Aħbarijiet mill-Knisja f'Malta
20 – 26 ta’ Frar, 2010
Is-Sibt, 20 ta’ Frar
5.00 p.m. L-Arċisqof jiltaqa’ mal-Kummisjoni Diakonia ta’ Burmarrad.
6.15 p.m. L-Arċisqof jiċċelebra Quddiesa fil-Knisja fil-ftuħ taż-Żjara Pastorali f’din il-parroċċa.
8.00 p.m. p.m. L-Arċisqof jiltaqa’ mal-komunita’ ta’ patrijiet Fraġiskani Konventwali ta’ din il-parroċċa u jibqa’ magħhom għall-ikel.
It-Tlieta, 23 ta’ Frar
5.30 p.m… Kompli aqra »
Fejqan
Il-ħars tagħna
ifittex id-difetti.
Jieqaf fuq in-nuqqasijiet.
Jgħaddi ġudizzju kif ifettillu.
Jagħmilha ta’ mħallef.
Jara biss dak
li jidher minn barra.
Dejjem għandu raġun.
Żgur minnu nnifsu.
Jiddeċiedi, bla ma jqis xejn,
min hu dak
li hu denn li jkun magħna
u min hu dak
li għandu jitwarrab… Kompli aqra »
Nhar il-Ħamis, 18 ta’ Frar 2010, fil-Kappella tal-Universita saret attivitaˋ imtella’ miċ-Chaplaincy ta’ l-Universitaˋ u ikkummissjonata mill-Kummissjoni Djoċesana Żgħażagħ (KDŻ). Fr. John Berry – visiting lecturer fil-Fakultaˋ tat-Teoloġija, Ms. Alessandra Dee Crespo flimkien ma’ Mr David Torpiano, żewġ studenti tat-teoloġija, taw ħarsa lejn it-tagħlim tal-Papa Benedittu XVI b’ħarsa mill-qrib lejn il-messaġġ tal-ktieb tiegħu ‘Ġesu ta’ Nazaret’. … Kompli aqra »
Integrità
Int biss, Mulej,
taf il-ħafna wċuh tad-dnub tiegħi.
Id-dnub nifidli qalbi
u ggranfa miegħi
qisu parassita
li jgħix minn fuqi
u jixrobli demmi.
Ma rridx nieqaf, Mulej,
milli nħaffef bil-ġiri
lejn ħajja trasparenti ta’ integrità
li jien imsejjaħ għaliha!
Kemm ili, Mulej,
niġma t-tensjoni
u naqa’ biċċiet
waqt li nipprova ngħixha? … Kompli aqra »
Madre Teresa
Ateisti fl-Istati Uniti tal-Amerika qed jiġġieldu proposta ta’ bolla kommemorattiva li tonora lil Madre Tereża ta’ Calcutta. Eluf ta’ kattoliċi qed jirsistu kontra dak li qed jiddeskrivu u jikkunsidraw bħala diskriminazzjoni reliġjuża.
CatholicVoteAction.org ippubblikat stqarrija għall-istampa b’appell lill-Amerikani sabiex jingħaqdu mal-qrib 78,000 firmatarju ta’ petizzjoni b’appoġġ għal bolla ta’ Madre Tereża. Il-petizzjoni indirizzata lill-Postmaster General Amerikan Jack Potter tafferma, “Ninsabu mħassba bir-rapporti li gruppi ateisti qed jittentaw iwaqqfu l-proċess kontemplat għall-ħruġ tal-bolla ta’ Madre Tereża”… Kompli aqra »
Kelma tal-Ħajja
Jalla l-Kelma tiegħek, Mulej,
tħeġġiġna nishru fuq din l-art,
l-art li rċevejna mingħandek stess.
Jalla din l-art tagħmel ħafna frott
u toffri ambjent sabiħ u armonjuż
fejn it-tfal ta’ għada
jkunu jistgħu jgawdu
l-ward u x-xewk
tal-ħajja ferrieħa tagħhom.
Jalla l-Kelma tiegħek, Mulej,
issejħilna nqassmu l-imħabba tiegħek
lil sħabna fuq din l-art
sabiex huma jkunu jistgħu
jduquha u jiggustawha
bħala ikel bnin u abbundanti
li jaqta’ l-ġuħ u l-għatx
li huma għandhom
għall-hena bla tmiem… Kompli aqra »
Cardinal Sean Brady
Il-President tal-Konferenza Episkopali Irlandiża qal li l-Knisja f’dan il-pajjiż tista’ terġa tikseb il-kredibilita. Dan ovvjament wara l-iskandlu ta’ abbużi sesswali mwettqa minn membri tal-kleru. Fi kliem il-kardinal Sean Brady, li l-Knisja tikseb mill-ġdid kredibilita hu possib bli, anke jekk dan ikun jitlob il-ħin u ċertu umiljazzjoni.
L-Arċisqof ta’ Armagh u Primat tal-Irlanda kollha, jinsab lura l-Irlanda wara jumejn ta’ laqgħat mal-Papa Benedittu XVI u l-Isqfijiet l-oħra Irlandiżi u rappreżentanti tal-Kurja ta’ Ruma… Kompli aqra »
L-Erbgħa ta’ l-Irmied:
Issa li għamilna s-sinjal tas-salib bl-irmied, Mulej,
se nieħdu d-deċiżjoni quddiem kulħadd
li nitilqu u nibdew
il-mixja tal-konverżjoni!
Erbgħin jum m’humiex biżżejjed
għax irridu ż-żmien
biex niffurmaw il-qalb u n-natura
skond l-ispirtu tal-vanġelu!
Se nitilqu, għal darb’oħra,
konxji tad-dgħjufijiet tagħna,
imma moħħna mistrieħ
mill-appoġġ tiegħek,
b’fehma soda
li naddattaw l-imġieba
u d-deċiżjonijiet tagħna
għall-imħabba li int xettilt fina
u li issa qed titlobna niżirgħu fl-umanità… Kompli aqra »
Filwaqt li kkonferma ż-żjara li se jagħmel l-Iskozja u li mistennija ssir f’Settembru, il-Papa Benedittu XVI appella għal tħejjija lill-Kattoliċi fil-qasam tal-vokazzjonijiet, partikolarment il-vokazzjonijiet li fil-ħajja saċerdotali u reliġjuża u fil-ħajja lajkali.
“Iżjed tard dis-sena, se jkolli l-pajċir ningħaqad magħkom u mal-kattoliċi tal-Iskozja”. Hekk afferma l-Papa f’udjenza mal-Isqfijiet Skoċċiżi li kienu l-Vatikan fuq iż-żjara li ssir mill-Isqfijiet kull ħames snin. Qalilhom: “hekk kif qed titħejjew għaż-Żjara Appostolika, inkoraġixxu lill-poplu sabiex jitlob biex dan ikun mument ta’ grazzja għall-komunita Kattolika sħiħa ta’ pajjiżkom”… Kompli aqra »
F’konferenza ta’ l-aħbarijiet li saret it-Tlieta, 16 ta’ Frar, 2010, maġenb il-Grotta ta’ San Pawl, ir-Rabat, il-Kumitat Organizattiv Interdjoċesan ippreżenta l-Programm Pastorali bi tħejjija għaż-żjara f’Malta tal-Papa Benedittu XVI f’Malta. Il-Kumitat organizattiv nieda wkoll website li tinkludi d-dettalji kollha b’rabta mat-tħejjija għaż-żjara tal-Papa f’Malta: www.popemalta.org
Dawn huma l-iniżjattivi ewlenin li qed jittieħdu u li qed jiġu organizzati mis-Segretarjat għal-Lajċi, mill-Kummissjoni Djoċezana Żgħażagħ u mill-Kummissjoni Djoċezana Tfal:
