Tiftix
Qrib tiegħi, Mulej,
nisma’ t-tgeġwiġ ta’ leħnek
u jien infittxek fil-proxxmu tiegħi
li jħaffef biex jiltaqa’ miegħi
u jara fhiex ninsab
meta ninqabad kuljum
ġo l-isqaqijiet ta’ ħajti.
Infittxek fit-tenerezzi
li juruni u nirċievi.
Infittxek fil-bnedmin
li b’rieda soda
moħħhom fit-tjieba
u fis-solidarjetà!
B’qalbi kollha, Mulej, jien infittxek!
Qrib tiegħi, Mulej,
nilmaħ is-sinjali ta’ wiċċek
u nfittxek fit-talb u fis-skiet
fejn int tersaq tant qribi
li nħossok tmissni.
Infittxek fil-vanġelu tiegħek
li qed isejjaħli
biex inqum mill-ġdid.
Infittxek fil-ħobż u l-inbid,
sinjali tal-qawwa spiritwali fija
li tmexxini lejn il-Preżenza tiegħek
biex issostnini u tkabbarni fl-Ispirtu.
Infittxek fid-dixxipli umli tiegħek
li moħħhom biss
biex iqanqlu u jxerrdu mħabbtek fid-dinja!
Bil-fidi kollha tiegħi, Mulej, jien infittxek!