Pope in UK

Il-Papa Benedittu XVI dalgħodu mexxa assemblea ta’ tfal fil-Punent ta’ Londra. Dan meta qed jissokta biż-żjara statali tiegħu fir-Renju Unit. Wara mumenti ta’ talb, il-Papa nstaq bil-popemobile fil-bini tal-Kulleġġ Universitarju ddedikat lil Santa Marija fi Twickenham. Aktar kmieni huma reġa’ ngħata merħba mal-wasla tiegħu karatterizzata minn sigurta massima. Iżjed tard fl-iskeda hi laqgħa mal-Arċisqof ta’ Canterbury, fost appuntamenti oħrajn.

Intant, għexieren ta’ eluf ta’ persuni attendew għall-quddiesa fil-beraħ li ċċelebra l-Papa Benedittu XVI fi Glasgow, fl-Iskozja… Kompli aqra »

Nhar il-Ħamis, 16 ta’ Settembru, 2010, l-Arċisqof Pawlu Cremona O.P. iltaqa’ mal-abbatini tal-parroċċa tas-Siġġiewi fir-residenza tiegħu, Ħ’Attard.

Agħfas fuq ir-ritratt biex tkabbar… Kompli aqra »

Fra Karmenu huwa late vocation. Twieled il-Furjana fit-12 ta’ Settembru 1962. Huwa armel; u għex u ħadem għal 23 sena mal-Posta l-Ingilterra. Wara li ħa ħsieb martu marida bil-kanċer, qatagħha li jinżel Malta. Minn dejjem kien bniedem li ħabb it-talb u, mġarrab kif kien, sab il-faraġ u l-enerġija biex jagħti sehemu f’ħajja tajba.
Issa ilu midħla tal-ħidma u l-ispiritwalità tal-patrijiet Karmelitani Tereżjani mis-sena 2007… Kompli aqra »

Is-Santa Sede se terġa’ tipparteċipa fiċ-ċelebrazzjoni tal-Jiem ta’ Wirt Ewropew, inizjattiva tal-Kunsill tal-Ewropa, li fih jieħdu sehem iktar minn 50 pajjiż Ewropew. Iċ-ċelebrazzjonijiet dis-sena se jsiru l-Ħadd 26 ta’ Settembru u għandhom it-tema: “European Heritage for Inter-cultural Dialogue”  jew “Wirt Ewopew għal Djalogu Inter-Kulturali”.

Komunikat pubbliku spjega li jikkollaboraw flimkien għal din l-attivita huma l-Kummissjoni Pontifiċja għall-Patrimonju Kulturali tal-Knisja, il-Mużewijiet tal-Vatikan u l-Kummissjoni Pontifiċja għall-Arkeoloġija Sagra… Kompli aqra »

Nhar l-Erbgħa, 15 ta’ Settembru, 2010, is-Segretarjat għall-Edukazzjoni organizza laqgħa ta’ formazzjoni g]al madwar 70 għalliem ġdid li ser jibdew jaqdu d-dmirijiet edukattivi tagħhom fis-sena skolastika li jmiss.

Id-Direttur għas-servizzi Edukattivi, Dr. Rose Anne Cuschieri, għamlet kelmtejn ta’ merħba u aċċennat dwar l-importanza ta’ dawn il-laqgħat. Hi semmiet xi punti importanti li jagħmlu t-tagħlim ġo skola tal-Knisja uniku fosthom dak kariżmatiku… Kompli aqra »

“U jien għalfejn se mmur 20 minuta fuq il-katamaran mal-papa?” “kemm ha ndum nistenna, dan ġej jew?”. Meta niftakar li ħsibijiet li bdew jgħaddu minn moħħi dak il-ħin tfeġġli tbissima fuq fommi f’dik il-ġurnata tant speċjali, nhar it18 ta’ April, 2010. Sinċerament ma kont naf għalxiex dieħel u x’jista’ jiġri. Nistqarr, li mal-wasla tal-Papa Benedittu XVI qisu bhal bdejt noħlom u ħassejtni qisni qed ninqata’ mid-dinja reali… Kompli aqra »

Nhar is-Sibt, 11 ta’ Settembru, 2010, f’Westminster, fir-Renju Unit, ġiet iċċelebrata ‘Jum Malta’. Din iċ-ċelebrazzjoni annwali saret waħda mfittxija mill-Maltin li jgħixu fir-Renju Unit.

L-Arċisqof Pawlu Cremona O.P. kien mistieden jattendi dawn l-attivitajiet. Flimkien ma’ l-Arċisqof ta’ Westminster, ir-Rev. Vincent Nicholas, l-Arċisqof Cremona kkonċelebra Quddiesa u wara saret purċissjoni bl-istatwa tal-Bambina fit-toroq ta’ Westminster. Il-purċissjoni ġiet fi tmiema quddiem il-Kappella tal-Qalb Imqaddsa fejn saret ċerimonja tal-għeluq.   … Kompli aqra »