Francis visits the Ħal Far Peace Lab during his two-day visit this weekend.

The podium on which the pope will meet migrants on April 3 will tell the story of the dark reality that is often ignored as people get on with their busy lives, said artistic director Carlo Schembri… Kompli aqra »

Aktar dettalji dwar iż-żjara tal-Papa Franġisku f’Għawdex

24/03/2022

Kif tħabbar fl-24 ta’ Frar li għadda mis-Sala Stampa tal-Vatikan, waqt iż-Żjara tal-Papa Franġisku f’Għawdex bħala parti mis-36 Vjaġġ Appostoliku tiegħu, hu se jkun qed imexxi Laqgħa ta’ Talb fuq iz-Zuntier tas-Santwarju Nazzjonali tal-Madonna Ta’ Pinu, li tibda fil-5:30pm.

Qabel tibda l-laqgħa fuq barra, il-Papa sa jitlob fis-skiet quddiem il-kwadru fil-Kappella tal-Madonna u jgħid it-tliet Avemarijiet li rrakkomandat il-Madonna Ta’ Pinu lil Karmni Grima meta sejħitilha fl-1883, f’ġieħ it-tlett ijiem li l-ġisem qaddis tagħha dam fil-qabar qabel it-Tlugħ fis-Sema… Kompli aqra »

Ilkoll Aħwa: Ġustizzja, ħniena u rikonċiljazzjoni

23/03/2022   Il-Parroċċa ta’ Santa Marija, Ħ’Attard

Ir-raba’ laqgħa ta’ Ilkoll Aħwa se ssir nhar il-Ġimgħa, 25 ta’ Marzu bit-tema ‘Ġustizzja, ħniena u rikonċiljazzjoni’, li huma tliet pilastri tat-tagħlim tal-Papa Franġisku. Dawn huma meħtieġa għall-benessri tagħna mibnija fuq relazzjonijiet b’saħħithom kemm fl-intimità ta’ djarna kif ukoll fl-isfera politika. Din it-taħdita se titmexxa minn Nadia Delicata.

Il-ġustizzja hi bbażata fuq il-verità dwar id-dinjità ugwali ta’ kull bniedem u kif ilkoll għandna dritt niffjorixxu f’ambjent b’saħħtu, permezz ta’ netwerk ta’ relazzjonijiet stabbli u ta’ wens, waqt li nkunu arrikkiti bil-wirt kulturali kif mgħoddi lilna minn missirijietna… Kompli aqra »

Eluf għall-quddiesa mal-Papa Franġisku fuq il-Fosos

Ġimagħtejn mill-vjaġġ appostoliku tal-Papa f'Malta

19/03/2022

Il‑Kumitat Organizzattiv Djoċesan għaż‑żjara tal‑Papa qed jippubblika impressjoni artistika tat‑tribuna li se tinbena fuq il‑Fosos u li minnha l‑Papa Franġisku se jiċċelebra l‑quddiesa tal‑Ħadd, 3 ta’ April 2022, fl‑10:15am. Din ġiet iddisinjata mid‑direttur artistiku Carlo Schembri bil‑kollaborazzjoni tal‑Perit Joe Bondin li qed jieħu ħsieb l‑istruttura tagħha u s-Sur Anton Attard li qed jieħu ħsieb il-loġistika.

Id‑disinn tat‑tribuna hu ispirat mill‑forma tal‑kurċifiss, biċ‑ċirku u r‑raġġi ħerġin minnu jirrappreżentaw l‑Ewkaristija… Kompli aqra »