F’Novembru 2013 intlaqgħu l-applikazzjonijiet tal-Ewwel Kriterju tal-Każijiet Umanitarji Gravi. Minn dakinhar ‘l hawn, numru kbir minn dawn il-każijiet ġew ipproċessati, oħrajn għadhom mhux konklużi.
B’riżultat ta’ dan nistgħu ninfurmaw lil dawk li se japplikaw għal Każ Umanitarju Gravi tat-Tielet Kriterju bin-numru ta’ postijiet vakanti u l-iskejjel li jistgħu jaċċettaw tfal li għandhom bżonn l-għajnuna ta’ L.S.A.
Fl-ewwel sena Kindergarten in-numru ta’ postijiet vakanti għas-subien u bniet huwa ta’ 10 u l-iskejjel huma:
St. Angela: Cospicua, Lija, Rabat, Sliema, Żabbar.
St. Francis: San Ġwann, San Pawl il-Baħar.
Theresa Nuzzo: Ħamrun, Żejtun.
Fit-tieni sena Kindergarten in-numru ta’ postijiet vakanti għas-subien huwa ta’ 2 u għall-bniet hemm 10 postijiet. Il-postijiet vakanti huma f’dawn l-iskejjel:
Subien: St. Aloysius Primary Balzan, St. Angela Msida.
Bniet: St. Dorothy Ħaż-Żebbuġ; St. Joseph: Blata l-Bajda, Paola;
St. Monica: Gżira, Mosta; St. Jeanne Antide College, Kinder Gudja.
Fl-ewwel sena Primarja n-numru ta’ postijiet vakanti għas-subien huwa ta’ 4. Il-postijiet vakanti huma f’dawn l-iskejjel:
De La Salle, St. Benild (Stella Maris College).
L-iskejjel tal-bniet li jistgħu jaċċettaw każijiet fl-ewwel sena Primarja huma dawn:
Our Lady Immaculate School Ħamrun, St. Jeanne Antide College, Primary Gudja, St. Joseph Sliema, St. Monica B’Kara, Gżira, Mosta – peress li għadu għaddej ix-xogħol marbut mal-applikazzjonijiet tal-ewwel kriterju, ma nistgħux niddeterminaw in-numru ta’ postijiet vakanti f’kull skola. Iktar informazzjoni tingħata aktar tard.
Fit-tielet sena primarja hemm 2 postijiet vakanti għas-subien f’St. Augustine College.
Fis-sitt sena primarja hemm 2 postijiet vakanti għas-subien f’St. Augustine College.
Fl-ewwel sena sekondarja subien u bniet il-postijiet vakanti għall-Każijiet Umanitarji Gravi ġew kollha mimlijin mill-każijiet tal-Ewwel Kriterju.
Fost is-subien hemm xi każijiet tal-kriterju ta’ skola bla kontinwità li l-proċess ta’ statementing tagħhom għadu mhux konkluż. Għalhekk jista’ ikun li jinħoloq xi post vakanti. Għaldaqstant se nilqgħu applikazzjonijiet għall-ewwel sena sekondarja subien. Dawn l-applikazzjonijiet se jkunu bla ħlas.
Din l-informazzjoni qed tiġi pubblikata bħala għajnuna għal dawk li se japplikaw. Peress li għad ma għandniex l-informazzjoni neċessarja kollha jista’ jkun li jkollna xi tibdil. F’dan il-każ jiġu nfurmati l-applikanti konċernati.
| Il-Bord tad-Dħul |
Data: 3 ta’ Frar 2014 |
