Arkivji mensili: April 2010

FACEBOOK PENALIZZATA GĦAL RITRATT OFFENSIV TA’ ISQOF FRANĊIŻ

21/04/2010

Facebook

Is-sit internet Facebook riċentament kien penalizzat talli ppermetta li jintefa fuqu ritratt offensiv ta’ Isqof Franċiż li lanqas biss hu membru msieħeb ta’ Facebook.

Il-Konferenza episkopali Franċiża qalet fuq is-sit tagħha tal-internet li “mit-23 ta’ Frar, l-Isqof Herve Giraud, assista għal ritratt tiegħu fuq il-Facebook fuq l-intenet, liema ritratt kien akkumpanjat minn kliem indiċenti”. Ikkonfermat li lanqas ma biss ma hu membru ta’ dan is-sit… Kompli aqra »

L-Evanġelu tal-Jum – 21 ta’ April

21/04/2010

Ġwanni 6, 35-40

Weġibhom Ġesù: “Jiena hu l-ħobż tal-ħajja. Min jiġi għandi ma jieħdu qatt il-ġuħ, u min jemmen fija ma jkun qatt bil għatx. Imma jiena ġa għedtilkom li, għalkemm rajtuni, ma emmintux. Dawk kollha li jagħtini Missieri jiġu għandi, u min jiġi għandi ma nkeċċihx ‘il barra; għax jiena nżilt mis-sema mhux biex nagħmel ir-rieda tiegħi, imma r-rieda ta’ min bagħatni… Kompli aqra »

19 – 25 ta’ April

20/04/2010

It-Tnejn

9.00 a.m. L-Arċisqof jippresiedi laqgħa tal-uffiċjali prinċipali tal-Kurja.

12.30 p.m. L-Arċisqof jindirizza Konferenza Stampa dwar iż-Żjara tal-Papa, f’Malta.

4.30 p.m. L-Arċisqof jiltaqa’ mas-Seminaristi, jiċċelebra Quddiesa u jibqa’ magħhom għall-ikel, fis-Seminarju, tal-Virtu.

It-Tlieta

8.30 a.m. L-Arċisqof jiltaqa’ mal- E.T. Ulla Gudmundson, Ambaxxatur ta’ l-Isvezja fil-Kurja.

9.30 a.m. L-Arċisqof jippresiedi il-Konferenza Episkopali… Kompli aqra »

VOKAZZJONIJIET SAĊERDOTALI ĠODDA RIŻULTAT TA’ SFORZ TA’ KOLLABORAZZJONI

20/04/2010

priestly vocations

Evidenza minn studju li sar ma’ kandidati għall-ordinazzjoni saċerdotali dis-sena turi li l-vokazzjonijiet huma riżultat tal-kollaborazzjoni tal-kleru, tal-familji u  tal-poplu sħiħ ta’ Alla.

Il-konferenza episkopali Aemrikana irrappurtat fil-jiem li għaddew dwar il-proġett annwali ta’ riċerka ikkummisjonat minnha u mwettaq miċ-Ċentru tar-riċerka applikata fl-Appostolat fi ħdan l-Universita. Il-proġett kellu t-titlu “The Class of 2010: Survey of Ordinands to the Priesthood”.

Il-Kardinal Sean O’Malley ta’ Boston, Chairman tal-Kumitat għall-Kleru, il-Ħajja Kkonsagrata u l-Vokazzjonijiet fi ħdan l-istess Konferenza Episkopali qal li ħafna mill-ordinandi ilhom fit-twemmin kattoliku sa mit-twelid… Kompli aqra »

L-Evanġelu tal-Jum -20 ta’ April

20/04/2010

Ġwanni 6,30-35

Qalulu: “X’sinjal se tagħmel biex aħna narawh u nemmnuk? X’sejjer tagħmel? Missirijietna kielu l-manna fid-deżert, bħalma hemm miktub, ‘Tahom jieklu ħobż mis-sema.’?” Weġibhom Ġesù: “Tassew tassew ngħidilkom, mhux Mosè takom il-ħobż mis-sema, iżda Missieri jagħtikom il-ħobż tassew mis-sema; għaliex il-ħobż ta’ Alla huwa dak li jinżel mis-sema u jagħti l-ħajja lid-dinja.” “Sinjur?” qalulu huma,”agħtina dejjem minn dan il-ħobż.” Weġibhom Ġesù: “Jiena hu l-ħobż tal-ħajja… Kompli aqra »

L-Evanġelu tal-Jum -19 ta’ April

19/04/2010

Gwanni 6,22-29

L-għada, in-nies li kienu għadhom in-naħa l-oħra tal-baħar raw li hemmhekk ma kienx hemm ħlief dgħajsa waħda u li Ġesù ma kienx tela’ fiha mad-dixxipli tiegħu, imma li d-dixxipli kienu marru weħidhom. Mela waslu xi dgħajjes oħra minn Tiberija qrib fejn kienu kielu l-ħobż wara li l-Mulej kien radd il-ħajr. Iżda n-nies, meta raw li fuqhom la kien hemm Ġesù u lanqas id-dixxipli tiegħu, telgħu fuq id-dgħajjes u marru lejn Kafarnahum ifittxu lil Ġesù… Kompli aqra »

GĦOTJA TA’ 35,000 EWRO LILL-PAPA GĦALL-VITTMI F’HAITI

18/04/2010

L-Isqfijiet Maltin jixtiequ jirringrazzjaw lill-poplu ta’ dawn il-Gżejjer għas-sehem tagħhom fl-Ewkaristija, madwar il-Qdusija tiegħu l-Papa, fuq il-Fosos tal-Furjana, kif ukoll dawk li segwew permezz tal-mezzi tax-xandri. Il-folla kbira ta’ nies miġbura minkejja li l-ġurnata bdiet bix-xita turi li Ġesu’ Kristu Hu fil-qalb tal-poplu tagħna.

F’din l-okkażjoni l-Isqfijiet offrew lill-Papa f’isem kulħadd, għotja ta’ €35,000, għall-vittmi tat-terremot ta’ Ħaiti miġbura mill-insara tad-Djoċesijiet ta’ Malta u Għawdex… Kompli aqra »

IL-PAPA BENEDITTU XVI JAGĦLAQ 83 SENA

18/04/2010

Il-Papa Benedittu XVI illum jagħlaq 83 sena. Huwa twieled fl-1927 f’Marktl, fil-Ġermanja. Huwa ġej minn familja anti-Nażista li batiet ħafna minħabba dan il-fatt. F’żogħżitu huwa ssieħeb bilfors fil-Hitler Youths, madankollu huwa rnexxielu jevita li jmur għal-laqgħat tagħhom.

Fl-1939, Joseph Ratzinger daħal fis-seminarju minuri sabiex jibda t-triq għas-saċerdozju. Madankollu kellu jieqaf minħabba t-Tieni Gwerra Dinija u kien fl-1945 li flimkien ma’ ħuh Georg daħal is-seminarju sabiex ikompli l-istudji tiegħu fit-Teoloġija… Kompli aqra »

ELUF TA’ MALTIN JATTENDU GĦALL-QUDDIES IĊĊELEBRATA MILL-PAPA

18/04/2010

Nhar il-Ħadd, 18 ta’ April, 2010, il-Papa Benedittu XVI iċċelebra Quddiesa fuq il-Fosos tal-Furjana. Minkejja li kmieni filgħodu ħareġ temp mdallam, eluf ta’ Maltin u Għawdxin ħarġu bi ħġarhom biex isegwu ċ-ċerimonja. Matul il-Quddies il-Papa ġie mogħti rigal, abbozz ta’ Kristu Re. Fl-omelija tiegħu il-Papa reġa wera l-ferħ tiegħu li jinsab fost il-Maltin, li huwa poplu ħerqan li jilqa’ u jitgħallem minn dawk kolla li żaru din il-gżira… Kompli aqra »

L-PAPA JINGĦATA STATWA TA’ KRISTU RE

18/04/2010

L-Isqfijiet tal-gżejjer Maltin bħala rikonoxximent lill-Papa, taż-Żjara f’Malta, se jagħtuh skultura ta’ Krisut Re’. Din l-iskultura ġiet maħduma mill-artist Malti ta’ fama internazzjonali,  Antonio Sciortino. L-iskultura oriġinali ġiet inawgurata matul l-Kungress Ewkartistiku li seħħ f’Malta fis-sena 1913.

L-iskultura se tiġi ippreżentata mill-Isqfijiet f’isem il-poplu Malti kollu. Christopher Ebejer ġie inkarigat biex jaħdem l-abboz fit-tafal, filwat li Laga Ltd… Kompli aqra »