Yearly Archives: 2010

INSARA BRAŻILJANI MAGĦQUDA JIPPROMWOVU EKONOMIJA GĦAS-SERVIZZ TAL-ĦAJJA

27/02/2010

Fl-okkażjoni tar-Randan 2010, il-knejjes Insara fil-Brażil ingħaqdu f’kampanja nazzjonali msejħa ‘Kampanja Fraterna’ 2010 bil-għan li jgħinu lis-soċjetà inġenerali tibni ekonomija għas-servizz tal-ħajja.

It-tema magħżula għal din il-kampanja hi “Ma tistax taqdi lil Alla u lill-flus (Mt 6:24) u għandha t-titlu “Ekonomija u Ħajja”.

Il-kampanja tnediet fl-okkażjoni ta’ Ras ir-Randan mill-Kunsill Nazzjonali tal-Knejjes Insara permezz ta’ ċerimonja tal-ftuħ fil-kapitali Brasilia, u li kienet tinkludi laqgħa ta’ talb ekumeniku fis-Santwarju Don Bosco u konferenza stampa fil-Knisja Luterana… Kompli aqra »

PROGRAMM TAŻ-ŻJARA PASTORALI F’ĦAL GĦAXAQ

27/02/2010

27 ta’ Frar – 4 ta’ Marzu, 2010

Is-Sibt, 27 ta’ Frar

6.00 p.m. L-Arċisqof jiċċelebra Quddiesa fil-Knisja ta’ Ħal Għaxaq fil-ftuħ taż-Żjara Pastorali f’din il-parroċċa.

7.30 p.m. L-Arċisqof jiltaqa’ mal-membri tas-Soċjeta Ċivili ta’ Ħal Għaxaq.

It-Tnejn, 1 ta’ Marzu

7.30 p.m. L-Arċisqof jiltaqa’ mal-Kunsill Pastorali Parrokjali, Kunsill Ekonomiku Parrokjali, Kummissjoni Implimentazzjoni Sinodu ta’ Ħal Għaxaq bħala parti miż-Żjara Pastorali… Kompli aqra »

LAQGĦA TA’ INFORMAZZJONI GĦALL-ISTAMPA DWAR IŻ-ŻJARA TAL-PAPA

27/02/2010

It-Tlieta, 23 ta’ Frar, 2010, il-Kumitat Organiżattiv Interdjoċesan u l-Kumitat Organiżattiv Nazzjonali taż-żjara tal-Papa f’Malta organiżżaw Press Briefing għall-Edituri tal-aġenziji lokali tal-aħbarijiet. Matul dan il-business breakfast li għalih attendew numru sabiħ ta’ edituri, huma kellhom l-opportunita li jsaqsu diversi mistoqsijiet u jagħtu s-suġġerimenti fuq l-arranġamenti li qed isiru għall-media matul iż-żjara tal-Papa. Id-delegat tal-Arċisqof għall-mezzi tal-komunikazzjoni soċjali, Fr Charles Tabone O.P, u d-Direttur Ġenerali tad-Dipartiment tal-Informazzjoni, is-Sur Martin Bugelli, stiednu r-rappreżentanti tal-istazzjonijiet tat-television, radju u media stampata biex jipparteċipaw fil-laqgħat li se jsiru ta’ kull ġimgħa għall-media bi tħejjija għaż-żjara tal-Papa Benedittu XVI f’Malta… Kompli aqra »

Rifflesjonijiet għal Żmien ir-Randan – 26 ta’ Frar 2010

26/02/2010

Kurjuż

Kemm hi kurjuża dil-ħaġa,

li int, Mulej,

ta’ kobor bla qies,

u ogħla minn kollox

u minn kulħadd,

tersaq lejna bħal ħuna

u tgħix bħalna

u tmut ukoll bħalna,

u timxi magħna fil-widien xotti ta’ ħajjitna

u fl-istat fqajjar tagħna l-bnedmin.

Kemm hi kurjuża dil-ħaġa,

li int, Mulej,

etern u mogħti qima,

teħodha kontra l-flus

li jaħkmu l-qlub

u r-reliġjonijiet;

li int, tfittex il-ħbieb

għaliex ma tiflaħx ma taqsamx imħabbtek ma’ l-oħrajn,

li int, tilbes il-fardal tal-qaddejja;

li int, ġarrabt u waqajt

taħt l-attakki tal-mibegħda,

li int tokrob fis-solitudni;

li int, indfint fl-art

bħal ma’ żerriegħa titgħatta bil-ħamrija,

u minnek ħareġ frott li ħadd ma stenna:

fik aħna nemmnu,

Mulej Alla tagħna

li ġġib ruħek magħna

b’mod daqshekk kurjuż… Kompli aqra »

FL-INGILTERRA POSSIBBLI LI S-SUWIĊIDJU ASSISTIT MA JIBQAX KRIMINI

25/02/2010

Euthanasia

Il-linji gwida ppubblikati llum mill-Prosekutur Pubbliku Keir Starmer dwar it-tiswir tal-liġi fuq id-dritt għall-ħajja “idgħajfu l-battalja kontra li wieħed jikkommetti suwiċidju assistit”. Dan iddikjarah is-Segretarju Ġenerali tas-Soċjeta għall-Protezzjoni tat-tfal mhux imwielda, Paul Tully. Din is-Soċjeta titqies bħala waħda mill-iktar assoċjazzjonijiet favur il-ħajja li hi importanti.

“Bħala stat ta’ fatt, ir-regola l-ġdida ma ħallietx krimini is-suwiċidju assistit, u dan f’għadd ta’ ċirkostanzi”, kompla jispjega Tully… Kompli aqra »

Rifflesjonijiet għal Żmien ir-Randan – 25 ta’ Frar 2010

25/02/2010

L-inqas li hu mistenni

L-inqas li hu mistenni mill-bniedem

mhux li kull persuna

tiġi ttrattata bir-rispett

u jkollha l-istess dritt għall-ħajja?

L-inqas li hu mistenni mill-bniedem

mhux li kull persuna

tkun ħielsa

u kapaċi toħloq

mingħajr ma tkun maħkuma

mill-flus, mir-reliġjonijiet jew mill-istati?

L-inqas li hu mistenni mill-bniedem

mhux li l-art nibżgħu għaliha

bħala ħaġa sagra,

inħarsuha u nsebbħuha

biex tibqa’ l-ambjent

li nistagħġbu bih,

imħejji minn Alla

għal dawk kollha

li jgħixu fih? … Kompli aqra »

STATISTIKA GĦALL-KNSIJA KATTOLIKA F’MALTA

24/02/2010

Malta's Grand Harbour

Fl-okkażjoni tal-vjaġġ appostoliku tal-Papa Benedittu XVI f’Malta, li għandu jsir bejn is-17 u t-18 t’April li ġej biex jikkommemora l-1950 anniversarju min-nawfraġju ta’ San Pawl f’Malta, kienet ippubblikata statistika li tikkonċerna l-Knisja Kattolika f’dan il-pajjiż. L-informazzjoni, aġġornata sa Diċembru 2008, ngħatat mill-Uffiċċju Ċentrali tal-Istatistika tal-Knisja f’Malta.

Malta, bil-belt ewlenija tagħha, Valletta, għandha popolazzjoni ta’ 443,000 li minnhom 418,000 (94.4%) huma kattoliċi… Kompli aqra »

L-ARĊISQOF JILTAQA’ MAL-BDIEWA MINN BURMARRAD

24/02/2010

Nhar it-Tlieta, 24 ta’ Frar 2010, l-Arċisqof Pawlu Cremona OP iltaqa’ mal-bdiewa residenti f’Burmarrad. Din iż-żjara tifforma parti minn serja ta’ laqgħat li l-Arċisqof qed jagħmel f’Burmarrad bħala parti miż-żjara pastorali f’din il-lokalita’. Għall-programm sħiħ taż-Żjara Pastorali tal-Arċisqof f’Burmarrad AGĦFAS HAWN.

Agħfas fuq ir-ritratt biex tkabbar… Kompli aqra »

Rifflesjonijiet għal Żmien ir-Randan – 24 ta’ Frar 2010

24/02/2010

Ġudizzju

Il-jum tal-ġudizzju –

u l-bnedmin jinsabu miġbura.

Huma jistqarru quddiem il-Mulej

li qiegħed fuq it-tron tiegħu:

“M’aħniex denji

li nidħlu fil-Preżenza tiegħek.

Ma tajnikx qima!

Ma tajniex ġieh

lill-Isem qaddis tiegħek!

Il-festi tiegħek ma ċċelebrajniehomx

b’mod xieraq u qaddis!

Lgħabniha ta’ nsara

u bdilnik ma’ allat oħra! … Kompli aqra »

AKTAR ATTIVITAJIET MIŻ-ŻGĦAŻAGĦ F’ĦAL QORMI

23/02/2010

Nhar il-Ħadd, 21 ta’ Frar 2010, fil-Knisja Parrokkjali ta’ San Bastjan Ħal-Qormi, saret Quddiesa bis-Salib u l-Ikona, replika ta’ dawk mogħtija mill-Papa Ġwanni Pawlu II liż-żgħażagħ fil-Jum Dinji taż-Żgħażagħ ta’ 25 sena ilu. Din iċ-ċelebrazzjoni kienet animata miż-żgħażagħ tal-PLYG (Pastoral Liturgical Youth Group) tal-Parroċċa ta’ San Bastjan, bil-parteċipazzjoni ta’ żgħażagħ mill-parroċċa ta’ San Ġorġ, Ħal Qormi. Is-Salib u l-Ikona, simboli tal-vjaġġ tal-ħajja tagħna fil-preżenza ta’ Kristu u Ommu Marija, ser ikunu fil-Parroċċa ta’ San Bastjan matul din il-ġimgħa… Kompli aqra »