Aħbarijiet mill-Knisja f'Malta
Is-Sibt 27 ta’ Frar, 2010, l-Arċisqof Pawlu Cremona OP, iċċelebra quddiesa f’Ħal Għaxaq fil-ftuħ taż-żjara Pastorali tiegħu f’dan ir-raħal. L-Arċisqof iltaqa’ mal-membri tas-Soċjeta’ Ċivili ta’ din il-Parroċċa. Għall-programm sħiħ taż-Żjara Pastorali tal-Arċisqof f’Ħal Għaxaq AGĦFAS HAWN.
…
“Kelma ghall-Hajja” huwa programm li jispjega l-Evanġelu tal-Ħadd fil-kuntest ta’ sitwazzjonijiet reali mill-ħajja ta’ kuljum. “Kelma għall-Ħajja” jixxandar kull nhar ta’ Sibt fis-6:05pm fuq TVM, b’repetizzjoni l-Ħadd fit-7:45am, qabel ix-xandira diretta tal-Quddiesa. Biex tara l-episodji kollha ta’ dan il-programm agħfas fuq l-icon YOUTUBE fuq in-naħa t’isfel ta’ din il-paġna. Fuq din il-paġna wkoll tista wkoll tħalli l-kummenti jew suġġerimenti tiegħek dwar din il-produzzjoni mtella’ mill-Uffiċċju Komunikazzjoni tal-Arċidjoċesi ta’ Malta… Kompli aqra »
Hemmhekk
Malli ssejħilna, Mulej,
aħna nitilqu
u mmorru f’postijiet
fejn nibnu s-solidarjetà.
Hemm kotra kbira!
Hemmhekk kulħadd iħossu marbut ma’ xulxin
b’rabta li ma tinħallx.
Hemmhekk kulħadd hu magħqud
għax kull persuna għandha dejjem
il-ferħ u l-paċi fiha.
Malli ssejħilna, Mulej,
aħna nitilqu
u mmorru f’pajjiżi
fejn hi meħtieġa l-maħfra… Kompli aqra »
It-Tnejn
10.00 a.m. L-Arċisqof jippresiedi laqgħa tal-uffiċjali prinċipali tal-Kurja.
7.30 p.m. L-Arċisqof jiltaqa’ mal-Kunsill Pastorali Parrokjali, Kunsill Ekonomiku Parrokjali, Kummissjoni Implimentazzjoni Sinodu ta’ Ħal Għaxaq bħala parti miż-Żjara Pastorali.
It-Tlieta
9.00 a.m. L-Arċisqof iżur l-iskola Primarja ta’ Ħal Għaxaq.
4.30 p.m. L-Arċisqof jiltaqa’ mal-Kummissjoni Kateketika u mal-Katekisti tal-istess Paroċċa.
6.00 p.m… Kompli aqra »
Tiftix
Qrib tiegħi, Mulej,
nisma’ t-tgeġwiġ ta’ leħnek
u jien infittxek fil-proxxmu tiegħi
li jħaffef biex jiltaqa’ miegħi
u jara fhiex ninsab
meta ninqabad kuljum
ġo l-isqaqijiet ta’ ħajti.
Infittxek fit-tenerezzi
li juruni u nirċievi.
Infittxek fil-bnedmin
li b’rieda soda
moħħhom fit-tjieba
u fis-solidarjetà! … Kompli aqra »
Fl-okkażjoni tar-Randan 2010, il-knejjes Insara fil-Brażil ingħaqdu f’kampanja nazzjonali msejħa ‘Kampanja Fraterna’ 2010 bil-għan li jgħinu lis-soċjetà inġenerali tibni ekonomija għas-servizz tal-ħajja.
It-tema magħżula għal din il-kampanja hi “Ma tistax taqdi lil Alla u lill-flus (Mt 6:24) u għandha t-titlu “Ekonomija u Ħajja”.
Il-kampanja tnediet fl-okkażjoni ta’ Ras ir-Randan mill-Kunsill Nazzjonali tal-Knejjes Insara permezz ta’ ċerimonja tal-ftuħ fil-kapitali Brasilia, u li kienet tinkludi laqgħa ta’ talb ekumeniku fis-Santwarju Don Bosco u konferenza stampa fil-Knisja Luterana… Kompli aqra »
27 ta’ Frar – 4 ta’ Marzu, 2010
Is-Sibt, 27 ta’ Frar
6.00 p.m. L-Arċisqof jiċċelebra Quddiesa fil-Knisja ta’ Ħal Għaxaq fil-ftuħ taż-Żjara Pastorali f’din il-parroċċa.
7.30 p.m. L-Arċisqof jiltaqa’ mal-membri tas-Soċjeta Ċivili ta’ Ħal Għaxaq.
It-Tnejn, 1 ta’ Marzu
7.30 p.m. L-Arċisqof jiltaqa’ mal-Kunsill Pastorali Parrokjali, Kunsill Ekonomiku Parrokjali, Kummissjoni Implimentazzjoni Sinodu ta’ Ħal Għaxaq bħala parti miż-Żjara Pastorali… Kompli aqra »
It-Tlieta, 23 ta’ Frar, 2010, il-Kumitat Organiżattiv Interdjoċesan u l-Kumitat Organiżattiv Nazzjonali taż-żjara tal-Papa f’Malta organiżżaw Press Briefing għall-Edituri tal-aġenziji lokali tal-aħbarijiet. Matul dan il-business breakfast li għalih attendew numru sabiħ ta’ edituri, huma kellhom l-opportunita li jsaqsu diversi mistoqsijiet u jagħtu s-suġġerimenti fuq l-arranġamenti li qed isiru għall-media matul iż-żjara tal-Papa. Id-delegat tal-Arċisqof għall-mezzi tal-komunikazzjoni soċjali, Fr Charles Tabone O.P, u d-Direttur Ġenerali tad-Dipartiment tal-Informazzjoni, is-Sur Martin Bugelli, stiednu r-rappreżentanti tal-istazzjonijiet tat-television, radju u media stampata biex jipparteċipaw fil-laqgħat li se jsiru ta’ kull ġimgħa għall-media bi tħejjija għaż-żjara tal-Papa Benedittu XVI f’Malta… Kompli aqra »
Kurjuż
Kemm hi kurjuża dil-ħaġa,
li int, Mulej,
ta’ kobor bla qies,
u ogħla minn kollox
u minn kulħadd,
tersaq lejna bħal ħuna
u tgħix bħalna
u tmut ukoll bħalna,
u timxi magħna fil-widien xotti ta’ ħajjitna
u fl-istat fqajjar tagħna l-bnedmin.
Kemm hi kurjuża dil-ħaġa,
li int, Mulej,
etern u mogħti qima,
teħodha kontra l-flus
li jaħkmu l-qlub
u r-reliġjonijiet;
li int, tfittex il-ħbieb
għaliex ma tiflaħx ma taqsamx imħabbtek ma’ l-oħrajn,
li int, tilbes il-fardal tal-qaddejja;
li int, ġarrabt u waqajt
taħt l-attakki tal-mibegħda,
li int tokrob fis-solitudni;
li int, indfint fl-art
bħal ma’ żerriegħa titgħatta bil-ħamrija,
u minnek ħareġ frott li ħadd ma stenna:
fik aħna nemmnu,
Mulej Alla tagħna
li ġġib ruħek magħna
b’mod daqshekk kurjuż… Kompli aqra »
Euthanasia
Il-linji gwida ppubblikati llum mill-Prosekutur Pubbliku Keir Starmer dwar it-tiswir tal-liġi fuq id-dritt għall-ħajja “idgħajfu l-battalja kontra li wieħed jikkommetti suwiċidju assistit”. Dan iddikjarah is-Segretarju Ġenerali tas-Soċjeta għall-Protezzjoni tat-tfal mhux imwielda, Paul Tully. Din is-Soċjeta titqies bħala waħda mill-iktar assoċjazzjonijiet favur il-ħajja li hi importanti.
“Bħala stat ta’ fatt, ir-regola l-ġdida ma ħallietx krimini is-suwiċidju assistit, u dan f’għadd ta’ ċirkostanzi”, kompla jispjega Tully… Kompli aqra »
