Il-Kummissjoni Djoċesana Għad-Djalogu Interreliġjuż twaqqfet minn Mons. Arċisqof Pawlu Cremona permezz ta’ digriet maħruġ nhar it-2 ta’ Marzu 2011.
Għan
Il-Kummissjoni Djoċesana għad-Djalogu Interreliġjuż, imwaqqfa fit-2 ta’ Marzu 2011, għandha l-iskop li ssaħħaħ u ġġib ’il quddiem ir-rabtiet bejn il-Knisja Kattolika f’Malta u l-komunitajiet reliġjużi mhux Insara li jinsabu f’pajjiżna. Fost oħrajn il-Kummissjoni tgħin fil-formazzjoni tal-komunità Nisranija f’Malta biex tagħraf aktar il-missjoni tagħha f’soċjetà li, aktar ma jgħaddi ż-żmien, aktar qiegħda ssir multi-etnika u pluri-reliġjuża. Dan isir permezz ta’ attivitajiet li bihom l-Insara f’pajjiżna jkollhom għarfien aktar profond tad-duttrina u l-morali tar-reliġjonijiet preżenti f’pajjiżna kif ukoll ta’ kif għandhom iwieġbu għal dawn l-isfidi ġodda.
Ħidma
Il-Kummissjoni:
- Tagħti parir lill-Arċisqof dwar kwistjonijiet li jolqtu d-djalogu interreliġjuż.
- Tgħin fil-formazzjoni tal-komunità Nisranija f’Malta biex tagħraf aktar il-missjoni tagħha f’soċjetà li, aktar ma jgħaddi ż-żmien, aktar qiegħda ssir multi-etnika u pluri-reliġjuża. Dan isir permezz ta’ attivitajiet li bihom l-Insara f’pajjiżna jkollhom għarfien aktar profond tad-duttrina u l-morali tar-reliġjonijiet preżenti f’pajjiżna kif ukoll ta’ kif għandhom iwieġbu għal dawn l-isfidi ġodda.
- Tieħu ħsieb torganizza u tieħu sehem f’attivitajiet li għandhom x’jaqsmu mad-djalogu interreliġjuż.
Din il-ħidma hija mmirata biex iġġib ’il quddiem id-djalogu interreliġjuż filwaqt li tgħin lill-Insara jagħrfu aktar il-fidi tagħhom u l-ħtieġa li jxandruha.
Struttura
Rev. Dr Joseph Ellul OP, Chairperson
Prof. John Berry, Segretarju
Sa Ann Marie Magrin
Rev. Edmund Teuma, OFM Conv.
Dr Rebecca Berry Wellman
Prof. Michael Zammit