Mir-Rabat Għawdex għar-Rabat tal-Marokk.
Newsbook Malta poġġa mal-Arċisqof Alfred Xuereb, in-Nunzju Appostoliku tal-Marokk biex jitkellem dwar kif għex din l-aħħar sena f’dan l-irwol il-ġdid.
Fil-5 ta’ Jannar li għadda 2024, wara ħames snin Nunzju Appostoliku fil-Korea t’Isfel u fil-Mongolja, huwa ntbagħat il-Marokk, li għalih kien post kompletament ġdid. Mal-ewwel ħassu milqugħ u qal li hemmhekk in-nies dħulin waqt li rrakkonta esperjenza li fiha suldat mar jiġri għal fuqu eżatt malli ntemm ir-Ramadan biex miegħu jaqsam l-ikel li kellhom huma. Mument iehor kien meta x-xufier tiegħu, li hu Musulman, xorta ħass li għandu jitolbu jberiklu n-neputijiet.
Spjega li hemmhekk hemm madwar 80,000 Nisrani u hemm żewġ djoċesijiet ta’ Rabat li jitkellmu bil-Franċiż u ta’ Tangire li jitkellmu bl-Ispanjol. Qal li minkejja li qegħdin f’minoranza l-komunità Kattolika hi waħda vibranti u jieħduha b’serjetà kbira l-preparazzjoni għall-quddies.
Matul din is-sena hu għamel il-Griżma lil seba’ żgħażagħ min-Niġerja u niżel fiż-żona ta’ Casablanca fejn hemmhekk dar diversi komunitajiet u għammed sebat itrabi.
L-akkoljenza hija kbira, u l-ilsien Malti jgħinu biex isellmilhom u jikkomunika magħhom biss hemm realtà oħra wkoll għax stqarr li jekk turi li int Nisrani tbati l-konsegwenzi fuq il-post tax-xogħol. Bħala eżempju ġab il-fatt li wieħed pereżempju ma jipprattikax ir-Ramadan jispiċċa jitgħabba b’aktar xogħol u emarġinat.
Din hija biss l-ewwel parti tal-intervista mal-Arċisqof Alfred Xuereb. Fit-tieni parti jitkellem dwar il-ħidma tiegħu mill-qrib mal-Papa Benedittu XVI u ma’ Papa Franġisku, b’anedotti ħelwin dwar il-ħajja tagħhom. Mons. Xuereb ħareġ ukoll pubblikazzjoni dwar l-għerf u l-ħsibijiet li ggwidaw lil Papa Benedittu XVI bl-isem ta’ ‘Il-Jiem Tiegħi ma’ Papa Bendittu XVI’.
Jitkellem ukoll dwar x’fissret għalih li kien Prelat Segretarju Ġenerali tas-Segreterija għall-Ekonomija tas-Santa Sede.
Sors: Newsbook Malta